بفحص السيارة وابغى مشورتكم (النور الواطي)

[ابوعمر2005]

اخواني الاعضاء

السلام عليكم

باذن الله راح افحص السيارة بكرة وابغاكم تعطونني نصيحتكم

انا مركب زينون واخاف يدقرون ويرسبون السيارة عشان الزينون ..

فحبيت اسال اهل الخبرة هل تنصحوني اشيله ولا لا

مع العلم ان عندي النور الاصلي

واذا لازم اغيره ممكن تعطوني الطريقة ..؟

ويعطيكم الف عافية ...

[Cruiser]

انا مركب زينون . نجحت السيارة بالفحص ، و لكن عند بند الانوار اعطوني ملاحظة "كن حذر" لان نور الزينون عندي ياخذ حوالي 30 ثانية حتى يعطي انارة كاملة و الفني فحص انارة الاضواء فور تشغيلها ، اي قبل مرور 30 ثانية .

في المرة القادمة سوف اشغل الانوار و انا واقف في الصف !

[أبوخالد الحربي]

اذا معاك الاصلي ركبة بنفسك اذا كنت تعرف لانو شغلتة بسيطه مره احسن من انو يرسبوك وتعيد من جديد

بس اعتقد انو عادي مايدققون بالزنون انو اهم شي يكون في اناره

[ابوعمر2005]

والله بصراحة

اكتشفت اني شخص موسوس وركبت الاصلي قبل شوي

والله يااا فرررررررررق !!

الله يعيننا عليهم ..

مشكورين ع ردودكم يا شباب

[احبك يالاكورد]

خخخخخخخ ازين لك تضمن ^ ^

بالتوفيق لك

[وقف لحظة]

ياخي خذها نصيحة من اخ ماراح تنجح من اول مرة وراح يطلعون شي 100%
لكن اذا قالك النور لاتصدق وتروح تفكه شف اش مكتوب باخر ورقة الفحص
تقريباماني متأكد انه مكتوب(عند اعادة الفحص سيتم فحص................. هذا الي شيك عليه وعادة مايكون فرامل او كربون ونتمنى للك التوفيق

[ابوعمر2005]

والله الغبنه بس
الحين قبل شهر فحصت سيارة اخوي ونفضوها نفض
ما بقو شي ما شيكوه
وانا يوم حرصت ورجعت النور الاصلي ما شيكو عليه !!
فحصو كل شي الا الانوار
طيب وش بيضركم !!
المشكله توي مصلح العالي والسكن
خيره ان شاء الله ...
اهم شي خلصت منهم وافتكيت
اخوي وقف لحظة : ابشرك نجحت من اول مرة ،،

----------

مشكورين ع ردودكم وتفاعلكم ؛)

[كوووبيه 2009]

ياخي افحص واذا قالو زنون فكه ودخل مرة ثانية بلاش

[ابوعمر2005]

ياخي افحص واذا قالو زنون فكه ودخل مرة ثانية بلاش

وانا اخوك الدعوة مهب ببلاش ولا بفلوس

الدعوة مشورة انك تعيد الفحص ويا شينها لا طلعت من الفحص وما اجتازت السيارة الفحص


غير كذا انا ما ودي انلطع بالفحص لان وراي نقل ملكية
السيارة باسم ابوي وبنقلها باسمي واتحداك تلقى موقف قريب عند مرور الملز ..

[البيضاني07]

موضوعك في وقته ..

انا المفروض ادخل السيارة الفحص بس قلت اغير البوري عشان كان خربان ومتردد بخصوص (الزينون ) .

قلت ممكن يقولوا رآسب مدري مرفوض وارجع اعيد الأختبار ..؟!

فا مدري حتى الحين اغيره واركب انوار الوكالة ولا اخلي الزينون ..


وسؤال ثاني كم سعر الفحص ؟!

[alkasr777]

^^^

سعر الفحص 76 ريال :d و أنا ما أذكر انه شيك على البوري و هو أهم شي ينبه اللي قدامك ولا لا

لأن حتى لو كان مزكم أتوقع عادي ما يدقرون عليه :d

و الزينون إذا قرب دورك و انت تنتظر شغل النور قبل عشان ياخذ لونه و قوته قبل ما تدخل

[EX-2011]

الزينون اذا كان موزون و اضائته لا تزيد عن 8000 كالفن

اعتبر نفسك في السليم و لا راح يسقطونك عشان الزينون

[ابوعمر2005]

موضوعك في وقته ..

انا المفروض ادخل السيارة الفحص بس قلت اغير البوري عشان كان خربان ومتردد بخصوص (الزينون ) .

قلت ممكن يقولوا رآسب مدري مرفوض وارجع اعيد الأختبار ..؟!

فا مدري حتى الحين اغيره واركب انوار الوكالة ولا اخلي الزينون ..


وسؤال ثاني كم سعر الفحص ؟!

والله وانا اخوك انا منغبن الين تقول بس

لانهم ما شيكو على الانوار اصلا !! وانا كنت مرجعهن للاصلية

والبوري ما دققت هل شيكو ولا لا

لكن تاكد من المساحات والفرامل

وسعر الفحص 73 ريال والاعادة لا قدر الله بــ 24 ريال

وان شاء الله ما تعيد ..

بالتوفيـق ..