ابغي ورشة لتوظيب القير بالاحساء بليييز

**دانيـــال** · 05-08-2011, 05:30 AM

السلام عليكم

توني شاري السيارة لي شهرين بس وانصب عليي القيير يبي له توظيب
فيه دقه من الاول للثاني
دلوني على ورشة ممتازة للقير ويكون شغله نظيف ومضمون ويعطيني ضمان عالقير

وابي ورشة لوزنية التنده مدري شفي امها نزلت من الخلف لما اسكرها كامل

وايضا ورشة للتشييك على اصوات الطقطقه الي بالسيارة مدري مقصات ولا مساعدات ولا اذرعه ولاشنو بالظبط

والله يعين عالخسااير

**هاي الشرقية** · 05-08-2011, 10:48 AM

اخوي لحظة فديتك ليش تبي توضب القير عطنا بالتفصيل وش المشكلة يمكن مايحتاج لاتتسرع وبالنسبة للاصوات والله انك راح تتعب الهوندا بالاصوات مشهورة بس شيك على المقصات مع الجلد بس انت ماقلت لنا كم موديلها

**dedme** · 05-08-2011, 12:50 PM

لاتوضب وبدل القير اريح لك

**المباشر** · 05-08-2011, 02:32 PM

القير ان وضبته خبط مرة ثانية وهذا عيب قير الهوندا

بدله من التشليح بواحد زين أفضل من التوضيب

**دانيـــال** · 06-08-2011, 01:49 AM

سبب التوظيب فيه دقه من الاول للثاني فقط ودقه قوية مو بسطه غيرت الزيت ونفس الشي

ووديته ورشتين وقالي توظيب
وايضا قبل مابوظبه بشيك عليه مره اخيره عشان الاحتياط

والشباب الي يقولو لي غير القير
اخاف القير الي أشتريه دمار وماشي كثير يعني الله اعلم شنو وضعه

بس السيارة الي عندي ماشيه 86 الف فقط وموديل 2006

واخاف يكون سعر القير غالي جدا

وبالنسببه للاصوات غيرت الجلد ومااراحت

**دانيـــال** · 06-08-2011, 01:50 AM

ياليت تنصحوني وتدلوني عالشي الصح والي تشوفونه انتم ومجربين

**هاي الشرقية** · 06-08-2011, 06:54 AM

شوف يابعد قلبي بالنسبة للصوت خله بعدين ومثل ماقلت لك راح تتعب وماراح يروح بس خلك بالاهم الي اهو القير اتمنى تمر ورش بس ورش معروفة وشغلهم ممتاز واذا طلع لازم توضيب انصحك تمر ورش الهوندا بالدمام وراح يعطونك شي نظيف وعليه ضمان بس سعرهم شوي غالي

**دانيـــال** · 07-08-2011, 01:30 AM

ياغالي انا بالاحساء وابي ورشة معروفة بالاحساء حق القير
او مكان يبيع قيور هوندا وعليه ضمان

لاني بالدمام ماعرف شي
وكم تقريبا سعر القير المستخدم ؟؟

**متصفح** · 07-08-2011, 02:15 AM

لمبة المكينه شغاله او كيف وضعها...ولمبة الـ d الخضرا الموجوده بالطبلون شغاله بشكل سليم او كيف وضعها

الدقه مو بالضروره توظيب قير اذا تغييرات القير سليمه ولافيها مشكله

شيك على منظم الهوا وحساسات القير ...وافحص كمبيوتر اذا عندك لمبة تشك انجن

**دانيـــال** · 07-08-2011, 04:50 AM

اخوي متصفح ماولعة عندي لمبة المكينه

وحتى لما وديتها للميكانيكي دور عليهاب الطبلون مالقاها
يعني المفروض لما تدق سلف تشتغل كل اللمبات بالطبلون
لكن للاسف ماشوف لمبة مكينة ابد

ولمبة الدي شغاله تمام ومافيها اي شي
بس معي دقه من الاول الى الثاني اما باقي التبديلات ممتازه

عدا الدقة القوية الي من الاول الى الثاني احس القير بينقلع من محله

اليوم بحاول اوديها فحص كمبيوتر للتأكيد اكثر