السلام عليكم
شلونكم يا شباب :d ؟

يا شباب اليوم و انا طالع من مواقف الجامعه صدمتي وحده كانت جايه عكس السير
و طبعا تنحاش اهي و انا وراها لين وقفتها بعد تقريبا 300 متر
و دار بينا الحوار التالي :

انا : خير انشالله ؟ ليه طايره و عكس السير و تصدمين خلق الله ؟
البنت الاموره ;) : لا انا .... انت ......... دق على تلفون ابوي و تفاهم معاه !
انا : جم رقم ابوج ؟
البنت الشطوره ;) : 75#####
انا : الو
الرجال : الو
انا : بنتكم دعمتني عند مواقف الجامعه ...
الاب مقاطعني : خلاص خلاص .. انت خلك بالمواقف و انا الحين جاي .
بعد ربع ساعه
الابو يصفط جمبي
الاب : لا خير انشالله .... بسيطه انشالله , انت روح الوكاله و قدر الحادث و عندك رقم تلفوني و انا انشاالله حاضر
انا : خير انشاالله ... سلام عليكم
الاب : عليكم السلام
و مثل الحمار امشي للبيت
و ابوي يسألني : شسم الرجال ؟
انا : مادري !!
ابوي : تعرف عنه شي ؟
انا : رقم تلفونه و لوحة سيارة بنته !
ابوي يهز راسه و يقول لي : اذا حصلت منه شي كلمني


بعدها بساعه

امي : سلامات
انا : الله يسلمج .. بس ماكو بسيطه
اخوي يدخل عرض : شلون شكل البنت ؟ حلوه ؟
انا : حلوه مووت ... صدمت قلبي
امي : ما تبيني اخطبها لك بعد
انا :o : خلاص فظوها سيره .. انا بكره بروح اقدر الحادث و انشالله يطلع رجال طيب و يصلح لي .

*************
خلصت السالفه <<<<<<<<<<<<< ما ينفع نحطها بالاستراحه ؟

المهم شوفو الصور يا شباب و قدروها لي
و على فكره صار لازم اخلي الدركسون مايل علشان تمشي السياره سيده