والله الوكالة موضوعهم طويل وتاخذ وقت وترى انا شوفت اكثر من موضوع بخصوص الدركسيون في المنتدى وانو بينحل ممكن بتغيير زيت الدركسيون بزيت هوندا اصلي مع تنظيف العلبة منم الاتربة والاوساخ واذا الموضوع مات صلح ممكن تكون عكس او علبة الدركسيون وانشالله خير
السلام عليكم ورحمة الله وبركاته..
بما اني امتلكت هوندا اكورد قبل فتره فحبيت اني اشترك في هذا المنتدى الراقي والمفيد انشالله وهذا اول موضوع لي فلا تبخلون علينا بمعلوماتكم...
يااخوان انا عندي اكورد 2005 ماشاءالله عليها مشتريها من فتره و حاب اسوي لها صيانه كامله و احس احساس ومدري والله ان الدركسون شوي ثقيل لمى الف يمين .. انا من سكان الدمام..
السوال" وين افضل ورشه متخصصه فقط في هوندا؟" لان خويكم سياراته اللي فاتت كلها تويوتا وتدرون تويوتا طقها والحقها :dاي مكان يمشي حاله.. بس هوندا ماظنيت والله:(..
هل تنصحوني في الوكاله اذا سبق وتعاملتو معها وكيف اسعارهم مع انهم يقولون ماتبعد من اللكزس في الاسعار ..
الله يوفقكم مسبقااا....
والله الوكالة موضوعهم طويل وتاخذ وقت وترى انا شوفت اكثر من موضوع بخصوص الدركسيون في المنتدى وانو بينحل ممكن بتغيير زيت الدركسيون بزيت هوندا اصلي مع تنظيف العلبة منم الاتربة والاوساخ واذا الموضوع مات صلح ممكن تكون عكس او علبة الدركسيون وانشالله خير
^^^^^
الف شكر على النصيحه اخوي
بس انا ابغى اسوي صيانه كامله ننتظر من اخوانا المزيد من المعرفه...
صيانه كامله معناها يبغى لك تروح تسوي فحص كمبيوتر
و يطلع لك كل شي خربان في الموتر
و لازم قبل ما تغير شي بعد الفحص تشيك عليه يدويا عشان تتأكد انه منتهي
لأن الكمبيوتر حساس جدا على أقل شي يقول لك خربان :(
الكاسر مرحبا فيك
كم يكلف التشييك كامل عند الوكاله اذا تنصح فيه؟
والله انا قريت بعض المواضيع في المنتدى شي يخوف الي يقول دوده والي يقول علبه دركسون وليات ؟
والله ما أدري عن شغل الوكاله بس أكيد شغلها اوكـ
و غالي شوي يعني فحص كمبيوتر عند الوكاله حدود 200 ريال أتوقع ممكن أكثر أو أقل
هع الدركسون هذا حاله خاصه ما أقول إلا الله يعينكـ عليه و نصيحتي خل كل شي في الدركسون
على حطته و لا تغير شي في الدركسون إلا إذا كانت مسببه لك ازعاج و الدركسون ثقيل مره و أنصحك تنظف العلبه و تحط زيت الدركسون الأصلي حق الوكاله و سعره للعلبه 45 ريال
مشكورر بشوف الوكاله وفحصها ايش يقول!
وننتظر المزيد من الاخوان اذا احد عنده راي اخر........
مثل ما قال الكـآسر مو ضروري تروح الوكـآلة .. حتى الموزعين المعتمدين ... مثل القطيف .. شعبان عبد الاله الموزع والله ما ادري الى برا يختلف او لآ ... هع الموهمـ .. يفحصون كمبيوتر ... ^^ .. انا اقول يالآخو ..^^
شيك على طرمبة الزيت ... وكراسي المكينة والقير ... واهم شي الفرآمل ورجتهـآ وتوكل على الله الباقي يهون ..^^ ... سؤآل انت بمـآ انك توك شريتهـآ بدلت زيوتهـآ كـآملة !.؟ ....
انا عندي مثل موديل سيارتك واتمنى افدتكـ ... شيك حاليـآ على الكفرات وسير المكينة .. والزيوووت لأنهـآ ضرورية .. والباقي افحص ^^
مرحبا besoo
ان شالله بروح اغير زيوتها المكينه والقير في الوكاله بس السوال هل لازم موعد اذا بغير الزيت؟ وهل يداومون يوم الخميس؟
بالنسبه للكشف على باقي السياره بشوف برى هل تعرف ورشه مضبوطه في القطيف متخصصه للهوندا؟
اليوم رحت للوكاله وغيرت زيوت المكينه والقير مع فلتر المكينه.. حلو الكلام..
جيت قلت وفلتر القير يالطيب **الفلتر الخارجي <<حسب ماقريت هنا
المهم قالي يرجال فكنا من الفلسفه انت شكلك قاريها في منتدى محبي هوندا:o .. والله بيني وبينكم سويت فيها وقلت والله انتو اللي ماعندكم سالفه.. كيف مافيه فلتر للقير يعني الزيت مايبغى له فلتر من الشوائب.. قام الرجال قال يلله ورني وين الفلتر يخوي اذا ماعندنا سالفه.. هنا وقفت ودقيت فلشر وحطيت المثلث:d .. قلت انا مااعرف وينه.. انت علمني كيف يصفى الزيت<< مخرج 14..
قالي فيه مغناطيس في السره يجذب القطع الصغيره ومدري ايش هوز حق تبريد ومايتغير الا اذا خرب بس..
حبيت انقل لكم سالفت اليوم وان شالله بكره بمر على الخضريه اسوي تشييك على الكراسي والعضلات وما الى ذالك.. فاذا احد يعرف لي ورشه ممتازه لايبخل علينا .. وسلامتكم
مواقع النشر (المفضلة)