سؤال عن أكسسوارات الأكورد2007 ومكان تركيبها؟؟

**خالد2007** · 27-09-2007, 12:55 PM

السلام عليكم اخواني.. كيف الصيام معاكم..
أخواني أنا شريت هوندا أكورد 2007 من المعارض جديدة فل أبشن جلد.. بس للأسف الأكسسوارات مو راكبة معاها جاية بحالها.. بالمعرض قالو لي يركبونها لك بالوكالة مجانا وأروح الوكالة وأسألهم قالو نركبها لك مجانا لو كنت مطلعها من عندنا بالله هذا مو ظلم

.. أنقهرت مرررررة يعني شاريها بقراطيسها واروح ادفع حق تركيب بعد؟؟؟؟
ياشباب اللي عنده حل لمشكلتي يساعدني.. وعندي سؤال بعد السيارة راح اطلعها من المعرض يوم السبت بغبرتها وبالشمع اللي عليها أنا محتار ماأدري هل أغسلها برررة غسيل مغسلة ولا أوديها الوكالة يغسلونها لي عشان أظمن ؟؟؟ أنا حاس اذا رحت الوكالة بيقولون لي كمان الغسيل مو مجانا لأني صراحة ماودي أغسلها بررة حرااام أوديها عند بو هنوود يغسلونها وانا خايف الشمع اللي فيها يأثر على السيارة اذا غسلتها برررة؟؟ ياليت تساعدوني بأقرب وقت... واللي يساعدني له مني وجبة بروستد فل أبشن مع الكاتشب والثوم<<:dصايم ومشتهي بروستد ولا اقول شورما أرخص

الهوندا ماخلت بجيبنا شي:(.... ياليت لو أحد يفيدنا ويساعدني بأقرب وقت وأنا عند وعدي ;)....

تـــــحــــــيـــــــاتي.. خالد2007

**برجس 2006** · 27-09-2007, 02:32 PM

كلنا بالهوى سوا وانا انتظر رد الزكرت بس انا مابي اعزمة على برستد على كبسة لحم حاشي يحبة قلبك من بيت الحاااشي
هي تكفون يالاعضاء نبي حل

**B Useful** · 27-09-2007, 03:19 PM

تركبها في اي مكان ,,, مايبيلها ذيك الشغلة ,,,

الجناح ودة ورشة شغلهم مضبوط ,,, لان بيحفر في الشنطة ,,, والشغلة بسيطة لأن فية مع الجناح ورقة تبين اماكن الحفر ,,, او ركبة لزق زي ماهو جاي في الجناح ,,,

المسجل ودة الغرابي اي محل يركبة لك ,,,

الكشافات نفس الشي ,, مر على الغرابي محلات الاضائة والزينون يركبونة

**تويتي** · 28-09-2007, 02:45 AM

أنا ان شاء الله بركبها في العليان يمدحونه
ولا فيه محل أفضل؟؟؟؟؟؟؟

**الاخطبوط** · 28-09-2007, 03:53 AM

الاكسسوارات سهل تركيبها يمكن اللي يخوف بس هو الجناح لان فيه تخريم بالشنطه مع انه فيه ورقه جاهزه تحطها على الشنطه وعليها اماكن الحفر

وياليت تذكر المدينه اللي انت فيه عشان يفيدونك الشباب

وفيه محل حلو بالرياض على طريق خريص اذا عديت وكالة هوندا بيجيك العليان وبعد العليان بتجيك محلات على يمينك

المحل اسمه ناسيه لكن فيه رقم 7 وجنبه محل بيريللي العماله اللي فيه فلبينيه والعليان يركب الاكسسوارات فيه

ينقل الموضوع لقسم الاكسسوارات الشباب بيفيدونك اكثر هناك

**ل م س 3 3 4** · 28-09-2007, 05:56 AM

المشاركة الأصلية كتبت بواسطة كوكو كورد

تركبها في اي مكان ,,, مايبيلها ذيك الشغلة ,,,

الجناح ودة ورشة شغلهم مضبوط ,,, لان بيحفر في الشنطة ,,, والشغلة بسيطة لأن فية مع الجناح ورقة تبين اماكن الحفر ,,, او ركبة لزق زي ماهو جاي في الجناح ,,,

المسجل ودة الغرابي اي محل يركبة لك ,,,

الكشافات نفس الشي ,, مر على الغرابي محلات الاضائة والزينون يركبونة

ماقصر كفى ووفى انشاء الله

**B Useful** · 28-09-2007, 03:02 PM

المشاركة الأصلية كتبت بواسطة الاخطبوط

الاكسسوارات سهل تركيبها يمكن اللي يخوف بس هو الجناح لان فيه تخريم بالشنطه مع انه فيه ورقه جاهزه تحطها على الشنطه وعليها اماكن الحفر

ركبت الجناج في ورشة وفا في صناعية الدائري خلف الصافي دانون ,,, بــ 50 ريال ... وطلع مظبوط 101% ماعلية اي كلااام ,,,ولا تخاف من الحفر ولا اي شي ,, ناس متخصصة ,,,, 4 دقايق بس ,,وليش تخاف والورقة اللي تبين مكان الحفر موجودة ؟؟؟

**ـبطرانـ2005ــ** · 28-09-2007, 03:30 PM

والله يا حلوو غسيل الوكله اضمن

**خالد2007** · 28-09-2007, 03:43 PM

الف شكررر اخواااني على ردودكم الطيبة والله كفيتوا ووفيتوا.. انا ماعندي اعتراض على تركيب الوكالة للأكسسوارات بالعكس الوكالة اضمن واحسن بس ليش يدفعوني فلوس تركيب لها وانا شاريها جديدة بقراطيسها

.. يالله نركبها بالوكالة وامري لله .. بس ترى محد فاز بالبروستد اللي بالعرض <<<< كمان صايم ومشتهي بروس بالكاتشب والثوووم :d
سلاااااااام