سؤال بخصوص التشييكات في الوكاله

**keegan** · 15-08-2011, 10:37 AM

السلام عليكم

طبعا الكثير منا مايقوم بجميع تشييكات الوكاله لما فيها من مبالغه في الاسعار

لكن لايخفى على الجميع ان هناك قطع استهلاكيه مثل مثل الفحمات والفلاتر والسيور والبواجي وغيرها يجب تغييرها كل فتره

سؤالي عن هذه القطع ومتى موعد تغييرها

انا باكتب اللي اعرفه واتمنى الاخوان يكملون

1- زيت القير مع الفلتر كل 40 ألف

**العباسي القرشي** · 16-08-2011, 04:58 AM

وعليك السلام ورحمة الله وبركاته ،،،،،
فكرتك ومشاركتك جداً جميلة ومفيدة

وأتمنى تفاعل الشباب معها :o ومنها يكسبوا أجر ببلاااااااااش ;)

**alkasr777** · 16-08-2011, 05:55 AM

فلتر البنزين يتغير كل 80 ألف كيلو

فلتر الهواء و البواجي يتغيرون كل 100 ألف كيلو

و الفحمات و السيور على حسب الإستخدام

**هاي الشرقية** · 16-08-2011, 07:12 AM

والله يبعد قلبي انا اشوف الشغلات الي قلت عنها تعتمد على الظروف والاستخدام اكيد راح تسالني كيف
يعني مثلا فلتر البنزين موش رط انه يغير كل 40 الف اعرف ناس غيروه على اقل من ذلك بكثير والسبب رداءة البنزين الي يستخدمونه وخاصه المحطات القديمة الموجودة على الخطوط السربعة
عندك السيور والفلاتر السيور ماتقارن واحد يمشي بسيارته الظهر وحراراة الجو فوق 50 مع واحد يمشي والحرارة 25 اكيد راح يكون العمر الافتراضى يختلف بكثير
عندك الفحمات اهي تعتمد على السواقة وايضا تعتمد على الزحمة انا اذكر مرة سويت حركة جلست اعد كم مرة راح ادوس بريك في مشوار بسيط تصدق عدد المرات تجاوز 70 مرة طبعا انا وقتها كنت بوسط الدمام والوقت كان ليل يعني فذروة الزحمة
الاستنتاج ان القطع هاذي سميت استهلاكية يعني راح تستهلك لكن الفرق ان هناك ناس تستهلكها في وقت قصير وهناك ناس تستهلكها في وقت اطول دمتم بود
مع تحيات هاي الشرقية يارب متى اصير مشرف :o

**keegan** · 16-08-2011, 12:19 PM

اشكركم على التفاعل واتمنى تفاعل باقي الاخوان

وبالنسبه للي يقول على حسب الاستخدام ماختلفنا

لكن الوكاله في كل تشييك شيء معين يتغير

فاليت نوصل لمرحلة ان كل واحد يعرف وش القطعه المفروض تتغير بدون مايدفع مبالغ في الوكاله على تنظيف فلتر مكيف وتغيير زيت