مبروك السيارة الجديدة . انشاء الله فيها البركة !
انا ، الوكالة ارسلتني لـ drive7 قبل سنتين و ظللت السيارة بنفس السعر ، و شغلهم ممتاز و اعتقد ان الضمان ايضا 10 سنوات .
السلام عليكم ورحمه الله وبركاته
أعزائي أعضاء ومشرفين منتدى محبي سيارات هوندا
أسعدالله اوقاتكم بكل خير.
اليوم ولله الحمد أشتريت أكورد 2012 4سلندر فل من دون شاشة اللون أسود
(هذا من فضل ربي)
سعرها 104000 ألف ريال بعد ماخصم 1500 ريال( ضحك على الذقون)
(ماشاء الله تبارك الله)
ويوم السبت بأذن الله راح أستلمها وقلت له أبي عازل حراري كامل للسيارة وقال لي أبشر فيه شركة نتعامل معها وهي من أفضل الشركات أسمها كاركير وبسعر 1300 ريال فقط عزل كامل للسيارة..وضمان 10 سنوات
أبيكم تفيدوني عن هذي الشركة تنصحوني أسوي عزل للسيارة فيها أو فيه شركة أفضل..؟؟
وشاكر ومقدر للجميع
أخوكم / دستور الصراحة
مبروك السيارة الجديدة . انشاء الله فيها البركة !
انا ، الوكالة ارسلتني لـ drive7 قبل سنتين و ظللت السيارة بنفس السعر ، و شغلهم ممتاز و اعتقد ان الضمان ايضا 10 سنوات .
الف الف الف مبروك
والله الكل ينصح في m3
وانا مجرب geo hsield
وانشالله الشباب يفيدونك اكثر
ماعندي خلفية عن التضليل :d
بس
الله يعطيك خيرها ويكفيك شرهآ
الشركه كل فتره تتعامل مع شركة تظليل مختلفه وشي طبيعي انه يقولك انها من افضل الشركات لأنهم يتعاملون معاهم
وبالنسبه للشركات موجوده وكثيره واكيد كل واحد بيمدح اللي هو مركبه والغالبيه ماجربوا الا شركه وحده بس
فالكلام على اللي مجرب اكثر من شركه
انا بالنسبه لي جربت جونسون في سيارة واحد اعرفه
وجربت في كول في سيارتي وله الحين 3 سنوات ونص تقريبا ومعايا زي الحلاوه
- وسار لي موضوع صراحه خلاني احس بقيمة العازل الحراري بغض النظر عن الشركه
انا على بداية السنه هذي غيرت الزجاج الامامي لانه مشطب ومستحيل يتصلح ويعدي الفحص
غيرته وقعدت تقريبا شهرين او 3 اشهر من غير عازل حراري للزجاج الامامي فقط وباقي السياره راكب عليها
كنت اوقف السياره واحط الشماسه ولمن اجي ادخل السياره كنت احس بالحراره فيها بشكل مو طبيعي خصوصا انه مقاعدي جلد
وبعد مارجعت وركبت العازل صراحه حسيت الفرق كبييييييييييير وحمدلله اني مركبه ومرتاح
واسف على الاطاله
انا مسوي في جونسون 100 على 100
شاكر للجميع تعليقهم وبيض الله وجيهكم
والله يرزقنا ويرزكم الجنه
حياك الله
بصراحة ما اعرف شغل كار كير بالتضليل فما اقدر افيدك فيهم
اما انا عن نفسي و كل اللي اعرفهم مسوين عند جيوشيلد و شغلهم مرة ممتاز و انصحك فيهم
حياك يا خوي
الف مبروك السيارة و يعطيك من خيرها و يكفيك شرها
بالنسبة لتضليل و العزل الحراري
انصحك بجيوشيلد و هي من افضل شركات التضليل و تستخدم تقنية النانوسيراميك لعزل الزجاج من الحرارة وهي الاعلى عزل حراري
معليش قولوا عني متخلف ما افهم اي شي راضي :d
بس ترى كل التظاليل وحدة وعن تجربة واقتناع .. الكوري ابو 100 ريال و3m ابو الف وثمانمية كلهم نفس الشي في جو الرياض
نصيحة من اخوك ظلل بـ 100 ووفر فلوسك اشتر بها شاشة تونسك وتفكك من السؤال عن الشوارع :d
وكلن ينام على الجنب اللي يريحه
مبروووووووووك السيارة
شوف يا خوي عندك جيوشيلد العليا_ الرياض
افلام العزل عندهم تتميز بالجودة العالية
و الفنيين لديهم بتميزوا بالمهارة و الخبرة في التركيب
و الله بيسرلك
عليكم السلام
اخوي نصيحه لوجه الله ترى العازل الحراري ابو 100 ريال نفس 1800 ريال من واقع تجربه
توكل على الله واشتر لك من المحلات الموثوقه وركب العازل وريح نفسك ووفر فلوسك
الله يبارك فيكم ياشباب
ولازال موضوع العزل من كاركير محيرني ماعندي معلومات عنه وعن شغلهم!!
شكل شركتهم جديدة على السوق..
التعديل الأخير تم بواسطة دستور الصراحة ; 18-07-2011 الساعة 08:54 PM
في الشرقية، Car Care Express منتشرة شوي ولها مدة شغالة، 3M شغلهم ممتاز على كلام اثنين من الشباب بس تحس أنهم يمنون عليك.... كيف؟ بخلاف باقي الشركات التي تكتفي بوضع شعاراتها على الزجاج الخلفي أو المثلث التابع للنوافذ الخلفية، علامة 3M المائية (بحجم 1 سم تقريباً) موجود على الفلم نفسه، يعني راح تلاحظها على النوافذ والزجاج الأمامي والخلفي ويمكن يتكرر كذا مرة.... على كلام إحدى المواقع أن العلامة يمكن إزالتها أو تقدر تطلب من الشركة نفسها ازالتها بعد التركيب.
التعديل الأخير تم بواسطة Musouka ; 18-07-2011 الساعة 09:19 PM
اخوي ربك من شركه مضمونه افضل لك
انا ركبت جونسون
انصح بالفي كول
اذا تقدر عليه لان سعرهم شوي غالي
ودمتمــ ؛؛
مبرؤؤك على السياره
والله يعطيك خيرها ويكفيك شرهاااا
مبروووووووووووووووووووك تستاهل كل خير
والله يعطيك من خيرها ويكفيك من شرها
والله يالغالي ما جربت ذي الشركة بس انا جربت سن تك والحمد لله مرتاح كثير لكن المرور عذبني كل بعد فتره مخالفة وانا انصحك لا تظلل الا اذا فيه شركة تكفيك من شر المرور
اليوم العصر الموافق 1432/8/22
دخلت السيارة عند شركة
Car Care Express
تضليل حراري
+
حماية واجهه السيارة
+
حماية المقاعد الداخلية للجلد
+
الخدمة المجانية للطلاء الخارجي
+
حماية ربلات الابواب الداخلية
+
حماية الطبلون
+
واكس لحماية الطلاء الخارجي
عرض الوكالة 1300 ريال + الخدمات الأضافية
المجموع 3750 ريال
رأيكم ياشباب هل السعر مناسب مع الخدمات المذكورة او مبالغ فيه
وهل الشركة تستحق هذا المبلغ
تحياتي للجميع
مواقع النشر (المفضلة)