الموضوع: خبر مهم بخصوص محل النعماني لقطع الغيار

سلام عليكم شباب انا رحت لقطع الغيار النعماني اللي مقابل ورشة الجنوب بالرياض المهم اني شريت من عنده طرمبة دركسون بقيمة 2250 وسير ب150 ريال اللي شككني في المحل اول شي الفرق الكبير بين سعره وسعر الوكاله طرمبة الدركسون في الوكاله قيمتها 2850 ريال واخونا في الله بايعها علي ب2250 والسير في الوكاله ب280 ريال واخونا في الله النعماني بايعه لي 150 ريال ولما اسأله يقولي عندنا خصم 30 بالميه ياحبيبي دزها 30 بالميه وينقص نص السعر تقريبا واللي ثبت الشكه اني رحة للوكاله وقالي الفلبيني هادا سير تجاري طيب انا الخمت قلتله اكيد قال ايوا مدير قلت طيب طرمبة الدركسون قال مافي معلوم عشان رقم مافي واضح ممكن اصلي ممكن تجاري طيب وش السالفه قلت خلني اروح اتأكد عشان ماظلم الرجال واروح لورشة 39 على طريق العروبه عند يوسف السوداني اطلق واحد يعرف بالهوندا وقلتله السير اصلي ولا تجاري قالي تجاري قلة كيف عرفت قال الخطوط اللي جوا في السير الأصلي يجي عريض والتجاري يجي نحيف واللي عندي طلع مسوي تخسيس يعني نحيف يعني ؟؟؟؟؟؟؟ اللي ابي اوصله نصيحه اللي يبي يشتري اي قطع غيار لموتره يشتري من الوكاله يفرق 10 او 20 او 200 ريال لكن اركبها وانا متطمن ويصلح عند ورشه محترمه الشي الثاني لحد يقولي النعماني احسن واكوس واحد بعطيه pynch اسف على الأطاله لكن مابي اي واحد منكم ياكلها زيي ويرتفع ظغطه :d