**المشكله الأكبر في الاكورد**

**udh_2006** · 07-10-2007, 06:04 AM

السلام عليكم
انا عندي اكورد2006 السياره مشت 60000 كيلو زي الحلاوه:d وبعد ما خلص الضمان:( بديت احس ان فيه رجه اذا السياره واقفه على الD والمكيف شغال تزيد الرجه.من هنا بدت معاناتي

رحت الوكاله قالولي يمكن كراسي

قلت شكلهم ناوين ينصبون علي, رحت ورشه كبيره وشيكت بالكمبيوتر قالولي السياره ما فيها شي يمكن مشكلت كراسي مكينه او قير

قابلت واحد من الشباب كانت عنده نفس المشكله قالي غيرت بواجي وضبط الوضع,ماصدقت خبر غيرت البواجي والمشكله ما زالت, رحت ورشه كبيره ثانيه شيك كراسي القير قلي ما فيه اي شي لاكن كراسي المكينه ما اقدر اشيكها

انا بصراحه ماني مقتنع ان كراسي المكينه خربانه .وودي في مساعدتكم لاني شوي وابيع السياره من ذا المشكله الي عقدتني

**ل م س 3 3 4** · 07-10-2007, 06:16 AM

وعليكم السلام ورحمه الله وبركاته

شف ياعزيزي 99% من مشاكل الرجه في الاكورد تكون من كراسي المكينه ،،، يعني احتمال كبير ان احد كراسي المكينه يكون خربان ويبي له تغيير ،،انت ممكن تقول وشلون يخرب ؟انا اقولك :طال عمرك الكرسي حق المكينه يكون فيه زي الربلات ؛الربلات هذي مع الوقت ومع الغسيل البستم مع الحفر ومع ومع تبدأ تتأكل وتبدا تصير الرجه

شوف ياعزيزي عندك ورشه الجنوب متخصصه بصيانه هوندا ،،روح مرهم هاليومين وخلي يسوون لك كشف على كراسي المكينه ..

**محجوب** · 07-10-2007, 06:18 AM

كلام اخوي ل م س مية في المية صحيح

**just 4 u** · 07-10-2007, 06:21 AM

وضعـنا مثـل وضعك أخوي .. وموديلات مختلفة والأغلبية حصلوا حلول إجتهادية ..
يعني تخفف من الرجة ما تنهي الموضوع تمام

**udh_2006** · 07-10-2007, 06:26 AM

الأخ ل م س يعطيك العافيه لاكن وين ورشت الجنوب انا في الشرقيه ؟؟؟؟؟

**ل م س 3 3 4** · 07-10-2007, 07:22 AM

ورشه الجنوب في الرياض في الصناعيه القديمه ،،،،لاكن دامك بالشرقيه حاول تمر محل متخصص بصيانه الهوندا ،،واذا لاقدر الله صار عندك احد الكراسي خربان لاتركب الا اصلي لان الياباني والتجاري كلها تسبب رجه بعد ،،،

الموضوع: المشكله الأكبر في الاكورد

أدوات الموضوع

عرض