الموضوع: أستفسار:::::أستلمت الأكورد من الوكالة والموظف قال:؟؟؟؟؟؟؟؟

والله ياخوي هو يفضل بس أنا كنت امشي الى 110 مع المكيف

وأبشركم ضمان الوكالة الفحص المجاني
صار أول 60 ألف كيلو
عرض بمناسبة شهر رمضان
والحمد لله لحقت ع العرض

كيف يعني ؟؟

الله يطرحلك البركة بالسيارة الجديدة

المهم الا يتجاوز عدد دورات المحرك حاجز الـ 3,000 دورة في الدقيقة ، اي رقم 3 على عداد الـ rpm

المشاركة الأصلية كتبت بواسطة راعي هوندا99

والله ياخوي هو يفضل بس أنا كنت امشي الى 110 مع المكيف



كيف يعني ؟؟

يعني معاك أول 60 ألف فحص مجاني تغيير زيوت وتشيك من الوكالة ماتدفع ولا ريال عرض بمناسبة شهر رمضان

المشاركة الأصلية كتبت بواسطة cruiser

الله يطرحلك البركة بالسيارة الجديدة

المهم الا يتجاوز عدد دورات المحرك حاجز الـ 3,000 دورة في الدقيقة ، اي رقم 3 على عداد الـ rpm

الله يجزاك خير

تكفى يالأجودي أشرح لي أكثر أخوك جديد في عالم الأكورد

المشاركة الأصلية كتبت بواسطة دستور الصراحة

الله يجزاك خير

تكفى يالأجودي أشرح لي أكثر أخوك جديد في عالم الأكورد

فقط احرص اخي العزيز الا يزيد عداد دورات المحرك ، العداد الكبير يسار عداد السرعة (البعض يسميه عداد ضغط الماكينة او الامبير ، علما بان هذة التسميات خاطئة) ، الا يزيد عن الرقم 3 ، بغض النظر عن السرعة و تشغيل المكيف .

المشاركة الأصلية كتبت بواسطة b useful

طبعاً الكلام اللي قالة الاعضاء كلة اللي فوق مافية اي شي منة مكتوب في كتيب الصيانة والارشادات اللي جا في الوكالة ، فلذلك لا اساس لة من الصحة ..
اما اطلع الساعة 8 ولا 9 الصباح و 2 الظهر ولا 9 بالليل ولا 12 بالليل في هالصيف ولا اشغل المكيف ما يمديني .. مآآآآ يمديني ... مآآآآآآآآآآآآآ يمديني ..
طبعاً زي ما انت شايف السرعة داخل البلد من 60 الى 90 ، وعلى الدائري والطرق الرئيسية من 100 الى 120 ...
انتبة من ساهر وشغل وامش ..\\ :d
* محدثك يوم طلع السيارة من الوكالة مشغل المكيف وفهيت مع اتصال جاني وما انتهبت من هدوء السيارة الا وانا ماشي 160 ..! واستمر النشاط في السيارة الى ان اتقلت للتشليح ، حفظكم الله من كل سوء ومكروة ... << سالفة عام 2006

شكرا صديقي ، اتى في كتيب المستخدم ما يلي للـ 1000 كم الاولى

ساعد على المحافظة على مستقبل اداء و متانة سيارتك باعطاء انتباه اكبر لكيفية قيادتك السيارة خلال الـ 1,000 كم الاولى

- تجنب الانطلاق بدعسة بنزين كاملة و التسارع المفاجئ
- تجنب الضغط على دواسة الفرامل بقوة و بشكل مفاجئ لاول 300 كم
- لا تغير زيت المحرك قبل استحقاق الصيانة الاولى

يارجال انا مثلك اول شي
الحمد لله اخذتها ياحبيبي مشيتها الى 600 داخل الرياض وامشي بسرعه 120 وبمكيف عادي جدا ..

بعد ال 600 مسكت فيها خط امشي فيها 150 للمجمعه .. 200 كيلو وبعدين رجعت بنفس اليوم 200 كيلو راجع ..
والحمد لله موتري ماشي 26 ولا شكيت منه شي مشالله

بيض الله وجيهكم ياشباب على الأفادة ماقصرتوا الله يوفقكم

تمشي ورا كلام الموظف راح تندم بعدين,,,
ويصير عزم سيارتك ضعيف,,, ادعس الى 100,,,
والمكيف شغال عادي ولما تدعس لا تدعس مرره وحده,,
حبه حبه عشان السيارة جديده والبنزين حط95 عشان العزم يكون اقوى,,,
وبعد ما تغير الزيت والفلتر ادعس زي ما تبغىاخووك مجرب وعزم سيارتي مشاء الله

المشاركة الأصلية كتبت بواسطة مزاااجي

تمشي ورا كلام الموظف راح تندم بعدين,,,
ويصير عزم سيارتك ضعيف,,, ادعس الى 100,,,
والمكيف شغال عادي ولما تدعس لا تدعس مرره وحده,,
حبه حبه عشان السيارة جديده والبنزين حط95 عشان العزم يكون اقوى,,,
وبعد ما تغير الزيت والفلتر ادعس زي ما تبغىاخووك مجرب وعزم سيارتي مشاء الله

بالفعل يامزاجي عزم ال95 أفضل عن تجربة باكثر من موتر
لكن ياولد الموتر جديد وكتيب الضمان مكتوب 91 :(
والله بلشه من جد ربك يعين وألف شكر يالغالي

<<< ما يعرف هالخرابيط اول 1000 او اول 5000

<< ادددددعس و المكيف شغال و السيارات اللي معاي كلها كانت 100% سليمه
و من انشط السيارات مع مثيلاتها

شغل السيارة و حميها لمدة دقيقة بالكثير و بعدها طق المكيف و توكل على الله

البنزين احرص انه يكون 95 عشان تستمتع بالعزم مع ان السياره 4 سلندر ( يا ويل حالي و العذاب )

تحياتي

الله يعطيك خيرها ويكفيك شرها ..
واخوي بخصوص التمرين
تبي نصيحه
من خلال تجربه من كامري وفورد وكابرس وكرولا وجمس
يعني كل السيارات الي ببيتنا خخخخخخخخخخخخ
واللله ياخوي تمرينها
120 او 110
ويفضل اول 500 داخل المدينه علشان التعشيق والخرابيط الباقيه تتمرن ( مو شرط بس افضل )
وعداد الضغط الي هو جنب السرعه [ 1-2-3-4-5-6-7-8 ]
لاتخليه يجي للـ 3
يعني لا تزر على الموتر فديتك خخخخ خله براحته
واما سسالفت المكيف شغله .. ماعندك مشاكل .. لان مع الهجو منت بمشغل المكيف صدقني بتنصرع !! :$

والله يعطيك خير الموتر ويكفيك شره


سؤال بخصوص العرض حقهم هل لـ 60 الف في سنه
او متى ماجيت للـ 60 الف ينتهي يعني لو استقعد لهم بسنتين ض2
وهل الاسعار ماتغيرت اذكر السبشل بـ 93900
مدري هل تغير ؟
اخر شي اللون الي عجبك من رايك وشو ؟ لاني محتار وودي بالابيض لاني اشوفه افضل شي ..
بالتوفيق يالغالي
واعتذر عن الاطاله

مبرووووووووووووووك الموتر

الله يعطيك من خيره ويكفيك شرهـ

عادي امشي120 وشغل المكيف
انا بعد ماعدت ال500 وصلت 140 سرحت عن السياره و600 وصلت 150 وبعدها200حتي كملت 1000
والحمد لله تمام

ما شاء الله

الله يعطيك خيرها ويكفيك شرها

مثل ما قالو الشباب خليك على سرعة 80 الى 100 مع

تشغيل المكيف بس بخصوص العرض حق رمضان

من الوكالة الى متى أتمنى منك تقول لنا .

التمرين معروف للجميع بس ياليت تعرفنا بالعرض اكثر

شاكر للجميع المرور والافادة

بالنسبة للعرض قال لي الموظف برمضان راح يكون الفحص المجاني اول 60 الف ع الوكالة والشركة قدمت العرض لاخر شهر 8 تقديرآ لعملائها يعني اللي يبي يشتري يلحق ع العرض برمضان يمكن ينتهي بانتهاء شهر الخير .

واشكركم للمرة الثانية ع الأفادة

مبروك السيارة والله يعطيك خيرها ويصرف عنك شرها
زي ما قالوا الاخوان لا يزيد ضغط المكينه عن 3 وعادي شغل المكيف والبنزين 95
واذا مشيت على السياره اكثر من 800 كيلو شد عليها الين تفصل معاك وانتبه من ساهر .

كلام فاضي من الوكالة

اوريونتي اول ما شريتها مكيف + طبلون و مقاومة مع كابريس قبل ما تكمل 100 كم :d

الجمس اول ما شريناه من باب الوكالة الى باب البيت .. عبيناها عفش و شدة للرياض من المدينة و بالمكيف :d

طنش الوكالة و عيش حياتك

و تاكد بالله من العرض خل يشمل الزيت و السيفون ام لا ..

لاني اعتقد ان الفحص مجاني بس الزيت و السيفون عليك

و الله يعطيك خيرها و يكفيك شرها

أول ما طلعت الأكورد سافرت على طول
وشغلت المكيف ومشيت 120 أول 500 كم
وبعدها مشيت 200
والأمور طيبة ولله الحمد حتى كتابة هذا الرد

الله يعطيك خيره ويكفيك شره يارب

والعرض صحيح ،، ويشمل كل شي ،،

فحص مجاني الى 60 الف ،، يعني 6 الى 8 الاف ،، بجيبك ، من الصيانات

وفي عرض ثاني ان الوكالة تعطيك كوبون شركة عوازل حراره
تدفع 1300 عزل حراره لجميع النوافذ ووجهية الموتر والطبلون و,.آلخ
وهي قيمتها قبل الخصم فوق الـ 4000
وبالتوفيق للجميع

نصيحة مجرب مع المكيف لا تعدي ال 100 ولا يعدي الامبير ال3 ونص 4 بالكثير وهذا الكلام بالمكيف وبدون

تقبل مروري .....