المشاركة الأصلية كتبت بواسطة ex-2011
انا بحكيكم عن معاناتي مع السيارة اللي اسمحوا لي اقول انه انغشينا فيها
انا شريت 2011 وكااااالة - 4 سلندر - فل كاااامل - بـ 118900 ريال ينطح ريال..
للأسف حسيت اني شريت سيارة مستعملة
السيارة ترج على الـ d .
اصوات من اول 10 ( عشرة ) كلم في الديكور الخلفي الجهه اليسرى.
السيارة تحذف يسار بدون اي مقدمات او سبب.
ترصيص الكفرات كان معدوم من سرعة 80 الى 120 تصير حفله في الدريسكون
المهم وديناهـ للمريض عبدالله هاشم
و تم تسجيل جميع الملاحظات في التقرير لصيانة الـ 1000كلم
قالوا لي تعال استلمها العصر ،، جاء العصر و قالوا لا باقي ما خلصناها
تعال بكره ،، جاء من بكره و استلمت السيارة الساعه 5 المغرب
تم تغيير الزيت ( الله اعلم غيروه او لا ) + تغيير فلتر الزيت ( السيفون )
تم ترصيص الكفرات
الحذفه بدال ما تكون يسار صارت يمين ( يعني نفس الحاله )
الصوت اللي بالديكور صار يطلع بشكل اوضح و ادق ( خربوها زيادة )
الرجة على الـ d كما هي لم تزد او تنقص
بعد مناقشتهم بأن السيارة مرزوعه عندهم يومين و في الاخير ما سوو لي شي؟؟
رد الموظف بكل بروووود اعصاب
جيبها بكره و نشوفها لك.. و جيبها بدري الساعه 7 الصباح !!!
والله مقلب هالهوندا و مقلب هالعبدالله هاشم
لا احد يقول انت ما تحب السيارة و لا تحب الهوندا
ارد عليه و اقوله ،، اول سيارة شريتها وكالة كانت هوندا 2000
و كانت و لا احلى و قمة الراحه و الدلع _ على وقتها _ طبعا _
و انا كنت للأسف من محبي هوندا و من المدافعين عنهم في المجالس
لكن الآن اختلف الحال..
رجاء لا احد يقول لي فيه موضوع لواحد من الاعضاء يشرح كيف تقضي على اصوات الديكور
بقوله انا ما شريت السيارة وكالة و موديل السنة و فل اوبشن و كاش و بسعر مبااااالغ فيه
عشان اتسدح في الشنطة و معي مفك 12 و اقعد اشحم و احط فازلين على مسامير!!!!
يا ليت اللي يبي يرد علي يكون رده منطقي و واقعي
خاطرهـ
سعر الأكورد 6 سلندر وصل اليوم الى 140 الف ريال ههههههههههههههه
بزيد ثلاثين و اشتري لكزس وكالة
ما اقول إلا يا لبى قلب
الكابرس الـ 2006 -ss
لكن رااااح الله يبارك لراعيه
مواقع النشر (المفضلة)