ودعت الأكورد بعد 4سنوات تقريبا

**هنادي 8** · 20-07-2011, 01:21 PM

السلام عليكم كيييفكم ان شا الله بخير. بقوولكم قصتي معها أخذتها وكاله عام2008 تقريبا اول مانزلت استخدمتها الحمدلله ماشكيت منها بشي عدا الاشيا المعرووفه. مثل الفحمات وكل شوي ونا مغيرها وطرمبه الدركسوون والطقطقه ........صار علي فيها حادث قوي وصلحتها قبل سنتين وبعدها غرقت بغرقت الرياض عام اتوقع 2009 او 2010 وصلحتها والسياره ماعليها نجي لاسباب البيع. صارت فيها مشكله حراره وهي تمشي اما اذا وقفت لا مافي شي ماغيرته وبالنهايه مافي فايده وأخر شي صارت وجيه الراس حق المكينه ووقتها كانت ماشيه 130الف كم استغربت

لكن وش اسوي. هذا شي والشي الثاني صارت شبهه مو زي اول يعني مافي امل امر من عند تفتيش ولا يوقفني

والأشكال اللي صاروا ياخذونها الحين اقصد البعض مو الكل :d وسيارتي كانت عاديه جداً يعني جنوط الوكاله وتظليل خفيف من لومار ولا استكرات ولاشي <عشان مايجي احد يقول البلا من سيارتك....وكلامي هذا يعبر عن رأيي الشخصي وليس بالضرورة يعجب الكل. وشاكر مروركم الكريم *:d

**هاااوي الاكورد** · 20-07-2011, 02:50 PM

اول شي يحقلها السياره تخرب وجيه المكينة لان واضح من كلامك انكمو راحمها
وموضوع الشبها كلامك غير صحيح السياره مستبعد عنها الشبهات تماما ما عمري عنيت من تفتيش بسبب الشبها او اي شي
شكلها المشكل فيك انت:p

**النجم البارق** · 20-07-2011, 03:12 PM

شوف يالغالي من ناحية الشبهه شكلك انت شخصيتك تجيب الشبهه هههههه

والله من يوم شريتها الى الحين ماتذكر احد وقفني والا كلمني ولاحقون تفتيش ولامخدرات

لان الاكورد سيارة رسميه وشبابيه في نفس الوقت

لو تلاحظ شياب معاهم اكورد

وسلامتك يالغلا

**هاي الشرقية** · 20-07-2011, 03:45 PM

انا مع الاخوان صراحة اكثر السيارات شبهه الكامري والدسن وصراحة تعتمد على شخصية الشخص نفسه انا مااذكر اني وقفت الا مرة وانا كنت رايح الرياض الضاهر العسكري كان يبي يكحل :o

**بلال العلمي** · 20-07-2011, 08:09 PM

كثيرين مشوا ما يقارب 400000 كيلو متر ولا صار لهم شي في مكاينهم ابدا والبعض من اصحاب هذه السيارات ما زال يمشي بها ويجوب العالم اكثر من مرة في ممشاه وما صار لمكاينهم شي
يعني مكاين الهوندا عنيدة ما ادري ليش ما تطفش ماشاء الله

وكونك حرقت المكينة على ممشى 130000 كيلو يعتبر انجاز جيد بالنسبة لك

هوندا يفتخرون بان مكاينهم ما تخرب للابد ولكن جيت انت وغيرت المعادلة هذه رأسا على عقب

بس كيف سويتها ؟؟؟؟؟؟

**هنادي 8** · 20-07-2011, 11:55 PM

شاكر مروركم الكريم ولكل شخص وجهه نظر بس من ناحيه الشبهه لا نسلك لبعض شف اغلب اللي ياخذونها الحين تفحيط وخرابيط بزران وغير كذا شوف كم واحد انسرقت سيارته بسبب ????? صح في ناس عاقلين ومحترمين بس كلامي ع الاغلب وليس الكل وقارنها اول ماطلعت والحين

ليه اشتري سياره كل شوي جايبه لي شبهه وقطع غاليه ع ايش مدري. الموضوع مايحتاج تعصب وهو مجرد نقاش :d*

**SWAT** · 21-07-2011, 02:02 AM

يا اخوي اربع سنوات والله انجاز للهوندا
والله لو انه فورد او اى سياره ثانيه سنتين وخلاص تقول اخرج مافي جيبك
شكلك راعي طعوس وبر ولاعب في الموتر :d

**هنادي 8** · 21-07-2011, 03:24 AM

للعلم ماني راعي بر ولا شي وكنت محافظ ع الصيانه الى 60الف اخر شي بالوكاله والزيت ماعمري خليته يتعدا 5الاف الا واغيره صح جاها دعس وخطوط بس مو المفروض تسويها بدري

**عاشق هوندا v6** · 21-07-2011, 07:21 PM

اخوي السياره اذا جاها حادث قوي صعب انها ترجع زي الاول
و السيل اكيد لعبلك لعب بالمكينه
اما سالفة الدعس بعض المرات فلا تظن انه السبب لانه تأثيره بعد سنوات عديده

**بقايا حب** · 21-07-2011, 08:51 PM

ما لعب في سيارتك الا الحادث
انا فاك الاكورد وكاله وموديلها 2004 والله اني ادخلها بر وادعس عليها بالخطوووط
واعطيها تفحيط بعض الاحيان موب دايم اذا كنت طفشان والحمد لله ماشيه معي تمام
واذا على التفتيش ماقد وقفوني ابد :d

**EXI-2002** · 22-07-2011, 01:19 AM

اخوي مشكلتك صارت معي وسبب الحراره من الحادث

وجيه المكينه راحت والسبب ارتفاع الحراره وماوقفت السياره

انا سويت حادث بالوجه وصلحت كل شي ومشت معي تمام قامت تسخن السياره بعدها بفتره

السبب : رديتر المكيف مع الحادث دخل على رديتر المويه وماصار بينهم مسافه لدخول الهواء وتسخن السياره

سخنت علي ووصلت لقريب الاتش وماوقفت الا وهي على الاتش وراحت وجيه المكينه

صلحت الرديتر وعدلته وغيرت كل شي ومن يومها ماشاء الله تبارك الله

لاحراره ولافي اي مشكله والهوندا انا اشهد لها سياره رهيبه وقويه

**ولد شيوخ شمر** · 22-07-2011, 02:02 PM

كان معي 92 اكيد فل كامل
بعد كذا 2002 اكيد فل كامل
بعد كذا 2004 اكيد فل كامل وعند نزول 2006 لم استطيع المقومة واستمر معي حتى 2011 بعد كذااا لم استطيع المقومة خاصة بعد تغير الجنوط والخلفية بختصار السيارة المناسبة لي اجواء هذا البلد
تقبل مروري

**هنادي 8** · 23-07-2011, 07:58 PM

شاكر مروركم وصراحه ماتوقعتها من هوندا

**هنادي 8** · 31-08-2011, 09:34 AM

والموضوع كله راي شخصي ولكل شخص قناعته ولو رجع الزمن ماشريتها وشكرا

**Accord F15** · 31-08-2011, 11:07 AM

اخوي هنادي تدري ان حرارة سيارتي بمره من المرات كانت فوق الاتش لان حساس المروحه كان مفصول والمكيف وهو طافي ترتفع الحراره وذوقتها العذاب انواع واشكال لكن تبقى سياره اعتماديه وجرب غيرها وتعرف الفرق

سلامي يا صاحبي

**meshoo** · 31-08-2011, 11:13 AM

وش رايك تطق لك بورش باناميرا وتريح راسك ;)

**هنادي 8** · 02-09-2011, 10:35 AM

لا وانت الصادق بي ام دبليو

احسن وأحسن :d

**البرناوي** · 02-09-2011, 11:04 AM

طبعا بتاخذ لك سياره غير الاكورد ومبرووووووووووووك مقدما ولا تترك منتدانا يالغالى

**azooz291** · 02-09-2011, 10:50 PM

وش رايك في طيارات هوندا

**بلال العلمي** · 03-09-2011, 12:34 AM

المشاركة الأصلية كتبت بواسطة azooz291

وش رايك في طيارات هوندا

رائعة

**azooz291** · 04-09-2011, 12:47 AM

المشاركة الأصلية كتبت بواسطة بلال العلمي

رائعة

والله ممتازه
لا صوت طقطقه وفخامه وراسية
حتى اذا فيه مطر وخايف من السيل, شغل وطير
واذا سخنت اطلع بها في السماء وخلها تبرد

:d:d:p;):d:d
ههههههه

**MyStErIoUs-87** · 04-09-2011, 01:06 AM

-
خخخخخخخخخخخخخ أما الشباب اللي فوق حالتهم صعبه بقوووووة :d
...

ياخوي هنادي .. الله يعطيكـ العافيه .. السيارة ماكلة حادث قوي .. ورايحة في سيول .. بالله وش تتوقع منها ؟
ترى الأكورد ماهي برمائية الله يعطيكـ العافيه .. :d <<< يمزح ..
فمنطقياً .. سيارتكـ أشوف معاها حق تشتكي بعد المعاناة هذي .. ولكن هذا ما يدل أبداً ولا يوحي إن السيارة نفسها سيئة !!

الشغلة الثانية .. بخصوص موضوع التفتيش والشبهة .. بصراحة موضوع غريب جداً .. لأن ما أعتقد إن التفاتيش عندنا مدققين على الأكورد
أو غيرها .. وبأمانه والله لو كنت أحب سيارة .. حتى لو كانت معروفة حقت مهربين وسفاحين .. والله لأشتريها وخلي أرجل عسكري يجي يقول رخصتكـ والاستماره ..
وش المشكلة يعني .. بقوله تفضل طال عمركـ .. كلها نص دقيقه ويقولكـ توكل على الله إذا إنت أموركـ في السليم

بالتوفيق للجميع ان شاء الله ..

**هنادي 8** · 11-09-2011, 07:05 PM

صح كلامك اخوي بس ماني فاضي اي دوريه يوقفني والحين شوف كيف صارت الاكورد اكثرها تفحيط وخربطه

**أكورداوي** · 11-09-2011, 07:15 PM

كلامك ياهنادي 8 صحيح من ناحية الشبهه ولكن اعتقد في الرياض بس لأن شباب الرياض ماخلوا سياره في حالها حتى الفانتيوم .. فما بالك بالأكورد .,

ممكن فيه سبب ثاني للشبهه .. وهو انك حاط استكر الهلال مثلا والعسكر نصراويين او العكس صحيح :d