الموضوع: افيدوني جزاكم الله عني ألف خييييييير

كيفك ياشباب إن شاء كويسين :d
وكيف الإختبارات النهائية إن شاء تعدي على خير
عندي استفسارين بس :o
1- أنا شاري السيارة لي تقريباً 5 شهور وودي أغير زيت القير مع العلم إن موتري ماشي 112000 ماشاء الله تبارك الله
وبعد ماشريتها لقيت زيت قير في الشنطة ابو كلب صناعة سعودية
أتوقع راعيها السابق مغيره على الـ 100 الف بس هل فيه ضرر لو أغيره اللحين بزيت هوندا الأصلي .

2- عندي صوت طقطقة ماأدري وش هي رافعة ضغطي لم العكس او المقص اللي قدام جهة اليسار مع العلم إني غيرت مساعدات امامية وجلد مقصات ولا نفع


افيدوني جزاكم الله عني ألف خييييييييييير

up

سؤال المساعدات اصليه ولا يابانيه؟

المساعدات يابانية أتوقع اسمها kyb

طيب بالنسبة لزيت القير للحين خايف من التغيير لأني ماأدري هل راعيها السابق مواظب على تغيير زيت القير ولا لا وهل فيه ضرر لو كان مو مواظب :(

سلام صوت طقطقه من ربله دائريه تجي في عمود العكس قصه ماتاثر بس اول فك الكفر وشيك عليه

المشاركة الأصلية كتبت بواسطة خفيف روح

سلام صوت طقطقه من ربله دائريه تجي في عمود العكس قصه ماتاثر بس اول فك الكفر وشيك عليه

لا مو الصوت هذا اللي تعنيه صوت كأنه العكس يتحرك من محله
الصوت اللي تعنيه صاري وأنا ماسك خط الطايف والله انخرشت يوم سمعته وكنت ماشي على سرعة 150 كلم بس ربك ستر ووصلت الرياض ورحت لورشه وقالي نفس كلامك وقصيتها

يارجال غيره ولا توجع راسك

يعني لو بيتاثر مارح تغيره ؟؟

حبيبي يابعد قلبي اول شي مبروك عليك الهنادي ثانيا مدامك شاري السيارة انا اقول دلعها شوي
يعني غير زيت القير والبواجي والسيور والفلاتر وزيت المكينة وشيك على علبه الباور والفرامل والقماشات او الفحمات اذا تبي تركب بعدها وانت مطمن لانك ماتدري وش وضع السيارة
من ناحية الصوت انا اشوف لو تغير كل شي الصوت ماراح يروح لاني اذكر اول ماطلعت سيارتي من الوكالة جلست اسبوع وطلع الصوت يعني احسه من عيوب الهوندا بس ارفع المسجل بو نايف اهات :d