طلعت سيارتي الاكورد 2011 من سمكرة الوكالة واليكم بعض التفصايل

**ال سالم** · 25-05-2011, 12:48 PM

السلام عليكم ورحمة الله وبركاته

الحمد الله ان اليوم صارت السيارة عندي بعد انتظار اكثر من 15 يوم بسبب التامينات الزفتة ..

ملخص القصة ..

خلصت مشاويري كلها ووقفتها عند البيت بعد منتصف الليل :d << ياسااااتر
وجاها الي مايخاف الله وشمخها من بداية الصدام الى نهايته

عاد انا طلعت الصبح حق الحق على باص ارامكو .. بس الحظ العكر ان الباص مشا وخلاني مثل المجنون الاحق وراه ..

يوم انه وقف حق العمال .. انا سفطت السيارة جنب بيت ونزلت ..

كلمت الوالد حق يروح وياخذ السيارة من الموقف .. ويوم وصل شاف شمخ طوييييييييييييل !!

عاد استنتجنا ان الشمخ صار عند هالبيت الي موقف جنبه .. :(

عاد انا نفسيتي خلاص انقفلت لاني كنت توني مطلعنها ماصار ليها سبوعين ..

بس العجب ان بعد فترة وانا طالع الدوام .. شفت السيارة فيها شمخ ثاني على نفس الشمخ القديم وبنفس الطول .. انا عرفت ان احنا ضلمنا البيت الي وقفنا عنده .. وطلعت المجرم موجود في الحي الي ساكن فيه ..

الله لايوفقه قولو امين .. طبعاً الحين السيارة خلصت سمكرة والحمد الله والمجرم للحين ماكشف هويته .. بس ان شاء الله خير ..

وديتها اول شي الشرطة وسوا الاجراءات المناسبة وعطاني خطاب اوديه الى شركة التامينات ( سلامة ) .. ومن سلامة عطوني بيان اعبيه عن طريقة الحادث والتفاصيل كلها .. وبعد ماخلصت عطاني ورقة مطالبة .. ورحت الهوندا وكملت الاجراءات كلها عندهم .. وسالت المهندس هناك الي اسمه ( يوسف الراجح ) عن اذا كان اللون بصير 100% نفس الصبغة .. قال ليي ان شاء الله مابصير اي اختلاف .. والحمد الله صدق ..

السيارة وصلت وهاذي صورها .. طبعاً ( هوندا اكورد 2011 اللون بني فل اوبشن )

ماشاء الله

ماشاء الله

بس السؤال الحين متى اقدر اغسلها ومتى اقدر المعها ؟؟

صار ليها السيارة الحين 3 ايام من طلعت من السمكرة

**دنيآ الغرور** · 25-05-2011, 01:19 PM

ابي افهم بس شلون رفعت الصور وهم بدون صيغة :d

عموما هذي الصور ضبطتهم لك ..

بالنسبة للغسيل عادي جدا

**غاب القمر** · 25-05-2011, 02:47 PM

انت وش سويت بالضبط ..؟؟ رشيت الجنب كامل ؟؟

وكم كلـــف

**ال سالم** · 25-05-2011, 05:34 PM

ايه رشيت الجنب كامل .. وكلفني تقريباً 4 الاف وشوي .. بس على التامين كله .. دفعت قدرة تحمل بس الف ريال ..

والسيارة الحمدالله الرشة زشة وكالة مو لعبة .. ضبطوها 100% .. وطالعتها بالشمس وفي الضوء الابيض كل شي تمام الحمد الله ..

**نـاعسـ الجفن..!** · 26-05-2011, 12:02 AM

ماشاء الله شغل تمام ماشاء الله

يعطيك خيرها ويكفيك شرهااا

**غاب القمر** · 26-05-2011, 12:13 AM

المشاركة الأصلية كتبت بواسطة ال سالم

ايه رشيت الجنب كامل .. وكلفني تقريباً 4 الاف وشوي .. بس على التامين كله .. دفعت قدرة تحمل بس الف ريال ..

والسيارة الحمدالله الرشة زشة وكالة مو لعبة .. ضبطوها 100% .. وطالعتها بالشمس وفي الضوء الابيض كل شي تمام الحمد الله ..

يعطيك خيرها ويكفيك شرها

لكن غلطان والله ترش جنب كامل على شي مايستاهل خصوصا انها ماكملت اسبوعين < بالحركه هذي كسرت قيمتها نزلها السوق وشوف كم طاح من قيمتها .. الناس تحسبها مصدومه

...وانا واحد سوى نفس الشيء انقهرت كم يوم وبعدها طنش تعش تنتعش

الحساد بكل مكان الله يكفينا شرهم اصلحها من هنا اليوم الثاني ممخوشه من هنا

**أكـورد 2009** · 26-05-2011, 01:39 AM

إدا أنا مو غلطان تقدر تغسل السياره وتلمعهـأإ بعد لأن السياره بعد ما تطلع من السمكره يلمعوها وما تطلع من مكان الرش إلا وهيه جاهزه ومستويه

الله يوفقك

**ابوعمر24** · 26-05-2011, 05:12 PM

أهــم شـيء يو آر أوكـى << اخاف تقفل ارامكو ><ويخلص البنزين

-بالنسبـه حق موضوعك الحين كم كانت نسبة الخطأ عليـك ؟

بعدين بصراحه كيف تعاملهم حقين التأمينات ؟

أهنيك ع اللـون البنـي .والتظليـل طبــــق
يواااد تشتغل شغل في رمضان والحج < مرغوبه من حقون جنوب افريقيا

بماانو ماعندكم شغل يعني

بانتظـآركـ

**فتـــى الغربيـــه** · 28-05-2011, 12:36 AM

المشاركة الأصلية كتبت بواسطة غاب القمر

يعطيك خيرها ويكفيك شرها

لكن غلطان والله ترش جنب كامل على شي مايستاهل خصوصا انها ماكملت اسبوعين < بالحركه هذي كسرت قيمتها نزلها السوق وشوف كم طاح من قيمتها .. الناس تحسبها مصدومه

بس أنا عندي رأي غير

البويه ماراح تتغير إذا كانت من الوكاله

ولكن تتغير إذا كانت في الورش اللي برى

مع مرور الوقت

يعطيك العافيه أخوي

والله يعطي صاحبها خيرها وكفيه شرها