بدل الكفارات من الامام إلى الخلف وجرب!
السلام عليكم ورحمة الله وبركاته
يا أخوان من فتره بعد ما غيرت الكفرات صار يطلع عندي صوت طقطقه في الكفر الأيمن الأمامي وديته اليوم لورشة الجنوب وميزان العضيب وقال لي كراسي القير والمكينه والمساعدات والجلب كامله فما أدري وش رأيكم
السيارة هوندا أكورد
الموديل 2004
وياليت يا شباب الله لا يهينكم تقولون لي كم أسعارها وماهو أفضل محل لشراء قطع الغيار وتركيبها وشاكر لكم
بدل الكفارات من الامام إلى الخلف وجرب!
هي تعتمد على الكشف
الجلد اذا مهترئة فهي مهترئة لكن ابيك تتأكد بنفسك
فك الكفر واعطينا صور للمقصات والجلد بكاميرا واضحة وصور للمساعدات للجانبين
لان الورش اذا ما كان الموظف يدخل للورشة حتى لو بالنصب فمصيره الفصل لانه يعتبر شخص غير منتج في الشركة
لو تفحص في الوكالة راح يعطونك تفصيل كامل للمشكلة + سعر الاجور المرعب
لكن حاول تصور بكاميرا واضحة ونزلها هنا ويتبين ان شاء الله
قريبا اكيورا فخر صناعة هوندا الامريكية على هوندا العربية
اكيورا RLX 2013
مو بالضروره تحتاج تغيير كل هذي القطع عشان يروح الصوت
ممكن المشكله من كرسي المساعد اليمين او من كلبس الفحمات او اي مشكله بسيطه
افحص عند اكثر من ورشه واعرف مصدر الصوت بالتحديد ....
نفس حالتي بالضبببببببببببببببببببببببط !
مغير الكفرات من قبل فترة ،، و حاليا أسمع صوت غير طبيعي في الكفر الامامي الايمن لما امر فوق مطبه ولا اي مرتفع بسيط في الشارع !!
طبعا الصوت احسه كأنه شي راح ينكسر ، و الصوت يكون وااااااضح على اقل شي ادوس عليه في الشارع !!
ما ادري وش سببها حقيقة هو من الكفرات و لا لما اخوي ياخذ السيارة و يسوقها روحته الجامعة ياكل المطبات اكال ><
وش سببه تتوقعووون ؟؟
الله يقلع كراسي المكنية ياشيخ !! << عقدتي
يارجال شريت كراسي مكينة بـ650 ريال اصلي مستعمل !
وفي نفس الوقت خربت علي ياليتني ركبت اصلي وريحت راسي
شاكر لكم أخواني جميعاً بعد فحص عند أكثر من 4 ورشات متخصصه في الهوندا تأكدت بما لا يجعل مجال للشك بأن المشكلة كما ذكرت المساعدات والجلب الأماميه وكرسي المكينه والقير وأشتريتها كلها من محل في الصناعية القديمة أسمه با حميد على ما اعتقد وركبتها عند ورشه بـ 700 ريال وكلفتني قطع الغيار تقريباً 2000 ريال
شاكر لكم أخواني جميعاً
مواقع النشر (المفضلة)