مشورتكم للأكورد الجديد

[زيزو 9]

..

السلام عليكم


صيام مقبول للجميع ان شاء الله


الحمدلله امس طلعت سيارتي الجديدهـ
اكورد 2012 اللون الككاوي


طبعاً بحكم عملي في الشرقيه
فـ انا اتردد للرياض بشكل اسبوعي

ياليت تعطوني توجيهاتكم
لحماية الهيكل الخارجي بقدر الأمكان

ايضاً الحد من صوت الإزعاج الخارجي إذا فيه طرق حلوه


يا ليت تكون المحلات فالرياض



ويعطيكم العافيه جميعاً

[قلبي حبك]

نصيحة اخ اول شي تسويه قبل اي حاجه ثانيه
حماية الوجهيه ودور احسن محل واعتقد مافيه احسن من 3 ام لاتغلط غلطتي وتسحب على الحمايه والله مفيديه ويبين اهميتها بعدين

بعد كذا حافظ على البدي بالغسيل باستخدام الشامبو المخصص للسياره وبشكل اسبوعي اذا تبي الموتر يبقى جديد

[م ل ك 2008]

اول شي مبروووووووووووووك مقدمآ

الله يعطيك من خيره ويكفيك شره يارب

اهم شي حمايه للواجهه من الترمل افضلك m3

تضليل عازل حراري 01 من m3

[Solidus 2010]

أخوي نصيحة مجرب لاآ تسوي حمآية وآجهة , لأني كنت مركب ويوم شفت سيارة اخوي لاحظت اختلاآف طبقة اللون بين المنطقة اللي مسوي عليهآ عآزل وبقية السيآرة قمت فكيت العآزل انا , وللمعلومية من جونسون سواها يعني شغل محترم ... ركب لك برقع تفصيل أفضضضضضضل لك .. وبالنسبة للبرقع لا جيت تفصل خليه يحط لك فلين فوق الرفرف اليمين واليسار عشان البرقع ما يحك في البدي ويعدمه لك ... وأتمنى اني افدتك ...