اكورد 2012 ! نزلت

**7moodi** · 03-06-2011, 12:37 PM

السلام عليكم ورحمه الله وبركاته !
ندخل ع طول بالموضوع !
قبل فتره نزلت مووضوع بخصوص تغير اكورد 2012 كليا .. طبعا قلت الكلام واصل لي من الوكاله !
وما أكدت الخبر ! يعني ! لحد يقول انت وانت ! ::d
المهم انا اسير على الوكلات من فترة لفتره يعني اشوف الجديد ! والاخبار وزي كذا

ودقيت امها سوالف مع موظفي الوكالة البارح واسأله عن الاكورد من الى !
المهم ... من خلال حديثنا جاه اتصال .. وكان يقول متوفر 2011 بكثره ! المهم !
قالي ترا اكورد 2012 نزلت هنا لها كم يوم وفي مخازن جده !
يقول مثل 2011 .. لكن تغيرت الجنوط وفيه اشياء ثانيه ماهو متأكد منها !
والسياره صارت امريكيه ! ^ ^
اسبوع بالكثير يقول بتحصلها معروضه هنا ! ;)

...
وسلامتكم ! :d
أخوكم محمد !

**accord7** · 03-06-2011, 01:01 PM

وعليكم السلام ورحمة الله وبركاته

عاد هي بتنزل نفس مواصفات الاكورد الامريكيه :d

**ملك قوقل** · 03-06-2011, 01:15 PM

صدقني ياغالي لو نزلت كان تلاقي الصور تهربت من تحت لتحت ومن الموظفين انفسهم او خلال نقلها الى المستودعات او من موظفين الميناء اما كلام الموظفين انا ما اعترف فيه نهائياً وما اتوقع تنزل قبل رمضان اما الاختلافات ماأتوقع فيه اختلافات لان سياسه هوندا لاتقوم بتغيير الشكل بعد موديل واحد فقط
2003-2005 شكل واحد باختلاف المرايات الجانبيه
2006-2007 شكل واحد فقط
2008-2010 شكل واحد
وهل تتوقع 2011 يتميز وينفرد بشكل واحد فقط
أما اذا كانت امريكيه او لا الله اعلم
على العموم اشكر لك حرصك على الخبر
والخبر اللي اليوم بفلوس بكره ببلاش
ابو ماجد

**7moodi** · 03-06-2011, 01:28 PM

الموظف الي كلمتة .. اقدر اقول انه ثقه !
سألته عن الاسعار طلع لي ورقة ! بتسعيره السياحي اكورد 2012 ..86000 الف !
يعني نفس سعر الموديل الي قبلة !
يقول متوقع الاسعار مثل ماهي ! مافيه اختلاف ...
والزياده مستبعدهـ !

**f a w a z** · 03-06-2011, 01:50 PM

احس انه بدري على 2012 مو من عوايد وكيلنا يجيب الاكورد بدري

العادة بشهر 3 - 2012 يجيبها

**هاااوي الاكورد** · 03-06-2011, 02:01 PM

طابة جمعاتكم

والله انا ما اتوقع نهايآ انها تنزل الحين لانهم بيحرقو 2011 سياسة الهوندا تعطي لكل موديل حقه مو نفس الهونداي مشالله اليوم 2011 وبكرا 2012 :p

**7moodi** · 03-06-2011, 03:18 PM

انا استغربت يعني لسى بدري !
لكن هذه الي صار .. !
والخبر اكيد يا شباب ! :]

**alkasr777** · 03-06-2011, 04:06 PM

خلاص أجل ننتظر للإسبوع الجاي :d

و نشوف هل راح تنزل ولا لا

و المفروض ينزلوا سعرها لأنها صارت أمريكيه مو يابانيه و أتوقع بعد ما تنزل بيصير اقبال على موديل 2011

**بلال العلمي** · 03-06-2011, 05:18 PM

في اكثر من خط انتاج في امريكا جديد ما انتهى اختبارات تشغيلها واتوقع انها لتغطية طلب الشرق الاوسط من امريكا لكن خطوط الانتاج الموجودة حاليا في امريكا يالله تغطي الطلب الامريكي فكيف بتغطي الطلب الزائد اللي في الشرق الاوسط؟

**Silver Aurion** · 03-06-2011, 06:47 PM

الموظف يغالط نفسه بنفسه

قال ان 2011 متواجد بكثرة و بنفس الوقت يقول بعد اسبوع راح يتم عرض 2012

استحالة اي وكيل يبدأ ببيع موديل جديد اذا كان الموديل اللي قبله ملياااااان بالمستودعات

صدقني اللي بيصير راح يتم تصريف الكمية الموجودة بالمخزن 2011 و بعدها يتم بيع 2012