بسم الله الرحمن الرحيم
السلام عليكم و رحمة الله وبركاته
الموضوع هذا لي في احد المنتديات المجاورة
و نقلته لكم للفائدة ،،كما ارجو تثبيته ( اذا عجبكم :o )
كثير مننا يسمع بضوء الزينون و الأكثر يركبه في سيارته من اجل إضاءه
اقوى و افضل و لكن بدون معرفة تفاصيل اكثر عن هذا الضوء و فوائده و اضرارهـ و درجاته و الأصلي منه و التقليد...
حسب خبرتي المتواضعه بحاول اني اكتب لكم خلاصة تجاربي و قراءتي
و مخاطباتي مع الشركات الكبرى في هذا الموضوع.
نبدأ اول شي بالتعريف عنه
هو خلاصة تفاعل الكهرباء مع ماده كيميائية موجود في داخل اللمبه
ينتج عنها ضوء قوي جدا ً الا و هو الزينون.
استعمالاته/
في السيارات غالبا ً و ايضا ً في بعض كبسات الأنوار كالمستخدمة في الاستراحات او البيوت.
فوائده/
اضاءه قوية
منظر جمالي حتى في النهار
الضوء يكون مركز يعني مو مشتت
يستخدم 35 وات فقط بينما اللمبات العادية تستهلك 55 وات بدون فائده خخخخخخخ
أضراره/
اذا تم تركيبه بشكل خاطئ ممكن تغير ظفيرة كاملة للسيارة
اذا تركب بشكل توليف ممكن يعدم عليك القاعده او يكون مايل
او يجهر الناس اللي قدامك بشكل مزعج جدا .
أنواعه/
نبدأ من الأفضل الى ان نصل للأسوأ
رقم -1-
زينون الهيلا Hella
هذا لا يعلى عليه ابدا و هو أفضل انواع الزينون على الإطلاق
و يكفي انه يستخدم في سيارات الـ BMW و المرسيدس و الأودي
طبعا كان يباع عندنا في السعودية النوع الأصلي و اتذكر اني شريته
بمبلغ 1800 ريال لكن شمعاته ما تركب الا توليف و صعب جدا ً ان
احد يوزنها لك ،، بس نوعية محترمة و كشخه و كل اللي موجود في السوق حاليا ً هو تقليد و اذا حاب تعرف الأصلي من التقليد لازم تعرف
ان المحول تبع الهيلا ما يجي HID اقصد اللي يكون سلكين زي هذا:
و الأصلي يجي مثل هذا بالضبط للجيل الثالث من المحولات:
و الجيل الرابع يكون مثل هذا بالضبط:
طبعا لاحظتوا أن السلك اللي يشبك في اللمبة دائري معناته
هذا يحتاج له نوع معين من اللمبات و راح نعرضها في
موضوعنا هذا.
نجي للنوع الثاني
الفلبس و هو اكثر نوع تقلد في التاريخ و منذ 2004م ماعاد
في السوق محولات اصليه لشركة فيلبس و كل اللي يركبون اصلي
الآن يجيبونه طلبيه خاصه جدا ً و هذا شكل المحول :
نجي للنوع الثالث شركة دينزو DENSO
طبعا هذي الشركة هي المتعهد الأساسي لسيارات لكزس و اتوقع اللاند
كروزر مع اني مو متأكد بس احتمال كبير و كلنا عارفين كيف زينون اللكزس ( خقق ) و يطول عمره و قوي.
هذا ما تلقاه الا في لكزس تشليح او من وكالة تويوتا و ما قد شفت
منه تقليد صراحة و هذي صورته و اللكزس تركب محولات دينزو
و شمعات فلبس وهذي صورته /
النوع الرابع شركة بوش Bosch
و هي شركة المانية عريقة كانت تمول سيارات مرسيدس
و رنج روفر و بعض سيارات مازدا و الأودي و فولكس واجن
و لكن حتى 2008 فقط حسب احصائيات بعض المواقع
هذي صورة المحول و يجي قطعتين:
خلاصة الأنواع اللي فوق هي الأفضل و الباقي تقليد × تقليد
و اللي يبي يركب احد انواع الأنواع هذي
اقوله ....... ممكن ...... بس بشرط انك تشتري شمعه تجارية
يعني كوريه او صينية بس المحول يكون اصلي و تشتري معاها
تحويله و مهمتها تحول الفيش الدائري الى سلكين
مثل الصورة :
بكذا تقدر تشتري لمبه تركب على طول في الشمعه بدون توليف
و لا خرابيط و المحول انت ضامنه 100% صدقني اللمبه راح تعيش معاك ،، بعطيكم مثال يوضح كيف انه اذا كان المحول كويس الشمعه بتعيش..
في البيت اذا كانت اللمبة من اغلى الأنواع ( اوسرام او فلبس او جنرال اليكتريك ) و مركبه مضبوط بس الكهرباء في البيت فيها تفاوت و مرات
تقطع و يجيك التماس ،،هل تتوقع ان اللمبات بتظل شغالة..؟؟ ما اتوقع
ابدا ً و هذا المثال ينبطق تماما ً على الزينون في السيارة ..
يتبع
الزينون ( معلومات + فوائدهـ + مضارهـ + أنواعه )
رد مع اقتباس
المشاركة الأصلية كتبت بواسطة ĂςĉǿЯĎ
ا<<نتا كذا>>
مواقع النشر (المفضلة)