السلام عليكم ورحمة الله وبركاته
اخباركم .....؟
عساكم طيبين .....؟
خلونا نبتدي بالقصة من اول ما خذت السيارة من الوكالة الي بالدمام طبعا انا مستانس بالسيارة وطاير من الفرحة اخيرا بعد حنه طويلة ودوارة في المعارض والوكالات الي بالشرقية اخيرا ابوي اعجبته سيارة الاكورد يا لبى الاكورد طبعا ما لي راي بلون السيارة على طول لؤلؤي عشان الجو الممطر :pالي عندنا وابوي مب عاجبه الا هاللون طيب بعد ما خلصنا وجبنا السيارة للحسا صار لنا كم اسبوع ربعي قالوا لي خلنا نروح بسيارتك تفحيط على خط التشاليح الله يلعن هالذكرة الي عشتهاواحنا بننحاش من الدوريات جاني بدوي من على جنب وصدم السيارة وشمخ الاسطاب و الرفر انسفط بس خفيف ما يبين عليه طيب ما اقدر اوقفه و لا اهو يقدر يوقفني او يلحقني وكل ذا صار واحنا مغطين اللوايح بعد كم كيلو انتبهت ان كامري طول الوقت وراي وركزوا اللوايح للحين مغطية بعد كم دقيقة انتبهنا انه سرية بعد ما دعست حد الدعسة شغل الفلشر واهوا ورانا وين ما رحنا رحنا ورى حوش غنم اشوي ما نشوفه الا جانا ونرجع على الطريق مرة ثانية وحد الدعسة ما ادري كم وصلت السرعة من الخوف ما طالعت عداد السرعة بس كل الي اذكره اني مشيت فوق 200 كيلو متر لين وصلنا للصناعية اهناك قدرنا نضيعه وشلنا اللزقة الي حاطينها على اللوايح وقفنا في مواقف شارع الظهران اتصلنا على ربعنا قالوا لنا تعالوا لنا في هالمكان الفلاني هناك نشوف حل حق مشكلتكم واحنا واقفين في المواقف كم واحد جانا قالوا لنا سلامات شصاير يعني باختصار السيارة حرام 2011 ومصدومة :( والله حرام وانا الحمار الي رحت بالسيارة هالتفحيط طيب وصلنا لتصليح السيارة طبعا ابوي ما يدري بالقصة الحقيقية قلناله انه كانت موقفة وجا احد وصدمه رجعنا للسيارة الا اهي كذا شي مؤكد انه بصرخ عليك وبيعطيك محاضرة طويلة و عريضة قال ابوي وقفوها يم البيت ونتصل على التأمين على ان السيارة موقفة يم البيت وجا احد وصدمها مشت القصة على التأمين وخذنا الفلوس طيب نبي نصلحها قلنا حق ابوي ما لنا الا الوكالة مكان موثوق وابوي خبرة في عبدالله هاشم وكيل هوندا من اهوا شباب ويشتري منهم المهم قال اذا بنصلحها بنوديها ورشة الناجم احسن ورشة في الدمام ما مرة شفتها بس هذا على كلام الناس نبي قطع للسيارة ما في الاحساء نبي من الدمام نتصل على الوكالة الف مرة ما احد يرد ..
طيب نبي نعرف اسعار القطع انا هذا الي ابي منكم و ان شاء الله تفيدوني في هالشي اهي كل الي يبيلها صدام امامي والقطعة الي ماسكه الكشاف وهالقطعة تجي مع الصدام ولا لا وكم كلبسات انكسرت وسمكرة الرفرف والاسطاب الايمن تشمخ ما ادري اذا يروح مع التلميعة ولا لا..؟
وعذروني طولنا معاكم في الموضوع :o وان شاء الله تفيدوني في هالموضوع لانها والله عورت قلبي هالسيارة لو انكم تشوفون السيارة تقولون والله حرام يستوي في السيارة كذا...
:(
ما سوت عليك التشاليح :d
بس ما شفتك أمس في العجاجي :p
المهم نجي لموضوعك
نصيحتي لك ودها ورشة البراهيم أو الشامي اللي بالصناعيه هم أفضل الورش و ورشة الناجم ما عمري سمعت فيها :d
و انت فكيت راسي شلون أخذت الفلوس من التأمين بدون تسعيرة القطع
و القطع موجوده هنا ليه تروح الوكاله في الدمام
عزيزي هذا المنتدى للمشاكل التى تاتي من بعد طول استخدام او عيب مصنعي وليس مشاكل تفحيط اسف لا استطيع افادتك:o
^^
الرجال بيستفسر عن سعر القطع
ماسالك كيف يفحط !!
اخوي جرب اتصل في النعماني واسأله عن القطع
هذا رقم واحد يمني يشتغل في النعماني فرع الدمام اسمه ابو خالد
هذا رقم جواله 0533627945
وفعلاً الناجم افضل ورشه في من ناحية شغلهم بس المشكله الوحيده ان اسعارهم ناااااااااار
لا تستغرب اذا قالك بصبغ لك الصدام بـ800 ريال
اخوي مسوي تلقيط عندهم وصبغ وجهيه مرموله بـ9000
وبالتوفيق ...
انا ما قلت ان الصدمة صارت من التفحيط وانا سألت عن القطعالمشاركة الأصلية كتبت بواسطة هاي الشرقية
alkasr777 انا ما ادري عن القطع بس قلنا مرة واحد واحنا رايحين الدمام ناخذ القطع من هناك ..
وما قدرت امس اجي العجاجي ما في سيارة وانا الحين اذا بروح تفحيط ما اروح الا بسيارة ربعي ما ابي اكررها مرة ثانية:( واذا بروح العجاجي بقولك وان شاء الله انشوفك هناك
صبغ صدام بــــ 800 ريالمشكور على الافادة وانا ادري انه غالية وما تجيهم الا سيارات عدلة
طيب روح الشامي اللي في الصناعيه و شوف شغلهم
تراا شغلهم توب التوب
و في ورشه رخيييييييصه و شغلهم جيد جدا بس موديل سيارتكـ 2011 حراااام تدخلها هالورشه :d
و موفق ان شاء الله
و تراا في ورشتين الشامي
الشامي سنتر و الشامي لحالها :d
و انت روح للشامي سنتر و هي ورشه زاويه على شارع قطع الغيار
دخلها الناجم صدقني بطلعها ولا كانها مصدومه بس ناااار اسعارهاااا
اذا تبي شغل مضبوط لازم سعر غالي وانتوا للحين ما جاوبتوني بكم قطع الغيار...؟
وعليكم السلام ورحمه الله وبركاته
شموديك الصناعيه وعشان تفحيط
لووول
لاتقول الكامري بحري لونه :p
ومثل ما قال الكاسر
الله يعينك اخوي وبعدين لاتشيل هم انا ثالث يوم وانا مطلع السيارة حادث شالي جهة الراكب الامامي كلها((لاني عاكس الخط)):(
و انا اللي عندي روح الاصطب كله والصدام والرفرف فالوالد الله يحفضه وداها لللوكاله وصلحوها ب8 الاف
والمشكله اللي صدمني فورد جراند ماركيز مانكسر عنده الا الصدام وموديلها قديم
وبالتوفيق ان شاء الله
اللي اتذكر بس حبيت افيدك انو الصدام بحدود550 والاسطب الواحد اظن 700 وعليها بس والله مرة ماني متأكد لان الحادث قبل 8 شهور
يعيطك العافية على الافادة يا مالك بس القطعة الي تمسك الكشاف تجي بروحها ولا لا...؟
abAdy.777 الكامري ايه كان لونه بحري شنو انت ورانا يوم يصير الحادث
الحمدلله عـ السلامة
ماتشوف شر
ولاتتعـنى لتفحيط ماوراهـ غير المشاكل
حرام أخذتوا الفلوس من التأمين .. وإنتم تفحطون وتعرضون أرواح الناس للخطر .. بالفلوس هذه التلي أخذتوها ظلما وتصلح السيارة ممكن الله يبلاك بحادث أكبر من كذا عشان أخذت الفلوس هذه وغيرك يستحقها .
وشكرا .
abAdy.777 الكامري ايه كان لونه بحري شنو انت ورانا يوم يصير الحادثههههههههه
لا صايدني من قبل هل كامري :d
والله مادري ياخوي انا شريت الصدام كامل لكن اتوقع تجي لحالها وااا ماجات معها خذ تجاري اذا لقيت لانو ماتفرق
بالتوفيق
احنا حاولنا نلفق الصدام لين نصلحها وانتبهنا ان القطعة مكسور مب مع الصدام يعني فما ادري ما احد يعني عنده خبرة او معلومات
ضوابط المشاركة
رد مع اقتباس
مواقع النشر (المفضلة)