نحتاج اصحاب الخبرة ،، صوت في الكفرات - صدام خلفي - اشارة غريبة !

[Dr.QaNNaS]

السلام عليكم ،،

يعطيكم العافية شباب ،، كيف اموركم عساكم بخير ؟

عندي كذا استفسار حبيت اسالكم وياه ،،

سيارتي أكورد 2005

الصدام الخلفي فيه اصابة بمسمارين ، و هالمسمارين دخلوا لي بالكامل في الصدام فصار كأنو مخروم بدريل ،،
سؤالي : هل في بديل عن اني اخذ صدام جديد ؟ و كم سعر الجديد ؟



الشي الثاني هو الجلدة السفليـــة للصدام الأمامي الي عندي تعبانة ،، بكم سعر الجديدة ؟؟


3 ) الكفر الامامي الايمن ،، لمن اركب فوق مطبة او ادوس على اي شي في الشارع او اطلع رفعة خفيييييييفة في الشارع او نزلة تبع حفريات ولا شي ،، يطلع لي صوت في هالكفر بالذات و احس انه شي راح ينكسر و ان السيارة في هالجهة مش قادرة تمتص اي رجات ، مع ان بقية الكفرات تقريبا كلها اوكي ، الا الكفر الخلفي الايسر ، لمن امشي فوق الـ 80 تقريبا يطلع معاي صوت حنة ، لمن سألت قالوا لي يبغا لك تغيير البيرنق !؟

عندكم فكرة وش سبب الصوت في الكفرين ؟؟؟


4) متأكد طبعا ان الاشارات الي تطلع لي في الطبلون موجودة في كتيب السيارة لأن اطلعت عليه ، لكنه ضاع مني حاليا ، و طلعت لي اشارة حمراة ، واحد جالس على سيت و عند وجهه مثل الشي الدائري ما ادري هو يقصد الايرباق ولا ايش ،، !! وش تعني هالعلامة ؟؟




يعطيكم العافية و تحياتي لكم

[King]

سيارتك تحتاج صيانة كثيرة, مع الآسف!. :d

لكن هونها وتهون إن شاء الله, ومن شاف مصيبة غيره هانت مصيبته..


أول نقطة بخصوص الصدام شوف إذا فيه إمكانية انك تصلح له فيبر جلاس وترشه احسن من انك تشتري صدام كامل وترشه (لن التكلفة راح تفرق معاك في كل من الحالتين!)

الحاجة إلي تسأل عنها هي البطانة للصدام الأمامي وسعر التجاري منه تقريبا ً مايتعدى الـ 50 ريال من محلات قطع الغيار تبع هوندا..

وانا افضل انك تركب التجاري بحكم تجربتي له صحيح انه قاسي لكن افضل من سعر الوكالة إلي وصل اكثر من 200 ريال للبطانة الواحده سواء للصدام او للكفرات الأمامية!!.


الصوت إلي يطلع لك للكفر الأمامي تأكد من المساعد لا يكون مفقوع وهو غالبا ً مايسبب قرقعه وانت ماشي واصوات, افتح الكبوت وشوف يسارك تحصل دائرة فيها مسمار هذا حق المساعد إذا شفت تهريب اعرف انه معدوم ويحتاج إلى إصلاح او تغيير!.

الكفر الكلفي الله العالم ممكن يتحتاج إلى تغيير الرمانات وهي تسبب صوت مثل ماوضحت!.


المشكلة الأخيرة هذه علامة الإيرباق, هل انت مسوي حادث لا سمح الله؟

لأن عادة هي إلي تسبب ظهور العلامة لوجود خلل, او بعض الأحيان محلات التلميع الغير متخصصه تسبب بظهور علامة الإيرباق لأنهم يطلعون الكراسي ويلمعونها..

كحل مبدئي افصل البطارية مايقارب الـ 30 دقيقة وشوف وش يصير معاك.

معليش على الشرح الطويل لكن هذه تقريبا ً إلي اعرفه واشك انه فيه معلومات خطأ لذلك لا تعتمده لكن قد يكون هو الصحيح!!.

[هاي الشرقية]

صراحة بعد الكنق مافيه اي تعليق كفى ووفى:d

[ماجد .]

ايه والله
جزاك الله الف خير ياكنق :o

[Dr.QaNNaS]

صراحة يا الكننننج ردك مسكت حتى انا بغيت ما ارد بس قلت ما يصير لازم نشكر الرجال :d
مشكور حبيبي و عساك ع القوووة

أول نقطة بخصوص الصدام شوف إذا فيه إمكانية انك تصلح له فيبر جلاس وترشه احسن من انك تشتري صدام كامل وترشه (لن التكلفة راح تفرق معاك في كل من الحالتين!)

اها ، طيب شنهو فكرة الفيبر جلاس ، و كيف يتم عمله ؟ و بالنسبة للسعر هل راح يفرق كثير عن سعر الجديد من الوكالة ؟ و اخيرا كم يكلف هذا و كم يكلف ذاك ( سعر الوكالة و سعر الفايبر و الشغل كلوو ) :d

الحاجة إلي تسأل عنها هي البطانة للصدام الأمامي وسعر التجاري منه تقريبا ً مايتعدى الـ 50 ريال من محلات قطع الغيار تبع هوندا..
وانا افضل انك تركب التجاري بحكم تجربتي له صحيح انه قاسي لكن افضل من سعر الوكالة إلي وصل اكثر من 200 ريال للبطانة الواحده سواء للصدام او للكفرات الأمامية!!.

مثل ما قلت شكلي باخذ التجاري ، اهم شي انها بتكون من اسفل و ما بتبين ^^

الصوت إلي يطلع لك للكفر الأمامي تأكد من المساعد لا يكون مفقوع وهو غالبا ً مايسبب قرقعه وانت ماشي واصوات, افتح الكبوت وشوف يسارك تحصل دائرة فيها مسمار هذا حق المساعد إذا شفت تهريب اعرف انه معدوم ويحتاج إلى إصلاح او تغيير!.
الكفر الكلفي الله العالم ممكن يتحتاج إلى تغيير الرمانات وهي تسبب صوت مثل ماوضحت!.

احد الشباب حط موضوع و مشكلته كانت نفس مشكلتي تقريبا ، البعض قال له ممكن اتكون المشكلة من كراسي المكينة ، ويوم قست الكلام على سيارتي ، لما اوقفها ساعات في رجة خفييييييييييييييف من المكيينة ، ما ادري أفضل اني ابدلها من الان افضل ولا عادي امشي بها ؟

لكن الي ما قدرت افهمه انه شكو كراسي المكينة بالصوت الي اسمعه عند الكفر !!!

و مثل ما قلت لي راح اشوف المسمار الي قلت لي عنه العصرية على برادة الجو ، لأن الجو الأن ما شاء الله ربيع و يمطر هههههههه

المشكلة الأخيرة هذه علامة الإيرباق, هل انت مسوي حادث لا سمح الله؟
لأن عادة هي إلي تسبب ظهور العلامة لوجود خلل, او بعض الأحيان محلات التلميع الغير متخصصه تسبب بظهور علامة الإيرباق لأنهم يطلعون الكراسي ويلمعونها..
كحل مبدئي افصل البطارية مايقارب الـ 30 دقيقة وشوف وش يصير معاك.

لا و الله ما سويت ، اخر شي صاب السيارة هو صدمة من دباب من خلف السيارة و كسر لي الاسطاب الخلفي الله لا ××××× ><

هنا سؤال ايضا ،، كم سعر الاسطاب ، و هل يمشي معاي تجاري ولا يبين ؟؟

نو بالنسبة لمحلات التلميع ما قد مرة وديتها للتلميع حقيقة ، لكن شي غريب و اكيد ماله داعي بالعلامة ، هو اني ما شفتها الا مرتين تقريبا و سبحان الله ما تطلع لي الا في شارع معين ، طلعت لي مرتين و ثنتينهم في نفس الشارع !!!

بس اتروح طبعا ، اتوقع في نفس اليوم ولا اليوم الي بعده ، لمن ضربت السيارة سلف ما شفت العلامة مرة ثانية !!

راح احاول اجرب طريقتك و انشوف النتائج ، لكن نفس الشي انحاول الثلج يوقف هطوله :p

معليش على الشرح الطويل لكن هذه تقريبا ً إلي اعرفه واشك انه فيه معلومات خطأ لذلك لا تعتمده لكن قد يكون هو الصحيح!!.

حقيقتن هذا الي كنت ابيه ، و ادري ان السيارة يبي ليها صيانه من فوقها لتحتها ، المشكلة ابد ما عندي وقت لها من زحمة الجامعة و الاجازة قلت اقعد اتسلى عليها ،،

فمشكور كل الشكر اخوي ما قصرت و جزاك الله الف خيـــر يا الكنج ^_^

تحياتي لك =)

[besoo]

بخصوص الصدآمـ اذا هو منكسر يقدر يلحمه لكـ ويرشه ... ولآ تقدر تاخذ تجـآري انا مركب وماشالله توووب ولآ يبين عليه اصلآ ...!! وسعره 180 والكلبسات تبعه بـ 40 ... والرش بـ 300 يعني بكلفك كامل 520 ... بعكس الاصلي سعره 1300 ... رش 300 بطيلع بـ 1600 ...


وامـآ بخصوص الاصطاب اذا يبين التجاري عن الاصلي .. اي نعم ... التجـآري بسرعة يطير لونه ويصر مثل البنفسجي ...!! يبهت اللون بسرعة ويصير الاختلآف واضح ... اذا كان الاسطاب الى منكسر في الركن فسعره 350 ... اما الى في الشنطة ما ادري عنه صرآآحـة ....

ومعلومة يمكن تفيدك سعر كراسي القير مع المكينة ... 1550 ...

اتمنى افدتكـ .... وانا عندي صوت يشبه الصوت عندك لمـآ اكع البريك او اركب مطبة في صوت زنة عن الكفر الايمين الامامي يـآليت يفيدوني الشباب .. يبي له عكس !!!.. لأن كل ما اروح المهندس ما يرضى يطلع ..!!

[Dr.QaNNaS]

بخصوص الصدآمـ اذا هو منكسر يقدر يلحمه لكـ ويرشه ... ولآ تقدر تاخذ تجـآري انا مركب وماشالله توووب ولآ يبين عليه اصلآ ...!! وسعره 180 والكلبسات تبعه بـ 40 ... والرش بـ 300 يعني بكلفك كامل 520 ... بعكس الاصلي سعره 1300 ... رش 300 بطيلع بـ 1600 ...
وامـآ بخصوص الاصطاب اذا يبين التجاري عن الاصلي .. اي نعم ... التجـآري بسرعة يطير لونه ويصر مثل البنفسجي ...!! يبهت اللون بسرعة ويصير الاختلآف واضح ... اذا كان الاسطاب الى منكسر في الركن فسعره 350 ... اما الى في الشنطة ما ادري عنه صرآآحـة ....
ومعلومة يمكن تفيدك سعر كراسي القير مع المكينة ... 1550 ...
اتمنى افدتكـ .... وانا عندي صوت يشبه الصوت عندك لمـآ اكع البريك او اركب مطبة في صوت زنة عن الكفر الايمين الامامي يـآليت يفيدوني الشباب .. يبي له عكس !!!.. لأن كل ما اروح المهندس ما يرضى يطلع ..!!

جزاك الله الف خير يا الغالي ،،

بالنسبة للصدام فأنا حاط في بالي التجاري لأن ما ابغى اصرف على السيارة و في النهاية باغيرها بعد كم سنة ،، فاحاول اصرف عليها شي معقول و النتائج اتكون مرضية ،،

و بالنسبة لسعره من وين شريته انت ؟ و الرش وين عندك مكان تقترحه يرش صح ؟


اي نعم الاسطاب المنكسر صاير في الكورنر ،، و امرنا لله و ناخذ الاصلي !! :p


و مشكلتك يا اخوي بالنسبة للكفر هذي طلعت وباء الظاهر ،، اكثر من واحد عنده نفس المشكلة و في الكفر الامامي الايمن !!!!!!!!!!!!!!!!!!!!!!!!!!!!

و بالنسبة للأسباب حقيقتن ،، سمعت لها مليون الف و ستمية و واحد وعشرين سبب و كل واحد مال امه داعي بالثاني ههههههه

حياك يا الغالي ، أفدتنا كثير ^^