ما شاء الله .. اسئلتك كثيرة .. شوي شوي علينا يا اخوي :(
اولا شنو فايده اللمبه البرتقاليه( تسطع على القير ) اللي بجنب درج النظارة اللي فوق المرايه الوسطى قريب من فتحه السقف
ناس يقولون انها سهاريه هل هذا صحيح وثانيا فيه فتحات بجنب اللمبه البرتقاليه شنو حقته تبع اللمبه البرتقاليه
تفيد لو كانت السيارة مخشبة .. حيث انها تعطي لمعة حلوة للتخشيب وناس تقول انها حق الخطوط لو بغيت تقرا شي على الطاير
وثانيا بالقير فيه نمره على القير تحت الدي 3 و2و1و هل هذا حق التعشيق اليدوي ولا هو زي الدبل ومتى يستخدم ؟؟
D1 : حق اعطاء السيارة اقصى عزم ممكن او اخفض عزم ممكن .. مثلاً لو كنت مغرز او قالص واحد او تصعد جبل بزاوية كبير او تنزل بزاوية كبيرة طبعاً يعلق القير على نمرة وحدو بس
D2: نفس الي قبله ولكن حق عملية قلص لشي اخف او اذا كنت على مرتفع جبلي اخفض من الزاوي الا تستخدمها في D1 وطبعاً يعلق القير على نمرتين بس
D3:نفس الي قبله ولكن حق عملية قلص لشي اخف او ذا كنت على مرتفع جبلي اخفض من الزاوية الا تستخدمها في D2 وطبعاً يعلق القير على ثلاث نمر ..
راجع الكتلوج أكثر حث تعرف تفاصيلها ..
وثالثا شنو الفرق بين هوندا 6 سرندر و4 سرندر وايهم احسن واقل صرفيه للبنزين
الفرق عدة اشياء بسيطة .. مثل التحكم الصوتي من الدركسون ومقياس درجة الحرارة الخارجية والشمانين وكم من حاجة بسيطة
بالنسبة للصرفية ..
دخل المدينة .. الستة سلندر اكثر صرفية
على الخطوط .. الأربعة سلندر اكثر صرفية
ورابعا على كم احط الهوا بالكفرات الاربع هل الصحيح 32 ؟؟
30 - 35 ممتاز ... راجع الملصق الذي على باب السائق لمعرفة الضغط الصحيح
وخامسا هل اذا قمت الصباح وشغلت سيارتي لازم انتظر حتى ترتفع الحرارة على الربع ام على طول امشي وهل هذا يضر بالسيارة؟
اي سيارة لازم تعطيها تسخين لمدة دقيقتين على الأقل .. وبالنسبة للضرر .. اكيد هذا الشي يضر
وبعدين اذا جيت من سفر مثلا 300 كيلو وقفت عند البيت على طول اطفي السيارة او انتظر عشر دقايق ؟؟
بالنسبة لي .. انا اخليها 10 دقايق قبل ما اطفيها وكذلك ما افتح الكبوت .. ما ادري ليش ولكن نصحني فيها ميكانيكي ثقة
سادسا هل زيت القر يتغير كل اربعين كيلو او اكثر؟؟
ايه طبعاً .. كل 40000 كيلو .. يفضل استعمال زيت هوندا الخاص بنواقل حركة هوندا المتواجد في الوكالة ..
الأكورد تحتاج 3 لتر بواقع 40 ريال للتر الواحد
وهل زيت المكينه لازم يكون من عند هوندا او يمشي سوبر شل وغيره؟؟
ما فيه ضرر ولكن يفضل استعمال زيت الوكالة قبل 30000 كيلو .. اما بعد 30000 فاستعمل أي نوع ترتاح له ..
يفضل استعمال زيوت شركة كاسترول
وسابعا هل الفحمات تنفع اغيرها من عند غير الوكاله او لازم الوكاله ؟؟
تقدر تغيرها عند أي مكانيكي ثقة
وشنو المحل اللي تنصحون فيه شغله حلو
من وين انت ؟؟
واخيرا برش سيارتي بلون ابيض لؤلؤي والوكاله تقول لي ب 2000 مدري ب4000
من وين انت حق يفيدوك الشباب ؟؟
مواقع النشر (المفضلة)