الظاهر المشكله هي حساس المكيف او السنسر
لانه يعمل نفس الحركه والظاهر مكانه عند درج الفلتر حق المكيف
وسعره الظاهر 300 وفواصل
وان شاء الله بسيطه
السلام عليكم
مساكم الله بالخير
تكفوون يالغااالين ساااعدوني
عندي هوندا اكورد 2004 صارت لي مشكله بالمكيف
وهي المكيف شغال تمام مافيه اي مشكله
لكن اليوم قمت للدوام واشغل المكيف مايشتغل
مايطلع اي شي لا هوا ولا صوت كذا مثل ماهو اذا السياره طافيه
وديتها عند اكثر من كهرباائي محد عرف لها
كشفنا على الفيوز والفريون كلها تمام التماام
مو عاارف اش المشكله بصرااحه ارتفع ضغطي
تكفوون ياغااالين عطوني المشكله وين والحل تكفووون
والي يقل الوكاله يقول كم تكلف لاني مو قادر اصلح في الوكاله
مع العلم ان المكيف ما يطلع اي شي لا هوا ولا صوت وكل الكهربائيين الي رحت لهم ما عرفوا وين المشكله تكفوون انتظركم في اسررع وقت
الظاهر المشكله هي حساس المكيف او السنسر
لانه يعمل نفس الحركه والظاهر مكانه عند درج الفلتر حق المكيف
وسعره الظاهر 300 وفواصل
وان شاء الله بسيطه
التعديل الأخير تم بواسطة جاكي2 ; 27-06-2011 الساعة 07:04 PM
قطعةكهربائية صغيرة موقعها ورى الدرج قريبةمن فلتر المكيف الله يعينك قيمتها تتجاوز 300 ريال وتركيبها بسيط والله ييسر لك وشكرا.
صارلي نفس الشي قبل اسبوع وطلع الحساس الي خلف الدرج وصلحته عند محل تلفزيونات بتغيير احد المقاومات
طبعا بحثت بالنت ولقيت موضوع فيه شرح كامل وطبقته واشتغل المكيف على طول وكنت ناوي انزل موضوع
شوف الرابط تلاقي فيه شرح بالصور
http://www.honda-tech.com/showthread.php?t=2041582
سعر القطعه بالوكالة اضن حدود 300 ريال وانا صلحتها بخمسه ريال شوف الفرق
يسلمووو ياغالين
اخوي متصفح ياليت تعلمني بالضبت وين اروح يصلح لي القطعه ووش اقول له
بس اخاف يضاعف علي العطل المهم ياليت توضح لي اكثر لا هنت
فك القطعه بالبدايه وروح لمحل اصلاح التلفزيونات والاجهزه الالكترونيه وهو يفحص القطعه بجهاز الملتيميتر
ويشوف اذا عطلانه او لا
عشان تتاكد ان المشكله من الحساس ...يوم تشغل المكيف يشتغل الكمبرسور ثانيتين ويفصل وبعدها مايشتغل ابد الا اذا طفيت السياره وشغلتها نفس الشي يشتغل ثانيتين ويفصل .طبعا المروحه الداخليه ماتطلع هوا في كل الاحوال
افحص النقطتين الي بالصوره عليها مربع احمر (تقول للفني هالكلام)
اذا كانت عطلانه وماتعطي قراءه الحل هو تركيب مقاومه واحد اوم (المقاومه هي القطعه الصغيره الي ملحومه ووحدة قياسها 1 اووم) واذا تعطي قراءه اجل موضوعك مختلف عن الموضوع هذا
قبل كل شي تاكد ان الحساس هو العطلان مو شي ثاني
انا ماعندي خلفيه عن الامور الكهربائيه لكن الي قريته بالتجربه ان الطريقه مجربه على اكثر من
سياره بنفس الطريقه وكانت ناجحه وهذا الي صار معاي.
مانقدر نزيد على كلام اخوي متصفح ولا حرف
جاب لك الحل ماشاءالله عليه الله يعطيك العافيه اخوي وماقصرت
وبالتوفيق للجميع
الله يسعد اياامك حبيب قلبي متصففح انا بروووح اليوم اجرب حلك وبرد لك خبر هنا يااارب يطلع ذا العطل مو غيره
وربي ابداع وحل تفصيلي يسعدك ربي متصفح بالله تخيلوا منتدى بدون متصفح :d
حبيبي متصفح
انا فكيت الغطاء السفلي الي تحت الدرج الي هو هذا
بس المشكله ما طلعت الخطوات الباقيه مثل الي في الصور
انا حصلت الفيش ذا
بس مو بنفس الاستايل ذا الي عندي مافي مسامير عالاطراف
كيف اطلع القطعه اجل لاني مالقيت اي مساامير نهائيا
المسامير موجوده اذا سيارتك اكورد 2004 مثل مو واضح بالمعلومات
القطعه مكانها داخل شوي حاول توصل لها ومعك اضاءه عشان تشوف كويس وبتلاقي المسمارين
الي بالصوره شكل القطعه بعد الفك قبل الفك المسامير مو واضحه بدرجه كبيره حاول تدقق واذا مالقيت صور الحساس بجوالك وتتاكد
فديـــــت قلبك اخوي متصفح الله يسعد ايامك
سويت مثل ماقلت لي وصلح كل شي تمااام مثل اول واحسن
الله يسعدك والله انك خدمتني خدمه عظييييم لا هنت قلبو
ملآحظه : تكلفة الشغل كامل 10 ريال :d
هذي القطعه يسمونها كتاوت المكيف
انا غيرتها نهاية الصيف الماضي بـ ١٩٠ ريال ( نفس قطعة الوكالة بس الكرتونه مكتوب عليها دينسو )
بصراحه فكها متعب شووووي .... يعني اللي ماله خبره في الشغلات الفنيه يفكها في ورشه ابركله
للاسف ما كنت ادري ان حلها بسيط بالشكل هذا الا من اخونا المتصفح :d
مواقع النشر (المفضلة)