توني شاري اكورد واحس اني استعجلت شاركوني برايكم

**دانيـــال** · 02-06-2011, 03:03 AM

السلام عليكم جميعاا

قبل يومين شريت اكورد 2006 جلد وفتحة سقف وسته سيدي المسجل وجنوط 16
سؤال هل هاذي فل ولا نص فل ولاشنو ؟

طبعا السياره ماشيه 76 الف كيلو وشريتها ب 42 الف ريال

فحصتها بالكمبيوتر وكل شي تماام لكن فيها هزه وهي واقفه ولما تشغل المكيف
انا قلت كراسي ماكينه
واتكلت على الله واخذتها

لما استلمتها اليوم الثاني ونزلت فيها من الدمام للأحساء حسيت ان فيها صوت جلد قدام وورى خصوصا لما امسك بريك او لما الف يمين ولا يسار وهذا اولها
والقير فيه دقه لما يبدل من الاول الى الثاني زي الي تنقز السياره او تصير دقه
وفي صوت بسيط لما احط القير في الريوس

وماني عارف شنو مشكلة القير
اتصلت على واحد عنده نفس موديل سيارتي لكن 6 سلندر ويقول ان القير عنده نفس الشي فيه دقه من الاول الى الثاني
مدري طبيعيه ولاشنو

والمسجل السي دي شكله خربان
اركب الاسطوانه ماتدخل ولاشي ليه مدري

ورحت للميكانيكي بالنسبه للهزه يقول الكراسي جدد بس يمكن تجاريين عشان كذا تهتز
وشاف القير يقول انه موظب ومفتوح
سالت صاحبها يقول فتح القير بعد 60 الف كيلو عشان تغيير السيفون مدري الفلتر حق القير ومدري صدق ولاكذب
والله ان يدي على قلبي وقت اوسوس لاني حاط كل الي عندي في هالسيارة وجالس عالحديده
وهل السياره تعتبر لسى عالضمان ولاشنو ؟؟ علما ان صاحبها ماكن يفحصها بالوكاله ولايسوي لها صيانه فيها

بشنو تنصحوني يا اخوان

**accord7** · 02-06-2011, 10:58 AM

وعليكم السلآم ..

مبرروك علييك السيارة

اولآ : السيارة الي معك فل كامل

ثانيآ : الرجه دايمآ تكوون من الكراسي بس انت رح لآكثر من ورشه وافحصهآ

ثالثا : صوت القير طبيعي في الاكورد

رابعآ : المسجل مو خربان بس اذا جيت تركب سي دي اضغط على زر laod الين تولع المبه الي في المسجل اخضر وبعدين ركب السي دي

انصحك تروح ورشه تكشف على الكراسي المكينه و القير .

**أكورداوي** · 02-06-2011, 01:27 PM

بخصوص النتعه او النقزه في التبديل من الأول للثاني بالاضافه الى الرجه في السياره هذي ممكن تكون سببها شي واحد الي هو كراسي القير وعشان تتأكد لازم تشوف الوكاله في الخدمه السريعه لما يرفعون السياره ممكن تطلب مهندس يشيك لك على الكراسي وان شاء الله تكون بسيطه
والله يعطيك خيرها ويكفيك شرها

**SWAT** · 02-06-2011, 01:48 PM

الف مبروك ويعطيك خيرها ويكفيك شرها
السياره تكون على الضمان لمده 3 سنوات او تكمل 100 الف ايهما اولى

**lambo** · 03-06-2011, 02:05 AM

^^^
لتصحيح المعلومه الخاطئه اللي جتك تمشي تريليون من اللي فوق
الموديل اللي عندك الضمان الى ٣ سنوات او ٦٠ الف كيلو ايهما اسبق
الشي الثاني ع البركه الموتر

**دانيـــال** · 03-06-2011, 02:28 AM

مشكوورين جميعا على الرد

وبفحصها في اكثر من ورشة وان شالله مافيه الا كل خير والله يستر من المخاسير

ماقول الا يازينك يا اكورد 2001 شغل وامش هع

**إحساس حساس** · 03-06-2011, 03:12 AM

يالغالي
بخصوص النتعه احتمال تكون من حساسات القير
ومن شروط الضمان ان تكون جميع التشييكات عندهم

**ن ع ر السعودية 0005** · 03-06-2011, 03:37 AM

وعليكم السلام

أخوي أختصرها على نفسك وودها للوكالة أضمن لك أخسر مره وحده ولا تخسر أكثر من مرة وبالأخير تروح للوكالة لأن كل ورشة بيعطيك شيء وراح تحتار . الوكالة ما تستقبل إلا سيارات هوندا وهذي من أختصاصهم وكل مشاكل الهوندا ماره عليهم فأقول لك لا تخسر نفسك مع الورش نصيحة . وعلى وصفك أن الموتر ما شاء الله جديد ونظيف وأشوف أنك أبداُ ما أستعجلت وزين ما أخترت .

وبا الأخير ألف مبروك السيارة والله يعطيك من خيرها ويكفيك شرها .

**ashraf rashid** · 03-06-2011, 09:18 AM

ميروك عليك السيارة

يعطيك خيرها ويكفيك شرها

جرب روج الوكالة وشوف ايش يقولون لك

وبعد ذلك ممكن تصلح الخلل خارج الوكالة

لأنه بالتأكيد سيكون أرخص من الوكالة