أنا أؤيد كلام الأخ W1W2W300 ,, انا مثله جربت كفرات كثير ,, وانت حسب طلبك ,, انت راعي جكر ومطامر بالسياره وتسرع دايم ,, خذ لك كفرات برجستون ادريانيل بوتنزا ثابته جدا في المنعطفات وتعطيك جووك ..بس الهدوء موذاك الزود .. اذا انت رايق ولا تسرع خذ لك كفرات برجستون الصامت وهم يعرفونه قلهم الصامت وبس ... هاديء جدا ومريح وناعم جدا مع المطبات لكن ماعندك رساوه ابدا ,, بس احرص على انه يكون صناعه يابانيه مو تايلنديه اواندونيسيه ..
وهذا النوع اللي انا مركبه الان

بالنسبه للكفرات الثانيه

ميشيلان قوي ويصبر بس حجر وتحس بالمطب في مخك واي حجره صغيره بالطريق تحس فيها ... اشوفه غير مناسب لان الاكورد اصلا ناشفه ومو مريحهز

تويو مريح مثل البرجستون الصامت لكنه ضعيف من جوانب الكفر .. يعني لو وطيت على حجر اورصيف مع الجنب يمكن الكفر ينشق.

يوكوهاما لا يفرق كثير عن برجستون الصامت ويمكن يكون ارسى منه شوي لكنه يتاكل بسرعه.

دنلوب كفرا بطران في بدايته ويعطيك رساوه على كيف كيفك ,, لكنه يطلع يحبل بسرعه ويطلع صوت مزعج بعد حوالي سته الى سبعه اشهر من الاستخدام.

قويديير مريح لكنه يمسح سريع

هانكوك مريح لكنه يمسح سريع

ابعد عن النقشات الرياضيه فهي اللي تخليك تطفش من الكفر وترميه بسرعه ... عاد الواحد من زود موراكب سياره غير مريحه يركب كفرات مو مريحه بعد ..

هذا ما عندي من خلاصةتجربه واتمنى اني افدتك