صارلي حادث :/ ..

[ĂςĉǿЯĎ]

السلام عليكم ..

كيف حال الشباب ..

المهم , اليوم والله قدر الله وصارلي حادث وانعدم علي الرفرف والمرايه طلعت من مكانها وراحت فيها :( ..

نصايحكم ايش اسوي اروح للوكاله و لا التشليح ولا التأمين ولا ايش !!

التأمين مشكلتهم مشكله يطولو لين يطلعو السياره وانا بتعطل كذا عندي جامعه وبلاوي !

والشركه كم بـ القى الرفرف والمرايه ؟؟

مع اني مفكر اروح التشليح ارخص ! ولا !!

اتمنى تفيدوني لاني مدري وش اسوي والله ..

[King]

حسب مااعلم ان ببداية الأمر هو تاخذ ورقة إصلاح من المرور, بعدها اعتقد تروح لشيخ المعارض عشان يقدر القطع..

بعدها تروح للتأمين عشان يشوفون المبلغ المستحق دفعه لك!.

التشليح غالين ونصابين بنفس الوقت والافضل تتصل قبل لا تروح التشليح.

والحمد لله على سلامتك..

[مقادير]

والله انا افضل التامين لك
لان التامين يطلعلك السيارة كانها ماجاها شيء
وانت استخير وربي يوفقك
وعلى الحمد الله على السلامه
وحمدا لله انه جات في حديد ولا جات فيك الحديد يروح ويجي
عواااافي ياغلا

[جديد علهوندا]

الف حمد لله على سلامتك في الحديد ولا بالعبيد الحديد يتعوض وانا اخوك بالنسبه للتصليح انا انصحك بالتأمين راجعهم كل يوم وربك يسر لك امرك

[شريت اكورد]

الحمد لله على السلامه

ودامها بسيطه لاتشيل همها راجع المرور وراح يعيطك ورقت تسعيره وانت رح ودها لي 3 ورشات وجبها للمرور بعد مايكتبون شغل اليد والقطع المطلوبه وروح وسعر القطع و ارفعها للتأمين وبس .. وبعدها صلحها بفلوسك ولاتأخذ شيء من التشليح ولاتمره نصيحه الا اذا لك صاحب عنده تشليح وبكذا راح تجيك فلوس التأمين وانت مبسوووط ...

ولاتتوتر ولا تتحسف ولا تحزن ولاتقول ياليتني رقد ذيك الساعه ولا طلعت لانك بتضحك على نفسك اذا كبرت وتحسنت اوضاعكـ

الناس كلها تدعم والي يسوق سياره ولادعم >> هذا ما يسمى طاره :d

سهلات وانا اخوك هونها وتهون مر علي موقفك وتحسرت وفي الاخير اخذت فائده وعبر وهي اذا شفت اشاره صفرى معنها بوووووز بريك لاني شمعت في مطعم وطلعت الرز من الشنطه والله صدق :d وتنثر بنص الاشاره والربع يضحكون فوق 30 رجال تجمعمو وبعضهم يصورون :d

حبيت ارفه عن حالك شوي لاني احب الخير لاخواني

اخوك شريت اكورد

[اكورد 98]

الحمد لله على سلامتك ياخوي

انا صار لي حادث بجده بعد قبل يومين والحمد لله

وراح عندي بابين ( امامي وخلفي ) ورفرف ومرايه

اخوي اذا الغلط على الرجال 100% انت خذ ورقه تقدير من المرور

وشيل سيارتك ودها للتقدير في الجامعه خلهم يقدروا السياره وشوف القطع المطلوبه

روح شركه هوندا وخذ تقرير بالقطع ( بعد الخصم ) << انا جبت التقرير قبل الخصم ورجعوني :d

وروح المرور عطهم التقارير كلها وشوف كم يطلع لك بالضبط

بس اخوي لاتصلح ولاشي في السياره ولاتمسك شي الين تروح التقدير وتقدرها وتجيب تقرير هوندا

وتوديه للمرور بعدين صلح سيارتك براحتك وفلوسك بتجيك تأمين او كاش

[tfah]

انا عندي رفرف يسار اذا كنت تبية

[ĂςĉǿЯĎ]

يعطيكم العافيه يا شباب ماقصرتو والله ..

بس المشكله الي صدمني فقع :/ ..

وانا مع الخوف ما انتبهت له على طول جنبت اشوف السياره :( ..

ولمن اتذكرت قيده طار !!

بس اشوف الاغلب قلي التأمين .. التأمين طيب ياخذو وقت وقلبهم كبيييييييير مره !!

يعني ياليل مطولك مره وانا ما اقدر عندي جامعه !! وبيتي مره بعيد عن الجامعه ..

انا عندي رفرف يسار اذا كنت تبية

تسلم والله حبيبنا بس انا الرفرف الي باليمين :/ ..

[besoo]

يـآآ رجـآل وربي بتحمد ربكـ وبتشوووف ...

الحـآدث خير عليك قول ليش !!.؟

انا تسعيرتي تبع الحادث 2350 ...!!

تصدق احتجت بسس 700 منهم .!!!!

والباقي عدلت عليهـآ ...!!

وناوي على حادث ثاني ابي جنوط !!! << شحاتة صايرة !!!

[accord7]

الحمد لله على السلآمه

[اكورد 98]

يعطيكم العافيه يا شباب ماقصرتو والله ..

بس المشكله الي صدمني فقع :/ ..

وانا مع الخوف ما انتبهت له على طول جنبت اشوف السياره :( ..

ولمن اتذكرت قيده طار !!

بس اشوف الاغلب قلي التأمين .. التأمين طيب ياخذو وقت وقلبهم كبيييييييير مره !!

يعني ياليل مطولك مره وانا ما اقدر عندي جامعه !! وبيتي مره بعيد عن الجامعه ..

تسلم والله حبيبنا بس انا الرفرف الي باليمين :/ ..

التأمين يعطونك بعد اسبوع تقريبا وممكن اكثر بشوي

واذا انك قلق بتجلس لهم كل يوم عندهم وتدق عليهم بيعطونك قبل :d

انت خلص امور التقدير وكل شي وصلح السياره بفلوسك

وانتظر التأمين لين يجيك حتى لو تأخر اهم شي سيارتك معك

بالتوفيق اخوي