تاخير تبديل النمرة
السلام عليكم
عندي الاكورد 2006 الاحظ بالفترة الاخيرة انه احيانا ماتريح النمرة بسرعة خصوصا اذا كانت تمشي تقريبا 70 يكون الضغط على 3 وانا مثبت رجلي على الدوسة ماتبدل النمرة الا لما ارفع رجلي عن الدوسة او ازود السرعة .
وكذلك الاحظ صوت حنة وتختفي لما تكون النمرة على 4 ( يعني من 3 وتحت )
زيت القير والفلتر مغيره من فترة قريبة .
شوف حبيبي فديتك اتوقع يبي لك تنظيف بخاخات وتغير بواجي واتمنى بعد تشيك على فلتر البنزين وانشاء الله تضبط
البواجي وفلتر البنزين مغيرهن مع فلتر وزيت القير .
افصل البطاريه ساعه و رجعها بحيث ان ترجع السياره لوضع المصنع
المشاركة الأصلية كتبت بواسطة alkasr777
افصل البطاريه ساعه و رجعها بحيث ان ترجع السياره لوضع المصنعنفس المشكلة حتى بعد فصل البطارية :(
بعد صلاة العصر فصلته يعني كملت ساعة ان شاء الله , الله يجعل فيه نتيجة .
شاكر لكم مروركم والله يعطيكم العافية
يا اخوان احينا يكون القير بالـ d ويكون ماريح ( مابدل النمرة ) ارجعة لـ d3 ثم لـ d يريح على طول , وكذلك قبل فترة ادق سلف ماتشتغل السيارة احرك القير ثم ارجعه للـ p تشتغل على طول .
أنا أتوقع انها طبيعيه تأخير تبديل النمره لأن السرعه ثابته و الريس ثابت على 3 ليه يغير الجير :d
و بالنسبه لتشغيل السياره ممكن عندك حساس خربان سو فحص كمبيوتر و يبين أي واحد خربان
لابد تفحص كمبيوتر وتعطينا الكود
بس سؤالي اخوي هل غيرت زيت القير بعد ممشى لفترة طويلة ولا منتظم في التغيير؟
قريبا اكيورا فخر صناعة هوندا الامريكية على هوندا العربية
اكيورا RLX 2013
أنا أتوقع انها طبيعيه تأخير تبديل النمره لأن السرعه ثابته و الريس ثابت على 3 ليه يغير الجير :d
و بالنسبه لتشغيل السياره ممكن عندك حساس خربان سو فحص كمبيوتر و يبين أي واحد خربانالضغط على 3 طبيعي ؟!
هذا اذا كانت السرعة فوق 140 لكن دامك تمشي 80 المفترض الضغط 2 يعني تصير السيارة مريحة .
شريت السيارة وممشاه 130 الف وغيرنا الزيت وقبل فترة غيرت الزيت وكان الممشى حدود 165, وبالنسبة لفحص الكمبيوتر انا كلمت الوكالة وقالي قيمته 120 ريال والسيارة راح تطول عندهم لان عندهم ضغط على مافهمت وأنا انتظر الاختبارات تخلص واروح لهم ان شاء الله .
انا عندي نفس المشكله على الاكورد 2009
بالنسبه لحركة القير في انه ما يشتغل على الـp ولازم تحطه عال N فهذا حساس القير فالغالب اما تأخير النمره هذا عندي برضوه مدري وش المشكله ناس قالوا من البلوف بس مدري
انا توقعت هالشي وان المشكلتين مرتبطات ببعض .
س1 هل انت مركب فلتر رياضي؟ اذا نعم
طبيعي لان الفلتر يرفع الاربي ام في الشورت والميد ولذلك تصير النمر طويله والحل هو البرمجة بس للاسف مافيه برمجة قير للهوندا.
س2 هل انت مغير او مصلح دودة الدركسون؟ اذا نعم
ناس واجد تغير دودة الدركسون ولا يروحون لميزان لازم تروح للميزان لان الكفرات فيها مقاومه عالية و تكون غالبا متضاده واذا بغيت تعرفها تسمع لك صوت زي التفحيط فيها واحيانا مايصير فيها صوت بس يصير فيه نسبة مقاومة فالسيارة يزيد عليها اللود وماتغير بالساهل لان الكمبيوتر يشوف القوة تزيد والسرعة تتباطءفالحل انك تشيك عند الميزان.
س3 هل انت مغير فلتر القير الخارجي؟ اذا نعم
الله يعينك لان كثير من الغيروه اشتكو من نفس مشكلتك وتغييره يحتاج تكنيك وطقوس وماينفع لانه للزيت القير الطالع للمبرد وشركة الهوندا ماوصت بتغيره ولان لازم يشيك الواحد على برشر حق الطرمبة القير واذا تبغا الصدق ناس واجد تقول غير وغير وهو له طريقة تغير على شان ماينقص الزيت وثاني شي ما يخف الضغط.
س4 هل كراسي المكينة والقير متكسره؟ اذا نعم
غيرها وخصوصا الكرسي العلوي للقير شيكه لانها سبب في بطء التعشيق
التعديل الأخير تم بواسطة k2x engine tune ; 21-06-2011 الساعة 01:57 PM
الله يعطيك العافية , وان شاء الله بكرا بروح للصيانة واشوف وش يقول , دعواتكم .
استاذ خالد
هذه شكل يبيلها برمجة قير بدل ماتفص وتغير قطع مالها علاقة, عادة تكون تأخير القير حسب سواقة الشخص فـ بالتالي راح تتخزن الحركة هذه على الكمبيوتر..
حتى ترجع الوضع للطبيعي يلزمها برمجة حتى يرجع الإعدادات السابقة لتغيرات القير..
:(
اخي الكريم خالد
برمجة القير مالها اي دخل تماما حتى الوكالة ماتقدر تغيرها فلو قلنا ان الوكالة بتشبكة وصلة gn600 وبتشبك برنامج hds وش تقدر تسوي ولا شي فقط تسوي تحديث لوحدة ecu كاملة وتسوي تحديث لوحدة tcm الخاصة بالقير فقط والقير يتغذى من السنسرات سرعة المركبة الود واشيا كثيرة وفي غاية التعقيد.
اخي الكريم شيك على كراسي المكينة والطريقة ارجع ريوس ثم اضرب فرامل اذا فيه طقة فهذا الكرسي العلوي ودس فرامل ثم بنزين اذا فيه رجه هذا الكراسي تقولك بالغة اليابانية الفصحى good night . هههه
امش بالسيارة واترك الدركسون وشف السيارة تلف او تروح سيده هل تحس السيارة ممشاها ماهو عدال اذا كذا رح للميزان واصلح سيارتك.
هذولي هي الاشياء الرئيسية انشاء الله تطع منها وهي اشياء بسيطة مقارنة بالكلتشات الي قيمتها 3800 ريال.
الكراسي الطقم ب 1200 ريال وشغل يد 250
وزن السيارة في الميزان ((مجاني)) والاصلاح مايتعدى 80 ريال
صارت كذا مرة السيارة يعاد برمجتها وتضبط نقلات القير وكذا البرمجة احيانا تفقد لسبب معين في الدائرة الكهربائية او خلل في الكمبيوتر نفسه فيظل القير نقلاته طويلة جدا بدون سبب حتى بدون ما تدعس بنزين وعلى ارض مستوية
لكن اعادة التحديث او البرمجة مرة اخرى للكمبيوتر يحل المشكلة احيانا
لكن تأخر النقلات في الاكورد في الغالب يصير بسبب مشكلة الزيت وتغييره وغير كذا كونها مستعملة فهنا المشكلة ما تدري راعيها كم مرة غير الزيت لها بس وايش النوع اللي كان يستخدمه
على العموم افحص كمبيوتر واعطينا الكود اخي الكريم ويبان معنا وين المشكلة ان شاء الله
قريبا اكيورا فخر صناعة هوندا الامريكية على هوندا العربية
اكيورا RLX 2013
انا اتوقع انه من منظم القير جرب نظفه ..
بالتوفيق اخوي وان شاء الله مشكلتك بسيطه..
الله يعطيكم العافية ياشباب , المشكلة اليوم الصبح راحت علي نومةفما رحت للوكالة
يا اخوان المشكلة طلعت من زيت القير الورشة اللي غير لنا زيت القير زود الكمية الله يصلحة , والوكالة يقول نبي نغير لك الزيت ونشوف والله ينهي المشكلة
لا قدر الله إذا ما انتهت المشكلة وش توقعات العطل بمعرفة السبب وهو زيادة كمية الزيت .
ياخوان اتمنى من الكل عدم التعليق على اي مشكلة الا اذا قد مرت عليه او يعرف احد مرت عليه لان لوحظ من هاذي الصفحة ان جميع التعليقات لاتمت باي صلة بحل المشكلة فالمشكلة طلعت بسيطة والحل كمان ابسط فارجوا من الجميع التركيز قبل التعليق والي ماعنده ادنى فكرة اتمنى ان لايعلق وشكراطبعا انا علقت معاكم لان نفس الوصف للمشكلة خالد مرت على سيارتي وطلع المشكلة من فلتر البنزين
ياخوان اتمنى من الكل عدم التعليق على اي مشكلة الا اذا قد مرت عليه او يعرف احد مرت عليه لان لوحظ من هاذي الصفحة ان جميع التعليقات لاتمت باي صلة بحل المشكلة فالمشكلة طلعت بسيطة والحل كمان ابسط فارجوا من الجميع التركيز قبل التعليق والي ماعنده ادنى فكرة اتمنى ان لايعلق وشكرا
---http://www.hondaarabia.com/club/post526918-20/---
تم الشرح هنا وتم تبيان ان اغلب مشاكل الاكورد من الحالة هذه هي بسبب مشكلات الزيت
نوعه وزمن تغييره واضاف صاحب المشكلة زيادة العيار اللي قاعد يزيد الضغط داخل القير بشكل ممكن انه يسبب خطر على الصوف
بالنسبة للنصيحة اللي نصحته اياها وهي البخاخات وفلتر البنزين ما تسوي مشكلة تأخر النقلات لانها منظومة مختلفة تماما
بس صاحب الموضوع يعاني من مشكلة ثانية وهي انه ما يشتغل الا اذا حرك العصا تأكد من وزن عصا القير الداخلي تحت الديكور وايضا افحص كمبيوتر لاجل الاطمئنان اكثر واعطينا الكود اللي يطلع لك بعد الفحص
قريبا اكيورا فخر صناعة هوندا الامريكية على هوندا العربية
اكيورا RLX 2013
الله يعطيك العافية يالغالي بالنسبة لفحص القير طلع سليم ولله الحمد لكن المشكلة من زيادة الزيت وبعد تجربة السيارة تحسن بشكل كبير ولله الحمد , وبالنسبة لمشكلة التشغيل هذي واجهتني قبل فترة وتكررت مرتين او ثلاث فقط والان ولله الحمد مارجعت .
ضوابط المشاركة
رد مع اقتباس
مواقع النشر (المفضلة)