حساس ب 12 الف ريال ؟؟؟؟ للاكورد 2009

[لآيــ@ــمونكـ]

مساء الخير او صباح الخير يا جماعه
ابعلمكم سالفتي مع الوكاله الله يهديهم بس
المهم مالكم بالطويله قبل اسبوع انا نزلت موضوع بخصوص تأخير في التعشيق بالنسبه للاكورد 2009
6 سلندر طبعا ُ مالقيت افاده واضحه بخصوص هالمشكله .
http://www.hondaarabia.com/club/t48233/

المهم قلت بدخل السيارة الوكاله وبتأكد اضمن واحسن
يوم جاء يوم السبت رحت الوكاله ودخلت السياره قلت بفحص القير فقط قالي 120 ريال قلت مو مشكله
قلت متى تخلص قالي اليوم الساعه 4 ان شاء الله قلت توكلنا على الله ودخلت السياره ورحت الدوام
يوم جت الساعه 4 العصر دقيت ع الوكاله قالي المهندس السوداني القير سليم وتمام قلت كويس اجل وش السبب من تأخير
التعشيق قالي لانو تبين عندنا بعد الكشف انو حساس ال أيرباق طالع !!! وقيمته 12 الف ريال ...
قلت مستحيل انا فاحص السياره ولاطلع فيها شي ومعاي برنت الفحص المهم قلت له انا بالطريق جايك وانا
بالطريق انصدمت صدمه العمر كيف الايرباق طالع.. الرجال اللي شريت منه السياره اعرفه وانا فاحص السياره
من وإلى المهم . دخلت الوكاله ورحت للأخ الكريم السوداني قالي هذا البرنت من المهندس ويقول انو الحساس
تبع ال آيرباق طالع ؟؟؟؟
قلت ياخي مستحيل ناد لي المهندس بكلمه المهم جاء واحد سوداني ثاني وشرحت له الموضوع قالي دقيقه
وراح وجاء بعد كم دقيقه قالي ان المهندس يقول بالجهاز يعطينا انو الحزام مو شغال عشان كذا الايرباق مو
شغال .. وانا افكر قلت طيب المهندس قبل مايسوي فحص شال المفتاح الموجود داخل الحزام قالي اي مفتاح
قلت له انا حاط مفتاح بلاستيك عشان صوت الحزام ما يطلع . قالي هنا المشكله وعشان كذا الجهاز تبع الفحص
قالنا انو في مشكله بالايرباق هههههههههههههههههههههه قعدت اضحك قلت له ياخي ب الامانه في احد يفحص
قبل ما يتاكد انو كل شي مسكر وسليم ولا بس يفحص كذا صابت صابت خابت خابت والله يا جماعه ما تتخيلون
وش كثر بغيت انفجر عليه يوم قالي كذا المهم قالي الاخ الكريم احنا سوينا لك برمجه كامله للسياره
اطلع جرب السياره الحين واذا مو تمام تعالي بكره الصباح قلت اوكي
وطلعت جربت السياره ونفس الحكايه ما تغير الا شي بسيط قلت بوديها لهم بكره ي انا يا هم بشوف حل
وفعلا طلعت الصباح بدري وعطيت الاخ الكريم التقرير اللي سلمه لي امس تتوقعون وش قالي ؟؟؟

قالي موضوع الايرباق خلاص عرفنا من ايش لكن في مشكله ثانيه عندك قلت وش المشكله
قالي ال آي بي اس مو شغال معاك هههههههههههههههههههههههههههههه وقيمته 4000 ريال !!!
المشكله انو بنفس اليوم اللي كنت بدخل السياره عندهم للصيانه كنت عند اشاره والطريق طويل شوي وفاضي
وانا عند الاشاره قلت بجرب السياره وكيف العزم وزريت ع السياره وولعت عندي لمبه الاي بي اس اشتغلت وطفت
وهذا شي طبيعي جدا للمحافظه على منع انحراف السياره
المهم قلت للسوداني ياخي انا امس مجرب السياره و ال اي بي اس شغال تمام واطلع معاي واذا مو تمام بحرق بالسياره
قدامك ياخي انت بس تبيني ادفع فلوس ع الفاضي ولا وش السالفه المهم قال هذا التقرير قدامي انا ما قلت شي من
عندي قلت يصير خير ان شاء الله المهم بعد دقايق جاني مهندس سوداني بطل بطل واخذني وطلعنا برا شوي
وشرحت المشكله من الاول للأخير قال وش موديل سيارتك قلت 2009 قال سته سلندر صح قلت صح
قالي ياحبيبي الاشياء اللي انت تتكلم عليها طبيعيه ولا فيها اي شي لان السياره فيها نظام اسمه في اس اي اتوقع اسمه كذا ووظيفته
انو ما تشتغل السته سلندر كلها اول شي تبدا بثلاثه سلندر وبعدين تبدا البساتم تتفتح حسب السرعه
وقالي لو تبي اطلع لك سياره لك نجربها عشان تتأكد قلت لا مشكور ماقصرت وواضح من طريقه كلامك
انو هالشغله ماره عليك . بس المفروض كان من الاساس
يقولي موظف الاستقبال كذا من البدايه قالي يمكن م فهم عليك هههههههه ؟؟؟ قلت الحمد لله انو الموضوع
كذا واخذت السياره وطلعت ..

ي ناس لو انكم مكاني وش بتسوون ؟

[دنيآ الغرور]

كلها بحساب وفاجعة الايرباق المرعبة حساب ثاني !!!!!

الحمد لله ان السيارة ماطلع فيها مشاكل .. الله يعين الجميع

[أكــ97ــورد]

هههههههههههههههههههههههههههههههههه:d
........لا تـــــعـــــلـــيـــق.........

[إْمير]

لو مكآنك والله واعلم

كان الحين جـآلد السودـآني الين يقول امين

< مايتعـآمل مع الوكـآلهـ ولله الحمد

صيآنة الآلف بنشري والسلام < بينجلد ههههههههـآي

والف الحمدلله ع السـلامه

ويعطيك خيرهـآ ويكفيك شرهـآ

[alkasr777]

الله الله من 12 ألف إلى 4 ألاف إلى ولا شي :d

الحمد لله انك كنت محقط لهم ولا كان ما يندرى شبيصير

الحين أبي أفهم شدخل التبديلات بالإرباق

و حتى اي بي اس أتوقع ما له دخل :d

والله نصب عيني عينك :(

و الحمد لله عدت على خير

[بلال العلمي]

حساس الايرباق ما يطلع لكن يعطي اشارة للكمبيوتر ويطلع الايرباق اللي غالي هو الايرباق وتركيبه لكن الحساسات ما توصل للسعر هذا يمكن سعر الاجور

عموما المشكلة بسيطة بالنسبة للتأخر المفروض الوكالة تفحص لك بطريقة اخرى لكن قليل اللي يعرفون يفحصونها

عموما المفروض يفحصون الضغط فيه اماكن قياس ضغط المفروض يقيسون الضغط عليها وغير كذا لابد يتأكدون من ضغط الطنجرة يمكن فيه مشكلة في الضغط في داخل القير وهذه نادر ما تصير في الهوندا

[D.H.o.O.o.M]

شر البليه مايضحكـ :d

[لآيــ@ــمونكـ]

ههههههه

اي والله شر البليه م يضحك

[هاااوي الاكورد]

طيب انت سالتني انو لو انا مكانك وش بسوي
طيب انا بسالك لو انت مكاني وقاعت تقرا ومتحمس وفي الاخير تطلع السياره سليما وش بتسوي :p ههههههه


الله يعطيك خيرها ويكفيك شرها
وكل دقا بتعليما

[The Golden Accord]

ان شاء الله سيارتك مافيها شي

وسعر الحساس من جد لا تعليق

وبالنسبه للمبة abs اذا كانت اشتغلت عندك وانت ساحب الفرامل هذا يدل ان فيها مشكله
لان اللمبه ماتشتغل في الطبلون الا اذا فيها مشكله والله اعلم

والسوداني الي طلع معك ماعنده سالفه اجل vsa يخلي السلندرات ماتشتغل
والي اعرفه ان vsa مانع الانزلاق هع

واعتقد موفر الوقود اسمه eco ويمكن يختلف في الاكورد

تقبل بربرتي..لكن مهندسين الوكاله ماعندك احد

[روح الهنادي]

لاي@مونك
صراحة انا عندي زيك اكورد 6 سلندر
ونفس الشي بيصرلي في السيارة تحس وانت ماشي مثلا 60 او 70 يعني نما تكون سرعتك متوسطة تحس زي النتعة في السيارة نما تشتغل اللمبة حقت ECO رحت الشركة قالولي عادي بس قالو انتبي على تغيرك لزيت المكينة وصراحة احسها بزيادة نما مااغير الزيت وامشي علية بزيادة :(
وعدين ابغى اعرف انتى عندك صوت مروحة المكيف نما تشتغل اول شي صوتها عالي وثاني شي تحس الكرباء تضعف بيصرلك الشي دا ولا انا عندي مشكلة

[gogo]

بسمه تعالى :

لو افترضنا أن هنالك شخص آخر مكانك و قال له المهندسون و هم في الأصل ليسوا مهندسين بل متدربين بوكالة الهوندا كمهندسي صيانة و قال كل على شاكلته و بتأليفه لوصلت الفواتير فوق العشرين الف ريال للاشيء ....مشكلة الصوت المزعج و الذي تأذى منه مالكوا الأكورد و لم يوجد له حل بالنسبة للعجلات الخلفية كان أسهل من أن تصل الشكوى و تحرق الاعصاب بسبب جهل أولائك الموظفين و للأسف غير الجادين بسبب مشاكل الزبائن من جهة و الادارة من جهة أخرى , هذه المشكلة تم حلها بفنب باكستاني خبرة 15 سنة قام بعمل فراغ بين بودي الكاليبر و الاسطوانة بسبب ميلانها نحو الاسطوانة و تسبب ذلك الاحتكاك , و بلا اي مقابل , مشاكل كثيره حلها بسيط لكن أولائك الموظفين يحجمونها و يألف بعضهم و يشاطر و كانه عرف المشكلة قبل تجربتها ....لا تثق بأحد منهم بل بنفسك و إعمل نفسك دكتورآ فالدكتور لا يعلم مابك إلى أن تخبره بمشكلتك فأنت أعلم بها ...و لنا لقاء .