بالنسبه للحرارة ..
مرت علي نفس مشكلتك في الصيف اللي راح
طفت علي مروحه وحده
وتشتغل بعد ما أطق الدينمو حقها
.
.
وغيرت الدينمو بنوعيه على ما أعتقد صناعته تايواني
وإلى يومك ماشاء الله تمام
السلام عليكم ورحمة الله وبركاته
هاليومين صاير ما يمر يوم الا والحرارة متعدية النص يومياً ترتفع
رحت لورشة وسالته قال عندك مروحة ما تشتغل الا اذا حركتها بيدك وخفيفة بعد
عاد مدري المروحة خربانه ولا لا مع العلم اني قبل 3 شهور كانت امشي بعز الحر ووكانت مروحة وحدهـ تشتغل بس والحرارة مستحيل تتعدى النص
يا ليت الي عندهم اكورردات 2007 وتحت يشوفون مراوحهم كلهن يشتغلن ولا وشلوون ؟!
مع العلم ان الحرارة ما ترتفع الا اذا شغلت المكيف
وعندي مشكلة ثانية بسيطة وهي وانا حاط القير بالـD وضاغط فرامل موقف يعني تطلع طقطه خفيفه مع العلم ان كراسي المكينة سليمة لاكن كراسي القير يبيلها تغيير تهقوون ان الطقطه من كراسي القير ؟!
وشكراً لاستماعكم :d
التعديل الأخير تم بواسطة Abusliman ; 08-05-2011 الساعة 07:11 PM
بالنسبه للحرارة ..
مرت علي نفس مشكلتك في الصيف اللي راح
طفت علي مروحه وحده
وتشتغل بعد ما أطق الدينمو حقها
.
.
وغيرت الدينمو بنوعيه على ما أعتقد صناعته تايواني
وإلى يومك ماشاء الله تمام
بدل مراوح اشتري اصلي على شان لا تنكبك في يوم من الايام ...
اما الطقطقه ماقدر افيدك فيها
صحيح كلام الشباب غير الدنمو والمروحه كامل
حبيبي لاتغير مراوح ولاشي سعرها مرا غالي
روح اقرب تشليح واشتري الدينمو لحاله اذا المروحه نفسها مو مكسوره
او البلاستيك مافيه شي لاتشتريه
انا اشتريت الدينمو اخر مرا من التشليح اصلي هوندا ب 90 ريال
والتركيب 30 ريال والى يومك لها ماشاء الله سنتين ولافيها شي
شوف اي دينمو مروحه خربان حق المكيف ولا المكينه وغيره فقط
طيب التايواني بيصبر ولا يضر السيارة ؟!
وانا والله ببيع السيارة عقب الاختبارات ان شاء الله
يعني يمدي تصبر معي هالشهرين ؟!
وكم قعد معك الدينمو التايواني من يوم ما ركبته ؟!
وكم سعرهـ ؟!
يا ليت تجاوب على كل الاستفسارات اذا تقدر ..
لا صوت طقطه بدون احتكاك والظاهر انها من كراسي القير
مستحيل ابدل المراوح غالية وانا والله مزنوق والعطل دينمو بس
طيب كم سعر الدينمو بمحلات قطع الغيار اصلي وكالة ؟!
شكراً على اهتمامكم والحمد لله المشكلة بسيطة [ دينمو ]
ابو سليمان غير القلب حق الدينمو المراوح وإن شاء الله يضبط معك..
هذا موضوع فيه شرح للتغير وطريقة سهله بإذن لله..
http://www.hondaarabia.com/club/t36101/
:(
ابي سعر الدينمو الاصلي بمحلات قطع الغيار ضرووووري قبل العصر
والدينمو التجاري ( تايواني ) يقولون لا وقفت يصير المكيف حار وما يبرد الا اذا مشيت صحيح هالكلام !!
هي مافيها احسن واحد!. :d
تفضل هذا رقم جوال محل قطع غيار فيه عنده اصلي وتجاري..
0502715550
::مساعد::
موقع محل قطع الغيار بحي ام الحمام طريق العروبة مقابل مسجد الملك خالد.
يفضل الأتصال بوقت مناسب لمراعاة الرجال وعدم الأزعاج..
:(
لتأكيد حل المشكلة شوف الرد هذا عشان تقتنع بالأصلي, ادري انه راح يكلفك لكن يغنيك عن مشاكل التايواني او الصيني بشكل عام التجاري كله مشاكل!.
http://www.hondaarabia.com/club/post443820-78/
وهذه صورة للدينمو تبع موديل سيارتك..
رقم القطعة لكل من الجهتين::
38616-RAA-A01
19030-RAA-A01
:(
انا سمعت انو حق الكامري يركب عليها وسعره وكاله 350
شكراً لاهتمامكم
والاصلي ما افكر فيه ابداً وحتى حق الكامري غالي بعد:p
لا تلوموني مغير طرمبة دركسون وكراسي مكينة وهوبات خلفية وفحمات قدام وورا << احسبوا كم كلفنتني انا اقولكم 3000 ريال
بس الي ابي اعرفه الحين التايواني اذا وقفت المكيف يصير حار ولا عادي ؟!
اذا بارد بتوكل على الله وبركبه اذا حار بروح ادور بالتشاليح اصلي ولا يتعدى سعرهـ 150 << ما تبي توت :d
سي يو سوون :d
العفو ولا شكر علي واجب واحنا اخوان هذا واجب
مواقع النشر (المفضلة)