كم بتكلفني

[matrix2010]

السلام عليكم كيفكم شباب انا حبيت اغير جميع فلاتر السياره والبواجي وزيت القير وصفاية البنزين وبنضف البخاخات وابي اعرف كم بتكلفني

[besoo]

البواجي اذا سيارتك 4 سلندر بـ 72 ...
فلتر البنزين 160 ...
باقي فلتر المكينة ... واذا بتبدل بعد فلتر المكيف ... وفلتر القير الخارجي ... ^^ الشباب يفيدونكـ ...

[matrix2010]

مشكور اخوي ماقصرت

[جاكي2]

كم موديل السيارة عشان نقدر نفيدك صح
واذا كانت سيارتك نفس اللي بمعلوماتك
2010
فما تحتاج شي ابدا ما شاء الله وراح اسرد لك الصيانه
60 الف تغير زيت القير واذ حبيت (تغير فلتر المكيف )اختياري
80 الف تغير فلتر البنزين واذ حبيت (تغير فلتر المكيف )اختياري
100 الف تغير البواجي وفلتر الهواء وفلتر المكيف اجباري وتغيير زيت القير مع الفلتر واذا 6 سلندر تغير سير التيمن فقط

[alkasr777]

البواجي بـ 70 أو 60 ريال

فلتر الهواء بـ 110 ريال

فلتر البنزين بـ 150 ريال

فلتر زيت الجير بـ 80 ريال

زيت الجير 3 علب بـ 135 ريال العلبه بـ 45 ريال

تنظيف البخاخات على حسب الورشه تبدأ من 50 إلى 150 ريال

فلتر المكيف (مو مهم) بـ 290 ريال و يبيعه المشرف كينج بـ 170 ريال

[شرقاوي هاوي]

شوف يالغالي انا توني مسوي صيانه 60 الف من اسبوع

كلفني كلها نفس ماطلبت 1300 ريال انا طلبت زياده من عندي ترصيص كفرات وغيرولي الهرن لانه صوته مبحوح على الضمان والحمد لله راحه رجه الطاره من خطوطنا الكيبه الى كلها مطبات وحفر و شغلهم ممتاز جدا عطيتهم السياره وصخه ورجعوها وربي وكاله مغسلين السياره وراشين ماده على المكينه (الأجزاء البلاستيكيه فقط) ابد افضل من ابو يمن وطقته

وبي التوفيق يالغالي


والله

[أغـار يا هـوندا]

للتوضيح لأخونا اللي يقول إن البواجي بـ 70 مدري وشو

2008 وما فوق البواجي بـ 280 ريال

[matrix2010]

طيب اذا بروح للوكاله وقول غيرولي جميع ماذكرته انا بيغيرون ولا بيقولون اصبر لفحص 60 وسيارتي طبعا ماشيه 23

[alkasr777]

^^^

أجل ليه تغير الأشياء الإستهلاكيه و مفترض يبدأ تغييرها بعد 60 ألف كيلو

زايده فلوسكـ :p عطني اياها أخشها لكـ :d

[matrix2010]

ههههههههه لا يخوي انا عملي في الجزيره العربيه الي بلجبيل اعمل في خفر السواحل ويدوب اطلع يومين او ثلاث اشوف اهلي في الرياض وارجع ونا شاري السياره مستعله ودي اغير كل الفلااتر وافتك ماني فاضي اشيك بلوكاله

[alkasr777]

الله يعينك اخوي على الخطوط

لكن انت ليه تشيك عند الوكاله إذا مشيت السياره 60 ألف غير اللي تبي في أي ورشه

لأن ما راح تستفيد من تغييرها لأنك بتغيرها على 80 ألف يعني ما تفرق كثير

[matrix2010]

الله يعطيكم العافيه ماقصرتو:d

[Saeed Kabbani]

أنا يوم الأحد سويت صيانة 60 الف (مو بالوكالة عند ميكانيكي اعرفه):
1) غيرت زيت القير مع الفلتر ( الفضل يعود للمنتدى بتغير الفلتر بصراحة كنت لح اغير بس الزيت بس بعد ما شفت المشاركات قررت اغير الفتلر )
2) غيرت فلتر البنزين
3) غيرت البواجي ( الميكانكي قلي تعبانة مع العلم انو العمر الافتراضي لها 100 الف)
4) غيرت زيت الفرامل
5) تغير فرامل أمامي مع خرط هوبات
6) فلتر هواء الماكينة


الأسعار على الشكل التالي:
1) فلتر القير 95 ريال
2) فرامل أمامي 274 ريال
3) فلتر البنزين 288 ريال
4) فلتر الهوا 116 ريال
5) بواجي 325 ريال عدد 4 (نوع ريديوم)
6) 4 علب زيت قير بوكس 160 ريال زيت هوندا الأصلي
7) زيت فرامل 30 ريال عدد 3 علب

جميع القطع أعلاه تم شرائها بتاريخ 4 مايو 2011 من الوكالة

بالتوفيق