مشكلة رجة الكفرات المزمنه

[khaled_2010]

السلام عليكم

رمضان مبارك علينا وعليكم وعلى الامه الاسلاميه

عندي مشكله من يوم شريت الاكورد طبعا فل وجنط 17

صح كنت احس بقساوة في كفرات ميشلان الين غيرتها بطقم تويو

بس للاسف بعد ما اخذت التويو تم ترصيص الكفرات اكثر من مره وخلال شهر ترجع الرجه

وين المشكله؟

لاحد يقول الكفرات .....

لانها جديده وحتى الجنوط مفحوصه ومافيها شي

بس الرجه هذي ابي لها حل تكفون
وتكررت معي في ميشلان وتويو

رحت لورشة القحطاني اشهر ورش الشرقيه ضبط لي ميزان وترصيص وللاسف المشكله بعد شهر رجعت

اللي يعرف احد يحل مشكلة الترصيص بضماااان في الشرقيه او الرياض ياليت يفيدني

[حميد]

نفس المشكله عندى بالضبط سرت ياعزيزى كل بين فتره وفتره ارصص الكفرات وطلع الرجه بزياده اذا السياره واقفه فوق 8 ساعات ومشيت فيها تبدا الدركسون يرج بين 80 الى 120 بعدين تختفى الرجه
صدقنى ماخليت ورشه حتى الوكاله حفظونى خلها على ربك شكلها عيب تصنيعى وبدايت المعانات معها لمن وصلت سيارتى 70 الف كيلو بدت الرجه والى يومك وهى معاي خلاص تعودت عليها الشكوه لله مالنا الى رحمته وفرجه ولى على ورشنا ولى مكافحت الخش بالبلد اخسل ايدك الله يرحمنا والله اننا نعانى لكن نقول بكره يكون احسن , كان ودى اساعدك لاكن الحمد لله على كل حال .

[عاشق هوندا v6]

اعاني من نفس المشكله بالضبط و لا نفع الترصيص!!!!!
لكن تطمنو هالمشكله موجوده بأغلب السيارات الجديده حتى اللكسز فيها رجفه خفيفه على 120

[khaled_2010]

قهر والله ياشباب

ادفع حدود 90 الف عشان اشتري سياره كفراتها ترج

اتوقع على المدى البعيد رجة الكفرات لو استمرت تسبب مشكله اكبر


الترصيص الارضي ينفع لحل المشكله؟؟؟؟؟؟؟؟؟؟؟

[حميد]

انسى ياغالى مابي احطمك حتى الترصيص الارضى ماينفع ابد انا مجرب الله المستعان

[alkasr777]

السبب ممكن عدم تساوي درجة الكفرات يعني كفر زايد هوائه و كفر ناقص

و هذا من أسباب الرجه

[حميد]

والله ياجماعه ماله دخل الهواء هى السيارات الجديده ذى يبيلها واحد كاش كاش عند الشراء وكاش بالصيانه اللله يعين الجميع

[هاااوي الاكورد]

المشكله مو مشكلة الهوا لاني انا كل فتره اروح عند مركز يوزن الكفرات اكتروني على 32
يا عزيزي هذا غيب مصنعي ماله اي حل

[khaled_2010]

عيب مصنعي بالكفر والا الجنط والا في السياره؟؟؟؟؟

كل الردود تعاني من نفس المشكله

عندي امل القى واحد قدر يحل المشكله ونفيد الجميع ان شاء الله

[أبو إيلان]

انا مالها السياره 7000 كم
حسيتها البارح

وقلت في نفسي من الزفلته خبركم زفلتنا يهبل

لكن شكلها نفس المشكله

[Accord F15]

كيف عيب مصنعي يعني الذراع يهز الكفره والجنط ههههههههههههههههههه

ياحبيبي شوف شوارعك واعرف ليش الترصيص ما يدوم عالكفره بعدين انا ماعندي هالرجه اللي عندكم وممكن تكون الرجه من شيء غير الكفرات والجنوط

[alkasr777]

لا أنا الرجه تجي لما أمشي 160 تقريبا :d

و أتوقع بسبب كراسي الماكينه

[ابو سديم]

مراااحب ،، انا عندي اكوورد 2010 بعد مامشت 45 الف صارت بعد ما اهدي من سرعة 160 ترج تقووول ددسن 85 :d اوكيه ررحت الوكاله غيرت فحمات وراحت بس بعد شهر رجعت المشكله وسألت واحد مختص قال الهووب فيه عيب لازم تغيره ، قهر سياره 2010 :( الحين تعودت عليها ترج ماترج ماتفرق معي ، يااخوي اذا صارت الرجه بعد ماتهدي تراه هووووب ، واذا صارت الرجه والموتر واقف تراها كراسي المكينه ،،،

ندمت يووووم اشتري هالسياره مافيها من الاناقه شي ، كأنها مثل سيارات زمان اااه يالقهر ،،،

[ABO D8S]

كيف عيب مصنعي يعني الذراع يهز الكفره والجنط ههههههههههههههههههه

ياحبيبي شوف شوارعك واعرف ليش الترصيص ما يدوم عالكفره بعدين انا ماعندي هالرجه اللي عندكم وممكن تكون الرجه من شيء غير الكفرات والجنوط

احم انت 2006 غير 8 و9 و10


نفس المشكلة ياشباب رصصت ولا نفع عيب مصنعي

[,,ولد المدينه,,]

كلنا نفس الحكايه:(

[khaled_2010]

يا f15

سيارتك 2006 المشاكل هذي ظهرت في 08 09 10