بالنسبة للكلبسات كلها تجي نفس الشي ( الازياق .. الصدامات .. الشبك ) .. وسعر الحبة بـريـآلين ...
اما الباقي الشباب يفيدونكـ ...^^
السلام عليكم ورحمة الله وبركاته
كيف الحال يا شباب >>>> ان شاء الله بصحه وعافيه
ندخل للموضوع على طووووووول
انا اشتريت شبك رياضي للاكورد 2010 وقالوا لما تركبه لازم تفك الصدام وجلست 3 شهور ما ركبته كل ما جيت اركبه قلت منى فاضي خليه قبل الاختبارت وش بعد الاختبارت اللين جاء اليوم والوقت المناسب للتركيب فكيت الصدام و نعدم اصابعي :d من الكلبسات ولم اتوقع فك الصدام اصعب
المهم ركبيت الشبك الرياضي طلع في بعض المشاكل يالبى الاصلي وبعد ما ركبته طلع في فراغ بسيط
وياليت تساعدوني
وياليت تفدوني الكلبسات بعضه انعدمة وابغاء اشتري كلبسات جديده
هل كله نفس المقاس ولابعضه تختلف وبكم اسعاره
بالنسبة للكلبسات كلها تجي نفس الشي ( الازياق .. الصدامات .. الشبك ) .. وسعر الحبة بـريـآلين ...
اما الباقي الشباب يفيدونكـ ...^^
اخوي ســـالم بالنسبة للكلبسات تحصلها بالصناعية بريالين وكلها نفس المقاس رح ل باطهف الصناعية المدخل الثاني وياريت تاخذ معك القديمة عشان تطابق
هلا والله
في 4 كلبسات تحت الشبك مكان الفراغ > اعتقد نسيت تركبه
وتقدر تربطه با البلاستيك (الي يربطو فيه الاسلاك )>كان مركب عندي
الله يعينك أنا أشيل الشبك وركبه عند البيت وبدون فك صدام ولا شي :p
ومقاس الكلبسات ترى يختلف من شبك لشبك هدا الشبك إلا مركبنه إنت ما يختلف عن كلبسات شبك الوكالة بس أنا مركب شبك ميوجن وكلبساته تختلف
ومبروك عليك الشبك الجديد
وعليكم السلام ورحمه الله وبركااته
هلااا
للأسف ماكو كلبسات تحت عشان يركبوون
للي يقول ,,
انا عندي الفتحه موجوده بس ماتنتبه لها مع الوقت تتعود عليها
بلبدايه حطيت 3 ام
ومسك وفتره وانفك
:p
اشكركم جميعا على الافاده الله لا يحرمنا منكم
هلا سلطان صح في 4 كلبسات تحت الشبك ما يركب حاولت ما يركب
لانه كلبسات اللي تحت الشبك صغير والفراغ اكبر ولما اضغط عليه شويه تسمع صوت (طق) شويه افك الكلبسات اتمنى انه وصلتك المعلومه
الله يعطيك العافيه
هلا والله عبادي انا كنت بانظارك :d اعتقد انت الوحيد اللي مركبه في منتدي مثل شبكي كنت ابغاك تفيدني
الله يعطيك العافيه يا عبادي على الافاده
أخوي أنا ركبت الشبك هذا وما كان عندي مثل ها الفراغ
^^^^^^^^^^^^^^^^^^^^^
غريبه كيف ركب معك بدون فراغ
هل ركبت كلبسات اللي تحت شبك ولا ماركبت معك
انا ماركبت الكلبسات اللي تحت الشبك لانه ماركبت واعتقد وهو السبب في الفراغ
كلبسات الصدام هذه شكلها
يجي طويل شوي ويختلف عن الموجود بالبطانة السوداء..
رقم القطعة: 91505-S9A-003
الكلبسات الموجوده بالصدام تختلف عن الموجود بالصدام وحجمه يختلف وهذه صورة له..
رقم القطعة: 91512-SX0-003
لاحظ صورة الشبك وعدد الكلبسات مع عدد كلبسات البطانة العلوية للغطاء!..
فيه محل بصناعية ام الحمام بالرياض محل يبيع 5 كلبسات بـ 5 ريال يعني الواحد بريال, وعنده احجام منها, والكلبسات كثيرة بالسيارة موب محصوره على البطانة والصدامات!.
:(
مواقع النشر (المفضلة)