مساء الخير ياشباب ....... ارجوا المساعدة بيض الله وجيهكم

أنا عندي هوندا اكورد 2006 صار لي تهريب بصلاح الدودة اللي تحت وطلع معها صوت حنة المهم كل مانقص الزيت زدته بزيت ابو خمسة الاحمر للأسف وبعد فترة رحت لورشة متخصصة بالهيدروليك وصلحته بعد ماطلعت من عندهم الوضع حلو بس يوم أو يومين صار الدركسون ثقيل مررة رجعت لهم وقال الفني : انك اكيد مشيت عليها بدون زيت !!! صار يلف الدركسون وهو ضاغط على الأبنص ( دواسة البنزين ) يقول عشان ينفك البلف ومافاد قال انشالله كم يوم ويرجع طبيعي انا الحين لي ثلاث اسابيع ومازال ثقيل رجعت لهم قال اللي ماودي أسمعه : غير طرمبة الدركسون
السؤال هنا : هل أتوكل على الله وأغيرها (سعرها 2000 ريال ) ولا فيه حل ثاني ؟؟

أتمنى من أهل الخبرة الإفادة وأنا بإنتظار الرد علماً اني من الرياض إذا فيه توصية لورشة معينة أو مهندس شاطر ...

وشكرا,,,,,,,,,,,,,,,,,