سلام عليكم

اخباركم يا حلوين
والله يا اخوان انا بدأت اكره الموتر بصراحة بسبب ذي المشكلة
البداية كان فيه ترشيح بسيط فالعلبة ونغزني ابليس الا اروح اصلحه
قدر الله علي واروح عند محل يعرفه الوالد صلح موتره (جيب لاندكروزر :d) وضبط معااه قلت توكلنا على الله
رحت عنده قالي اصلااح علبة يتغير وانسى الموضوع قلت اكيد .. قال اكيد
المهم جبت الاصلاح وصلحه واخذت السيارة
اسبووع من ابدع ما يكون بعد الاسبوع الثاني بدأت احس بثقل فالدركسون ...شوي شوي الييين ما صار مقفل خلاص ما يلف الا مع حركة السيارة
المهم رجعت مره ومرتين
يصلحه ويجلس اسبوع وترجع نفس المشكلة
الشركة قالوا غير علبه جديده ب 2600 ريال تقريبا
الزيت ما فيه اي تهريب والليات كلها سليمة ...وانااا صرت كل ما شافني احد من الشباب يسألني انت خاش نادي قلت والله مير الدركسون فتقني :d
المهم انه الموضوع كبر وما ودنا نقلبها دراما وافلام هنديه
مادري ايش رايكم احد مرت عليه المشكلة وصلحت معااه مع اني بحثت كل مواضيع المنتدى بهذا الخصوص وما طلعت بنتيجة