السلام عليكم ورحمة الله وبركاته
مبارك عليكم الشهر الكريم
مشكلتي يا اخوان سيارتي هوندا اكورد 2008 فل كامل
عند التشغيل وفي بدايته بالتحديد اسمع صوت صرقعه تفجع وهذه لها اكثر من سنه واخوكم كسووووول الى ان فجعني صاحب ليه الله يهديه قال هذا صوت الجنزير وانا اروح للشركه واشرح لهم المشكله وطلع معاي المهندس واطفا السياره وشغلها اختفى الصوت مو غريبه لان الصوت يطلع اذا السياره بارده واول التشغيل يعني تشغلها وتطفيها وترجع تشغلها يختفي الصوت المهم قالوا الكشف 240 قلت الاستشاري كشفه 200 وانتم 240 بدون اصلاح بدون قطع المهم تركتهم ورحت الصناعيه بجده وكل واحد يفتي من عنده والى الان اعاني من هالمشكله اللي عنده حل لا يبخل علينا جعل جنة الفردوس نزلا له وما افضل ورشه بصناعية جده للهوندا كمان فيه شيء ثاني اسمع رجه بالسياره عند الفرامل مع اني مغير الكليبر
شف سآلفت آلتشغيل .. لآتروح غير الشركةة ~> هم آبخص بسيآرآتهم ..
واذا ان السيارة على الضمان دخلها عليهم لكن خل السيارة واقفة من الليل بالشركة عاد الله يعينك ..
صح ان فيها مشوار بسس بالاخير شي ينفعك .. المهم خلها واقفة عندهم وتجيهم الصباح وشغلها
واكيد بيطلع الصوت لان السيارة بااااردة :]
وااذا مو ع الضمآن والله مدري وش آقولك بس المشكلة تخوف يعني لاتطول علشان ماتسحب لك مشآكل معهآ ..
موفق يـآآآرب ..
عطهم 240 و ريح راسك فرق 40 ريال في الكشف ماهي راس مال...!
و الشركة راح تطلع ك المشكلة و يصلحوها و يضمنوها لك ما ترجع ثاني مو زي المحلات اللي برى و تعب الورش
أخوي ما دام تقول المشكلة لها أكثر من سنة ... أعتقد المكينة ما فيه شيء بإذن الله تعالى .
أتوقع الخراب في جزء من أجزاء السلف .. إذا كان هو يطلع صوت صقعة قوية تحس إن المكينة بتنكسر .... شيك عليه يمكن منه .
أما الرجه في فرامل الأكـــــــــورد فهو منذ قدم العصور ... يعني من العصر الحجري وهالمشكلة في الأكورد بس حلها بإذن الله مقدور عليه ... في خرط الهوبات وتغيير الفحمات والتشييك على الباكم اللي بجنب المكينة وتفقد نظام الـ abs يعني تشييك على السستم كامل .
والله يوفقنا وإيـــــــــــــــاك ...
ياااقلبي تابع موضوعي وفيه الحل ان شاء الله
http://www.hondaarabia.com/club/t42158/
السلام عليكم
والله ياخوي انا عندي نفس مشكلتك وما ادري وش المشكله
اذا شغلت السياره يطلع الصوت شوي ويختفي
اتمنى نشوف حل لهالمشكله
انا اتوقع المشكله خارج المكينه
وانا نفس مشكتكم اظن يطلع صوت مدري ايش بس بعد التشغيل بشوي كذا
يابعد قلبي
ياليت توضح الصوت اللي يطلع
هل بعد التشغيل بمده
او اثناء دوران المحرك
او بعد التشغيل مباشره
المهم ان اغلب الاصوات كالتالي
*كرررررر مع بدايه التشغيل هذا بالعاده اما اكتيوتر ( وشرح الحل بالرد السابق بالرابط ) أو طرمبه الدركسون ولاتسمع الصوت الا بالصباح الباكر او عند ترك السياره مده 6 ساعات بدون تشغيل
* صوت زي الاحتكاك الشديد مع كل تشغيل احتمال كبير السيور يكون متعرضه السياره لمياه او سيول او مياه مجاري
وحلها بسيط اما غسيل مكينه للسياره بالماء والصابون او تغيير السيور عند اسوأظروف المشكله
* صوت زي الغرشه مع التشغيل وهو انذار بان السلف يحتاج الي اصلاح قبل ان يتعطل نهائيا
هذي اغلب الاصوات واسبابها وكيفيه حلها
فان اصبت فمن الله وان اخطأت فمن نفسي والشيطان
وان شاء الله اني افدت الاعضاء باي معلومه قد تنفعهم
اخوي اذا كانت صوت طقطقة بسيطة اول ماتشغل السيارة اذا كانت باردة هذا شداد الجنزير
ترى المشكلة هذي معي من يوم طلعت السيارة من الوكالة2006 والحمدلله السيارة سليمة
ضوابط المشاركة
رد مع اقتباس
مواقع النشر (المفضلة)