الموضوع: الكفره يمين ورا ممسوحه من الداخل ؟؟؟ رايكم يهمني

السلام عليكم

عندي الكفره اليمنى ورا ماسحه من الداخل بوضوح وهي الوحيده الي ماسحه والسياره ماشيه 40000 لها معي 8 شهور
والصيانه بعد 15 الف ما جيتهم

مشورتكم يالربع

يبيلك ميزان يشوفلك أسباب المشكله
ممكن يكون مساعد أو ان الياي مضغوط بزياده.

انت وقف على مكان مستوي وشوف الكفر مايل ولا لا.

وان شاءالله باقي الشباب يفيدونك.

شلون مايل ^^؟؟؟

انا كمان نفس المشكله ..؟

من المفضل تدوير العجلات كل 10,000 كم لضمان تآكل متساوي للعجلات . طريقة التدوير موجودة في كتيب المستخدم الذي ياتي مع السيارة .

هذي صارت مع خويي 2011 فحط عليها ومسح الكفر الخلفي يمين وراح على حسابه سوى وزن اذرعه خلفيه وانحلت المشكله... الاكورد ضعيفه من تحت

عزيزي الاكورد من الخلف فيها درجة ميلان للكفرات 9 ملم زي النظام الالماني عشان الرساوه والتوازن وتلاحظها اذا سويت تدوير للكفرات يطلع صوت من الامام لان الكفرات الخلفيه انمسحت على الميلان والامام مافيه ميلان . هذا كلام مدير الصيانه لكن محلات الميزان بيقولون لك يبغالها سحب وبخسرونك 700 ريال تقريبا انتبه تسويها!

^^
لو انها كل الكفرتين كان ممكن بس الاخ قال كفره وحده الي على اليمين!!

ممكن يكون نتيجه ان السياره مهبطه من جهة اليمين والتهبيط يزيد من ميلان الكفر. عشان كذا قلتله يشوف السياره على مكان مستوي ويشوف اذا السياره هابطه من جهة اليمين أو لا..

وقد واجهت نفس المشكله بس في سياره غير الاكورد وطلعت المشكله ان الياي انضغط بزياده وتهبطت السياره من نفس الجهه والكفر انمسح نتيجه للتهبيط .

عموماً ان شاءالله الاخ يلاقي حل لمشكلته.

الف شكر للجميع ما قصرتو وان شاء الله القا حل