طيب اخوي فيه حل
اذا الموتر فيه الرجه وتحسها بالدركسون ( الطارة ) فمعناته ان عندك خلل في الكفرات الأمامية
واذا الموتر فيه الرجه بس الطارة ثابته فمعناته ان الخلل بالكفرات الخلفية
الحل هو
شف أحد الشباب خذ منه الاستبنه وأنت اكيد معك استبنه
مره فك الكفرات الخلفية وركب الاستبنتين مكانهن .. اذا راحت الرجه فمعناته ان السبب باحد الكفرين الخلفيين
عاد يبقى انك تحدد هل السبب يمين او يسار ... والحل ... ركب استبنه بالجهه اليمين واحد الكفرات الخلفية باليسار
إذا راحت الرجه فمعناته ان الكفر اللي بالجهه اليسار تمام ..
وألحين تنزل الكفر اللي بالسيار وتركب الكفر الثاني ... اذا جت الرجه فمعناته ان الخلل فيه
أما اذا طلع الوضع تمام والكفرات الخلفية ما فيها شيء
فجرب بالجهه الامامية .. وبنفس الطريقة
حتى تكتشف الخلل وتشوف لك حل
واتوقع ان السبب بالكفر المرقوع ( الرقعه الداخليه ) يمكن ما ضبطت الرقعه ..
* ملاحظة : اقصد بتبديل الكفرات ----> الكفر مع الجنط على بعضه ...... ولا أقصد انك تفك الكفر من الجنط ( إنتبه )
مواقع النشر (المفضلة)