السلام عليكم ورحمة الله وبركاته:
أخي أنيس أنا أيضا أشتريت هوندا أكورد 2011
وأول ما أشتريتها كانت الطارة ترج عندي بشدة في 1000 كلم وعند الفرامل أسمع أصوات قوية وتنسيم هواء صوت قوي في الجربكس عندما أحوال من r إلى n إو إلى d .
وعندما رحت صيانة 1000 كلم تهاوشت معهم وقالوا إذا كانت المشكلة من الهوب فى الضمان بس 6000 كلم .
وخرجت من الصيانة 1000 بنفس المشكلة ومشيت عليها إلى صيانة 5000 كلم وكلمت على نفس المشلكة ولكن لاحياة لمن تنادي نفس الصوت القوي في الكفرات الأمامية رغم إني عملت ترصيص للكفرات برة .
ومشيت عليها لين 10000 كلم والله تعبني الصوت والهواء والفرامل وقتها كرهت السيارة وأي شئ أسمه هوندا أكورد وعند الصيانة أنا ناوي على الشر يا إصلاح الأعطال يا أرمي أم السيارة عندهم وفي هذا اليوم أخذت إجازة وأنا قاعد في صيانة مكة من الساعة 7 صباحاً أول واحد وعند الصيانة قلت لهم كل المشاكل وبالذات مشاكل الصوت في الكفر الأمامي وقال إيش سوف يخرطون الهوب والأقمشة بسعر 200 ريال على حسابي والله بعدها هات يا زعق ومهاوشة ومدير الصيانة تدخل كيف سيارة جديدة وبها كل هذه المشاكل وتركت السيارة عندهم والساعة 6 عصرا أتصلوا عليا وقالوا تعال أستلم السيارة بنفس سعر الصيانة 10000 كلم بدون أي زيادة ولا نقصان هذا الكلام يوم السبت قبل رمضان بيومين 28/8/1432هـ .
والله يا انيس أستلمت السيارة ما عرفتها سيارة ثانية بالكمال الشكل نفسه بس الحمدلله لا أصوات في الكفرات والهوبات ولا تنسيم هواء ولا أصوات في الجربوكس السيارة غير 100% والله بعدها حبيت السيارة مووووت .
نصيحة عليك بالمهاوشة والشد عليهم والله يوفقك .