عندي مشكله في القير واتمنى انكم تلقون لي حل

**هنادي 2000** · 03-06-2011, 07:37 PM

السلام عليكم ورحمة الله وبركاته

شباب انا معي هوندا اكورد 2004 شاريها من 9 شهور تقريبا
المهم السيارة فيها مشكله الا وهي :
ان السيارة اذا كانت محتمية او ماشي عليها مسافة طويلة
ووقفت وحطيت القير على R ورجعت ريوس ثم حطيت القير على D تجي زي الهزة قوية في السيارة بسبب القير

وديت السيارة للفحص بالكمبيورتر عشان يشيك على الحساسات
وقالي ان الحساسات سليمة وسألني عن زيت القير وقلت له اني توني مغيره
بعدها قالي ان المشكلة داخل القير ولازم توضيب قير

المهم انا ياجماعة ما ارتحت للرجال اللي سوالي فحص احس انه يفتي من راسه

شباب اللي قد صار له مثل هالحاله اللي عندي يبلغني عن الحل

الله يجزاه خير من ينفعني في موضوعي لاني من جد طفشت :(

**King** · 03-06-2011, 11:48 PM

النتعه او الفزه هذه تجي بأول ماتحط القير على الـ d وانت مامشيت؟

وهل تجي بشكل مستمر؟

لأن اعتقد المشكلة إلي عندي هي عندك!, واتوقع يبيلها برمجة من الوكالة!!.

حاجة ثانية هل لمبة القير بالطبلون تأشر (ياليت تتأكد لي) وإن شاء الله خير..

**الشيخ ليجند** · 04-06-2011, 12:54 AM

بالنسبة للقير اذا كان حامي تقل كفائة الزيت نظرا لحرارته وهذا شيء طبيعي

الحل انك ما تشبك القير من r الى d مباشرة اتركها على n مدة 3 ثواني وحاول تتعود على هالحركة

على طول .

**متصفح** · 04-06-2011, 02:58 AM

شيك على كراسي القير والمكينه

**سكوفيلد** · 04-06-2011, 03:45 AM

اخوي احس انها من كراسي القير تأكد منها والله ييسر امرك

**هنادي 2000** · 08-06-2011, 09:27 PM

المشاركة الأصلية كتبت بواسطة King

النتعه او الفزه هذه تجي بأول ماتحط القير على الـ d وانت مامشيت؟

وهل تجي بشكل مستمر؟

لأن اعتقد المشكلة إلي عندي هي عندك!, واتوقع يبيلها برمجة من الوكالة!!.

حاجة ثانية هل لمبة القير بالطبلون تأشر (ياليت تتأكد لي) وإن شاء الله خير..

الله يعطيكم الف عافية على الردود

بالنسبة للنتعه تجي وانا واقف بس

وتصير اذا كانت السيارة محتمية
ولايوجد لمبة في الطبلون تأشر او اي حاجة في الطبلون

جزاك الله خير

**هنادي 2000** · 08-06-2011, 09:30 PM

وبالنسبة لكراسي القير والمكينة توني مغيرها قبل 6 اشهر تقريبا

مشكورين على الردود

**King** · 08-06-2011, 09:33 PM

طيب جرب المره الثانية غيرها للغيار الثالث بدل الـ d, عشان تحدد المشكلة..

المشكلة ماودي اتسرع بقراري للمشكلة لكن إحتماليات تكون من البرمجة للقير..

انا نفس وضعك تماما ً لما اعشق على الـ d سواء مشيت عليها مسافة او لا (تصنيف!) النتعه تطلع لي بشكل غريب ومتفاوت, مع العلم ان التغييرات الباقية سليمة مثلك تماما ً..

محتمل اسوي برمجة للقير من الوكالة واشوف وضعه, لكن لا تعتمد علي ممكن اكنسل الموضوع او يطول انتظاره!.

**هنادي 2000** · 08-06-2011, 09:55 PM

الله يعطيك الف عافية يالملك

اوكي اذا سويت البرمجة علمني وش يصير معك
وانا احتمال اوديها لورشة الجنوب واشوف رأي المهندس وأبلغك باللي يصير معي

بالتوفيق لك ان شاء الله

**King** · 08-06-2011, 10:14 PM

على فكرة انا لما قلت لك حطها بالغيار الثالث تأكد اني ماقلت لك إلا وانا مجربها واختفت المشكلة, هذا يدل على ان المشكلة في مكان واحد!!.

خوفك يقولون لك توظيب قير :d انت عارف الورش!.

الله يوفقك