السلام عليكم

كيف الحال وكيف الاجازه معكم يا الماجزين :d
المهم يا شباب بغيت استفسر عن ورش ممتازه بالدمام للسمكره والشفط وتصليح الصقعات وطعجات والشموخ او المخوش
ولد الجيران الله يهديه زرف او صرق او نتف سيارة ابوه من صباح الله خير
ويبي يديور من نص الشارع والاكورد المسكينه واقفه عند الباب لا لها ولا عليها
ويريوس ودووب فبابي ويمشي قدام دووب بالجيب حق الجيران
جاب العيد الزبده
وبعد الحادثه بشهر تقريبا توني افضى لها رحت المرور وخذت ورقة اصلاح
ورحت مريت على ورشة سمكره شافها قالي ب 300 ريال قلت ايه والله تبطي ب 300
ويقول يحتاج لها سمكره ويصبغ الباب كله وانا ما ابي اسمكر ,,
الصدمه بسيطه جدا جدا ما تحتاج الا شفط وبولش هي كلها شوية مخوش او شموخ ,, وعفطه بسيطه فالبدي تنشفط بالراحه
ان شاء الله تكون الصوره واضحه ....
[/CENTER]