سؤال بخصوص الصيانه والفلتر

[Tiger-v6]

السلام عليكم ورحمة الله

سؤالي بخصوص اني مركب فلتر k&n اذا دخلت السيارة الصيانه ممكن يلغو الضمان او شي من ذا


وفيه احد مركب فلتر ودخل سيارتو الصيانه وسوله شي


سؤالي الثاني اذا بطارية السيارة انتهت صحيح يغيرو اول بطاريه ببلاش

لانو السياره ما كملت 8 شهور والبطاريه انتهت

وسلامتكم

[فتىسدير]

انت وش تبي بالصيانه ياغالي..؟.؟ انا والله مادخلت عندهم الا ال الف .. لان الموتر مشالله مايطلب منك شي الا بعد 100 الف !! لاكن انا طلع عندي صوت الحين من الشكمان بس كنت انا حاك بالسياره واتوقع الشكمان انشق شوي ههه .. بروح لهم على صيانه ال 30 الف .. واذا قالو مافيه بدق على رقمهم في اليابان وبتفاهم معاهم وبقولهم هل هذا تعاملكم مع عملائكم لاني جديد على هوندا واذا كذا بطلع الخبر في الصحف وببيع سيارتي ..
لان فيه موظف سالته في هوندا يقول الناس هنا مايعرفون النظام لو يدق على هوندا اليابان يصلحون ابو الموتر غصب لان الضمان ماينلغي من شركه الام سواء كنت مسويه صيانه دوريه ولا لا

بس اهم شي في الصيانات 40 الف و 60 الف ..
عشان بس يغيرون لك السيور وكذا وزيت القير ..

واسال نفسك سؤال اذا بتكون مواظب على الصيانه كم بتخسر الى 100 الف من الوكاله ..؟ كل 10 الاف ياخذون منك تقريبا الف يعني ياخذون فوق موترك 10 الاف ريال !!

اسال نفسك هل سيارتك خلال ممشاها 100 الف !!
بتطلب منك قطع غياار بمبلغ 10 الاف !!!

<< فكرت مع نفسي وقلت نصابين الوكاله وحتي لو صار شي لاقدر الله ماراح يقدر ب 10 الاف !!

تقبل مروري اتمني اكون افدتك

دعواتك بالتوفيق

[Tiger-v6]

انا ما ادخل السياره الصيانه الا اذا طلع لي خراب والسياراة ماشة 45 الف والفرامل راحت فيها

وهرجة انو اذا ما انتضمت معاهم في الصيانه يلغو الضمان هاذي ما يقدرو عليها لانه زي ما قلت الضمان من الشركه الام


والله يعطيك العافيه

[فتىسدير]

ياغالي الفحمات خذ لك فحمات نيسن ب 140 ريال !! انا ماجربتها بس ناوي ااخذها .. بلا وكاله بلا خرابيط والناس كثير مايشتكون منها

[هاااوي الاكورد]

^^^^
يالغالي والله غير فحمات والوكاله ما راح تضبط معك
يا بتعاني من صرصراه يا من مسك سياء
واسال الي جربو يمكن يفيدونك

[فتىسدير]

حبيبي انا بفحمات الوكاله الان موتري ماشي 26 الف .. وفيه صوت صرصره من يوم مامشيت 10 الاف بالموتر ..
تبي تقعني ان فحمات الوكاله مافيها صرصره !!!!

[EXI-2002]

ياغالي الفحمات خذ لك فحمات نيسن ب 140 ريال !! انا ماجربتها بس ناوي ااخذها .. بلا وكاله بلا خرابيط والناس كثير مايشتكون منها

يقولك اسأل مجرب ولاتسأل طبيب :d

انا مركب نيسن لي تقريبا سنه وبـ 140 ريال ماشاء الله تبارك الله

بس بقولك بصراحه في البدايه اول اسبوع بتسمع صفير << ماادري كلها كذا ولابس سيارتي

بس بعدها وقسم بالله للحين ماشاء الله الفرامل ولااحلى ولافي اي صوت

شفت شكاوي من بعض الشباب بخصوص انها تسود الجنوط انا مركب جنوط 2008+

ولاعمري شفت شي اسود ابد

نصيحه ركب النيسن ماتخلص بسرعه ولااصوات احسن من الوكاله بقوا

[alkasr777]

تراا فحمات نيسن هي نفسها فحمات الوكاله :d

يعني هشوووومي ينصب علينا بأسعار الفحمات :(

روح لمحل قطع الغيار و قله يجيب لك فحمات الوكاله (الخلفيه)

و فكها و شوف الفحمات بتحصل منقوش على الفحمات كلمة نيسن

و أنا مركب فحمات أماميه نيسن من سنه و توني قبل اسبوع مغيرهم و بعد مغيرهم نيسن

بس فعلا أول ما تركبها بتسمع صوت صفير خفيف بس بعدها بإسبوع إلى اسبوعين بتصير اوكـ

[هاااوي الاكورد]

^^^
طيباروح لقطع غيار نيسان واقوله عطني فحمات وشو ؟؟؟
وهل هي تركب خلفي وامامي
ولو دخلت السياره صيانة 60 راح يقولو انت مركب فحمات نسيان ما نصنفرها

[ashraf rashid]

فحمات نيسن وبس

بلا وكالة بلا نصب

[فتىسدير]

مو نيسان .. نيسن هههههه تكفي ركز يابو الشباب

[alkasr777]

^^^
طيباروح لقطع غيار نيسان واقوله عطني فحمات وشو ؟؟؟
وهل هي تركب خلفي وامامي
ولو دخلت السياره صيانة 60 راح يقولو انت مركب فحمات نسيان ما نصنفرها

مو نيسان شركة السيارات :d

هي نيسن شركة مستقله يعني فحمات تجاريه أتمنى انك فهمت

و تحصلها في محلات قطع الغيار هوندا

[هاااوي الاكورد]

وشي نيسن :o ووين احصلها*

[accord7]

^^
نيسن هذي فحمات يابانيه

[alkasr777]

وشي نيسن :o ووين احصلها*

فحمات يابانيه

و تحصلها في محلات قطع الغيار هوندا

[هاااوي الاكورد]

^^^
يعطيكم الف عافية
ايه فهمت :d

[accord7]

الله يعافيكـ :d