القير
بسم الله الرحمن الرحيم
السلام عليكم ورحمة الله وبركاته
قبل فترة طلع لي مشكلة بالقير اللي تاخير التبديل , وبعد فحص الكمبيوتر بالوكالة اتضح انه مافيه مشكلة , والمشكلة طلعت ان الزيت كان زايد وذلك بسبب اني غيرته عند احد الورش , طبعًا غيرت الزيت عند الوكالة من جديد وأخبرنوني أنه من الممكن أن السيارة تعود طبيعية أو أن تحتاج كلتشات أو تحتاج توضيب , وبعد ما استلمت السيارة لاحظت المشكلة ولكن بشكل اخف بحيث انه يلاحظ تاخر التبديل , وبعد فترة غيرت كراسي القير والمكينة , وبعد تجربة السيارة لاحظت ان المشكلة خفت لكن لازالت موجود , وألاحظها بشكل اكبر إذا كتمت للموتر بكثرة .
يخوي انا قد صارت معي غير منظم الهوى ب 400 ريال يجيك تجاري اما الاصلي مايجيك المنظم لحاله يجيك المنظم مع البدي ثروثل وعفش كامل ب 2300 تقريبا بس التجاري حلو يمشيك سنه قدام ركبه وخل راعي الورشه يوزنه لك كويس وراح تزين سيارتك صدقني اسال مجرب ولا تسال وكاله نصابين
الله يعطيك العافية , طيب المنظم وين مكانه بالضبط ؟
اللي على المربع الاحمر رقم 2
هو القطعه السوداء اللي موصول له سلك يجيك قطعه صغيره على شكل مثلث تقريبا :d
الله يعطيك العافية
وش دخل عباس بدباس
منضم الهوا والسخان حقه مجرد منقي ووسيلة دخول هواء نضيف للمكينه
ماله دخل بالقير
المشاركة الأصلية كتبت بواسطة قدام عينك
غرك كثرة الردود من الأعضاء الكرام أو المشرفين ؟!
الرجال مجتهد وجزاه الله خير والرجال قدم معلومة وممكن تحل المشكلة وممكن لا
وأنت تستطيع تقديم رأيك بأسلوب أرقى من هذا الأسلوب .
حبيبي
مشكلتك بدأت من هنا, والمشكلة طلعت ان الزيت كان زايد وذلك بسبب اني غيرته عند احد الورش
اولا زيت القير له صره من تحت وتغييره سهل
ويستحتس تغير زيت القير والسياره بارده
من كلامك كأنك شفط الزيت من المعيار ؟
إذا سويت كذا اقول لك الله يستر لأنه طريقه غير آمنه
الزيت يتسرب كاملا من تحت ..
ومقدار زيت القير اربع علب بـ 130 ريال إذا ماخانتني الذاكره
يتعبـى من فوق زي ماتغير زيت للسياره
وتشغل السياره وتمشي القير إلى d1 حتى يمشي الزيت بكامل التروس ..
الخوف من الشفط إنه ماسحب الزيت كاملا وعبيت زيت فلذلك صارت زياده وصار في تكتيم عند تبديل النمر
انت غيرت كراسي المكينه وكراسي القير لكن ليس لها علاقة بالتكتيم وتغير النمر
وتقول إنك غيرت الزيت مره ثانيه بالوكاله وقالوا لك إنها يمكن تضبط او يمكن يحتاج القير توضيب
مشكلة قد مرت علي وغيرت الزيت وماراحت الكتمه على طول والتأخير في التبديل
قعدت يومين بعد تغير الزيت واختفت نهائيا
لذلك اقول لك اصبر عليها كم يوم
مشكور أخوي والله يعطيك العافية , الكلام هذا وتغيير الزيت كان تقريبًا بـ 20 \ 7 يعني تقريبًا قبل شهرين والمشكلة لازالت موجودة وألاحظه لكن مب بكثرة وهالشي يخلين ما أضمن قير السيارة وأنا رجال ودي أبيع لأن أسعار الأكورد الـ 6 والـ 7 فوق هالفترة وهالمشكلة إذا ذكرته للزبون ينقص من قيمته لأنه يكون فيه تخوف من أن القير يحتاج توضيب أو تغيير .
الحساس الي بالصوره اسمه TPS او Throttle position sensor
وله علاقه بتغييرات القير بشكل كبير ...لكن تاكد انه سبب المشكله قبل تغييره
زيت القير ثلاث علب فقط في كل تغيير
كل كم كنت تغير الزيت؟
ولما غيرت في الوكالة كم كنت ماشي على الزيت؟
قريبا اكيورا فخر صناعة هوندا الامريكية على هوندا العربية
اكيورا RLX 2013
^
طيب ممكن سؤال
مره كنت بغير زيت القير عند واحد كان يشتغل بالوكاله
قالي لي لازم تخلي السياره عندنا لين تصير بارده ونغيره لك
انا اول مره اسمع بالكلام ذا
اختصار السؤال هل في ضرر إذا غيرت زيت القير والسياره في حراراتها الطبيعه ؟
علما إن كل تغيراتي والسياره حاااره ولاصار شي
فما ادري وش كان يحس فيه إلي كان يشتغل بالوكاله
هل من مبرر؟
علشان يطلع العيار الصحيح للزيت فعله صحيح
لانه لما يحطها والسيارة حارة بيظل يحط ويسخن الزيت ويتمدد ويتبين له وكانه عباها تماما لكن في الواقع ما عبى الزيت مضبوط
لكن لما تكون باردة يعبيها ويحط العيار الصحيح وبكذا يطلع الزيت اللي عباه هو الصحيح تماما
عموما هي 3 علب تزيد احيانا او تنقص حسب الزيت اللي طلع او اللي نزل من السيارة
للمعلومية لما يبرد زيت القير ينزل لقاع القير فمجرد ما تفتح السرة يطلع الزيت كامل تماما ولو بعد يعطيها تشغيل لمدة 3 - 4 ثواني والسرة مفتوحة ويطفي السيارة يكون طلع 3 علب وربع تقريبا وهذا المطلوب
قريبا اكيورا فخر صناعة هوندا الامريكية على هوندا العربية
اكيورا RLX 2013
أخذت السيارة وكانت ماشية 130 ألف تقريبًا الكلام في ذي الحجة 1430 طبعًا غيرنا أشياء من ضمنها زيت القير , في شهر جمادى آخر تقريبًا غيرت زيت القير لأن الممشى كان تقريبًا 165 ألف تقريبًا مع الفلتر , لاحظت المشكلة بعد تغيير الزيت ورحت للوكالة للفحص , وبعد الفحص تبين أن حساسات القير سليمة وبعد التشييك على زيت القير وجدوه زايد , طبعًا على كلامهم أنهم غيروا الزيت من جديد , قال لي اللي في استقبال الصيانة انه ممكن السيارة ترجع مثل ماكانت سليمة , وممكن تحتاج كلتشات وممكن تحتاج توضيب والفرع حق القصيم مافيه توضيب لازم تروح للرياض , أخذت السيارة ولاحظت أن المشكلة مازالت موجودة لكنه خفت بشكل كبير .
الله يعينك
سيم سيم انا
علمنا وش يصير معك
انا البارح غيرت الزيت مع الفتر
مدري كيف بتصير
ان شاء الله تروح هالمشكلة
^^^
الله يعيننا واياك يالغلا , ومالك هم ان شاء الله اذا حليت المشكلة مالك الا اني اعطيك خير بإذن الله , وأنت إذا انحلت عندك علمنا وش الطريقة لا هنت .
على ممشى 165000 كيلو هل حطيت زيت القير في الوكالة ولا في الورشة لان حسب كلامك ان الوكالة غيرته بعد ما جت المشكلة وفحصوها
قريبا اكيورا فخر صناعة هوندا الامريكية على هوندا العربية
اكيورا RLX 2013
تغيير الزيت على 165 الف كان بالورشة اللي منهم كانت مشكلة زيادة الزيت فلاحظت المشكلة ورحت للوكالة على اساس فحص القير .
ايش نوع الزيت اللي عبوه لك
قريبا اكيورا فخر صناعة هوندا الامريكية على هوندا العربية
اكيورا RLX 2013
والله مدري , لكن ما اعتقد انه هوندا , وعلى فكرة أول تغيير 130 الف كان عند نفس الورشة .
للرفع
انا رحت غيرت زيت مع الفلتر الخارجي
الحنة تسمعها من كيلو
احس ان قبل التغيير كانت بسيطة
،،امس جيت من عند بنقالية متجمعين سواليف
قبل الفطور
توني مااااشي
الا والسيارة تحن
واحد منهم يقول //هييييي انت مايشوف
يحسبني متعمد ،،
الحنة موجودة بالسيارة لين النمرة الثالثة والرابع والخامس مافيه شي .
ياااحبيبي انت مثلي
كأنك تسوق بسيارتي
أعتقد أنه مشكلة عامة بسيارات هوندا لأنه فيه ناس يشتكون من الحنة , ويكون الرد عليهم انه مامنه ضرر , لكن المشكلة انه تزعج .
ضوابط المشاركة
رد مع اقتباس
مواقع النشر (المفضلة)