شوف حركات الشباب حقون الشبهة معروفة
فك الطيس وطيح من قدام وظلل كاتم 020 يعني يحط عشر طبقات تظليل وفوق هذا فاقع الكنداسة
هذا يسمى شبهة ويطارد في اي وقت ويعتبر TARGET يعني توقع قصف او صاروخ عليه
اما اللي ماشي بالسيارة مثل ما هي من وكالتها او يزينها بجنوط حلوة فخمة ويهتم بتلميعها وكذا على طول تبدأ السومات طول ما هو ماشي في الشارع ويلقى لزقات ( هل السيارة للبيع ؟؟؟ )
وترى شكلها حق فخامة ورزة الاكورد مع شوية هبال رياضي
:)
وكونك تكره الاكورد ترها عند ناس ماشيين فوق 400 الف كيلو وبدون مشاكل
الطرمبة معترفين فيها ما كابرنا مثل اللي في منتدى تويوتا العربية بالذات في قسم الاوريون قيورهم قاعدة تطيح طيحان جماعي وصار مثل عندهم جا الحر وطاح قيري ومع ذلك يكابرون وما يعلنون العيب ويجيك منهم واحد يقول لك مافيه عيب بالقير ولو تقول له حطها على D ما مشت معك :d
وايضا عيوب الفحمات كنا معترفين فيها ولو تلاحظ يا العضو الكريم من يوم ما طلع خبر الاستدعاء والاغلب غيروا الكليبرات وصارت من احسن ما يكون وما فيه شكاوي من الفحمات غير حقون موديل 2003- 2007 فقط
وسيارتك حسب ما ذكرت غرقت وصدمت ويمكن صار اكثر من كذا ومع ذلك قاعدة تمشي وانت زعلان وكارهها؟
ما ننكر ان مافيها مواصفات بس رساوتها وجودتها هم الشيئين اللي احتاجهم لاجل ما اقعد ادفع 2000 الى 5000 كل شهر تصليحات
