المشكله هاذي أتوقع من السي دي منتهي
السلام عليكم
شهر مبارك عليكم جميعا
احبائي اعضاء منتدانا الغالي / شخباركم ان شاء الله طيبين
عندي مشكلة بسيارتي العزيزه
بدأت المشكلة تقريبا من 5 رمضان والمشكلة متقطعة يعني ع حسب يوم ويوم
المهم ما بطول عليكم عندي المسجل او كهربة السيارة فيها مشكلة والامر جدا تاعبني ومحيرني بنفس الوقت
المسجل فجأه يسكت لمده ثواني قليلة جدا جدا ويشتغل او يعلق شوي يسوي طرررر او آآآآء
اول مره صارت معاي كنت بالمساء المسجل علق ( آآآآآآآآآآء ) :d وكهربة السيارة غمزة غمزه قوية حسيتها بتطفي بوقتها :(
وحاولت اكثر من مره اسجل المشكلة بس المقاطع ماتكون واضحة واخترت لكم مقطع اشوفه اوضح مقطع
وآسف ع رداءت التصوير لان جوالى الآيفون توفى قبل كم يوم :p بوديه ع الضمان بس والله مافضيت
هيا المشاكل لما تجي تجي مررره وحده
هذا رابط المقطع محدد اسفل المقطع ع اليوتيوب الدقايق الي تظهر فيها المشكلة :
[ame=http://www.youtube.com/watch?v=1SncaymOlMc]‫اكورد 09 - جدة‬‎ - YouTube[/ame]
يااارب تقدروا تساعدوني بمشكلتي
واتمنى لكم صوما مقبولا وافطاراً شهيا
المشكله هاذي أتوقع من السي دي منتهي
طيب شيك على أصابع البطاريه ممكن منها المشكله
نظفها و ان شاء الله بتضبط
المشكله في الكهرباء ما توصل تمام شيك على اصابع البطاريه وعلى الدينمو
يااارب احصل حل لمشكلتي راح انزل مقطع جديد اوضح ان شاء الله مصور بالمساء
طيب البطاريه اللي غيرتها كم امبير ؟؟
خل السيارة شغاله وافصل اصابع البطاريه . اذا تفتفت او طفت فالمشكله من الدينمو
يمكن فيه جني بالمسجل خخخخخخخخخخخ
ياحبيبي اعقد مشكلتك من الارسال مالها دخل بالكهرب لو بالكهرب كان فصل ويبين على طول
شيك على الفيوزات
البطارية الكترونية 60 امبير صغيره نفس حق الاكورد حتى لما اشتريتها شيك ع الكتلوج بمحل البطاريات
الدينمو سلم وشيكت عليه عند البنشري والبطارية كمان سليمة
امممم جني تصدق اذا كان جني كان ارتحت اجيب شيخ يقرأ عليه ويطلع ويفكني المشكلة اكبر لان حتى اذا شعت السي دي تطلع تفس الحكاية
اي فيوز بالضبط والله تعبت
هذا فيديو جديد
شوفوا المشكلة بالله تساعدوني بحلها وربي طفشت من السيارة
لاحول ولا قوة الا بالله
[ame=http://www.youtube.com/watch?v=HCkDPeGK8FY]‫مشكلة بالاكورد 09‬‎ - YouTube[/ame]
الكهرباء تضعف حتى نور الي بالسقف والانوار الخارجية
اعتقد بأن ساالفة النووور هي لمن تشتغل المراااوح....صحيح يضعف انوور بس ما اتوقع زي كذا..!
هذا تصوير خارجي يبين الشمعات تغمز وتضعف الكهرباء مع تشغيل كمبروسر المكيف
حتى الاسطبات الخلفية
[ame=http://www.youtube.com/watch?v=fVp0MIBUaYk]‫مشكلة بالاكورد 09 (2)‬‎ - YouTube[/ame]
طيب اخوي هل ركبت شي على سيارتك ممكن انه اثر على الكهرباء
يعني شي فيه تجريح اسلاك ولا يسبب تلف للفيوزات
السلام عليكم
كيفك اخوي
انا معي اكورد 2008 وصارت لي المشكلة اكثر من ثلاث مرات
طبعا المرة الاولى ضاق صدري لكن بعد ماعرفت الحل
سويته المرة الثانية وضبط والمرة الثالث الاسبوع الماضي وعرفت ان هذي مشكلة سيارتي
البطارية يمكن تستغربون لو قلت من البطارية
لكن وربي هذا اللي صار ثلاث مرات وكتبت في المنتدى
ولاحظت شي البطارية اكثر من سنة على سيارتي يصير لها كذا وانت تمشي يطفى المسجل وبعض المرات المكيف غير البطارية وان شاء الله تنحل المشكلة
بالعكس تكره ابو السيارة خصوصا نك دافع مبلغ وقدرةاما مشكلة المسجل ما توقع انها صعبة ولا تكره في السيارة
طيب ايش نوع البطارية اللي ركبتها ؟؟
يا شباب المشكله من البطاريه بس. انا صارت عندي نفس فصلت المسجل اكثر من مره و ما اهتميت كثير للموضوع و بعد شهر تقريبا خربت البطاريه و لما غيرتها اكتشفت ان المشكله انحلت و لله الحمد
يعني الحل اجا صدفه.
مواقع النشر (المفضلة)