الموضوع: قضاء وقدر

والسيارة بحاجة إلى..
باب سائق.. ( التشليح كااامل وبس ولا تدور غير التشليح 2500 ريال وانا خذيتة 2300)
باب خلفي يسار ( بالتشليح بــ 2000 وانا خذيتة بــ 1500 )
ذراع خلفي يسار.. ( وش المقصود بالذراع ؟؟؟ )
رفرف خلفي يسار... ( رفرف خلفي خذيتة من الوكالة عن طريق النعماني بــ 1500 ريال )

اخوي نصيحة ...

شوف سعر القطع في الوكالة ...
شوف سعرها بالموزع ..
شوفف سعرها تجاري ..
شوف سعرها في التشليح ,,

بعدين قرر ,,,

في حادثي طلبوا مني الجنب اليمين كااامل .,.

في خدمتك .,,,.

هلا فيك اخوي جدة غير ... معليش ... الرد السابق جا مستعجل مرررة مررة كنت رايح اصلي ...


الحمد لله على سلامتك اولا واخيراً وطز في الحديد اللي زي ما جا زي مايروح زي ما يتصلح زي ما نجيب غيرة ,, الا الروح اذا راحت تروح ,,
... واذا كنت انت اللي تسوق (( ان شاء الله ان ما جتك اصاابات ,, واذا جتك اصابات ان شاء الله تكون خفيفة )) ... لان الصدمة من جهتك ...

اخوي انا بالرياض ,,,

بالنسبة لتصليح سيارتك بصفة عامة ,,, (( اتمنى ترسل لي صورة لها عشان افيدك اكثر ... ))

الرفرف الخلفي ... ينباع في الوكالة بلحالة ,,,, انا اللي عندي قال لي صاحب الورشة جبة كامل ,,, وجبتة كااامل ,,,, وبعدين قال لي السمكري ... رجعة ,,, اقدر اصلح حق سيارتك وارجعة وكاااالة ,,, !!!!

لا تشتري شي الين ما يقولك السمكري اشتر ,,, لا تسمع كلام صاحب الورشة لان العادة مو هو اللي يشتغل ,,, اسمع كلام اللي بيصلح الشي بيدة ... انا ابتلشت الحين بالرفرف كيف ارجعة !!!

اذا كنت بالرياض (( ما اظن .. من اسمك )) لا تروح للتشليح المختص بالهوندا ( اسمة المختص ) واللي يشتغل فية يمني ,,, ! ليش لا تروحة ؟
لانة بالعربي الفصيح نصااااب ....

الباب سواءاً الامامي او الخلفي يبيع الواحد بــ 3000 ريال بدون المرايات وبدون المفصلات حقت الباب ,,,
بيبع المرايات بنفس سعر الوكالة ,,
مايبيعك شي الا لين يطلع روحك ,,,
اسئلة قول ابي صدام امامي يقول مافية ,,,
خش داخل بالمحل تلاقي 20 صدام جاهزة ,,,
كنت ابي دبة شكمان قال مافية ... ورحت دورت ورجعت لة .. قال مافية .. شوي يطلع اليمني الثاني جايبها لي زي ما ابيها ,,,,, ليش الكذب وتقول مافية وهي عندك طيب ؟؟؟
كله كلامي وانا مجربة ,,,

الباب الخلفي سليم كامل مع قزازة ومفصلاتة وديكورة الداخلي تلاقية من 1500 الى 2000 ريال واكثر من كذا فأعرف ان المحل نصاب انا سائل تقريبا كل التشاليح اللي بالحاير (( الشارع المتخصص بالياباني ))

الباب الامامي (( من 2300 الى 2500 مع المرايات وكامل بالديكور الداخلي بالمفصلات ))

اذا كان الباب في دقة خفيفة او عفطة خفيفة تتصلح بالسمكرة ,,, على طوووول كاسر معة ونزل من قيمتة الباب من 300 الى 500 ريال وانت وشطارتك ,,, او اذا كان بدون مراية ( الامامي ) نزل على طول 300 ريال ..

اذا تحتاج رفرف امامي ,,,
الوكالة اصلي حدود 520 ريال
تجاري تايواني نفس الاصلي ولا احد يدري عنة بـ 90 ريال فقط !

الالوان لسيارتك ... خذ اي لون ,,,,ورشة بالورشة ... هذا اللي مسوية ,,,!!

اي اسئلة اي شي ... انا في خدمتك ...

كوكو كورد....كفيت ووفيت...

جزاك الله خير يا أبو زياد..