شوف تجاري ما أنصحك .. خذ لك شبة أصلي أفضل .. تحصله ب 3100 مع الكفرات .. ولو تسوي استبدال لكفرات الوكالة يمكن تدفع 2400 .. إذا كفراتك جديدة ..
إذا لك رغبة بالتفصيل راسلني على الخاص .. وما لك إلا اللي رضيك
السلام عليكم ورحمت الله وبركاته
ياشباب بالعربي انا سيارتي اكورد 2007 جنوط سود طيس
وابي اركب جنوط كروم رحت سالت عنها بالغرابي قالي واحد ب900 ريال صيني اربع حبات :d
وقلت طيب اذا بنشرت يقول لا كل الناس تاخذ اربع
رحت محل مشهور بالغرابي حق كفرات وجنوط قالي فيه ياباني ب 1200 وفيه صيني ب 1000
ابي رايكم هل اركب الياباني او الصيني وكيف ادري انه ياباني مو صيني هو المقاس 16 هذا الي اعرفه وش تنصحوني اركب كفرات مع اني سفراتي مو واجد مره ابي واحد
مجرب مركب جنوط هل فيها رجه او تنكسر
ارجو اني مارفعت ضغطكم بس وش اسوي حريص :d
بقى سؤال هل اقدر اسافر عليها يعني ماتنكسر
ودمتم
أخوي تجاري ياباني ما في ، اللي موجود نوع يقال ماليزي ونوع صيني ، الماليزي اغلى لأني اعتقد والعلم عند الله إنه درجة ثانية بعد الأصلي ، من الخلف تلقى مكتوب عليه HONDA ACCORD JAPAN لجل كذا يتفلسفون حقين الزينة ويقولون ياباني ، ولا هو يمكن حتى ماهو ماليزي :d
النوع هذا بيكمل عندي ثلاث سنوات ، لا تغير لونه ، ولا عمل رجة ، ولا انكسر ، في شيء مشككني انه بالفعل من نفس الشركة اللي تزود الأكورد الفل بالجنوط ، تلقى نفس العلامة اللي تجي على حواف الجنط محفورة بصورة متقنة ، مثلها مثل جنوط الهوندا كلها وتويوتا وحتى ميتسوبيشي ، فأظن إن الشركة وحدة والجنوط اصلية لكن تصنع بدولة اليد العالمة فيها ارخص كالصين وماليزيا .
لكن لو لقيت أصلي أصلي مكتوب عليه من الخلف MADE IN JAPAN واقصده حق الوكالة مثل ما يوصيك ابو عزوز فعلى البركة لانه ازين بقوة ، سبحان الله الاصلي له شكل مميز وينعرف من لمعته حتى .
طيب يااخوي انسان وين احصله وبكم اسعاره
واخوي ابو عزوز مشكور وابراسلك علا الخاص
^^^^
اهم شيء لاتأخذ كفرات الا نوعيه جيده
الطقم اللي أخذته ماليزي أربع جنوط بـ 1200 ريال بس الكلام هذا زمان تلقاه رخص او غلي العلم عند الله .
وتحصله عند محلات الزينة ، اقلب الجنط وشوف وش مكتوب من الداخل ، وإن بغيت شورة أخ خلك على رأي ابو عزوز لو قدر يدلك على شخص يعطيك الجنوط الأصلية ترى شكلها يستاهل بس سعرها يخوف
مواقع النشر (المفضلة)