لاتخاف ان شاء الله سيارتك تمام حصلت ليه مشكلتك لاكن قبل فتره وحلها اذا السياره مااشتغلت حط يدك على القير ورجعه على خفيف و باليد الثانيه شغل
السـلآم عليكم ,, يسعد لي صبآحكم اخواني
كيفكم ,,
ممم حلوو الشخص لما يحب سيـآرة معينة ويجمع لاجلها الفلوس ,, ولما يحصلهآآبالسـوق ويشتريهآآ ما يهتني فيهآآ
سيـآرة من اسبوعين بس شريتهآآ ,, اكورد 2007 ليمت ,, نظيفة بودي ومفحوصه قبل مآ اشتريهآآ عند البريدي بمعارض النسيم , وقفتهآآ جدا نظيفة
انبسطت فيهآ الحمد للله 3 أيام بس , وبعدهآآآ بدأ مشوآر الحيرة والطفش
جيت مرة اشغلهآ مو راضيه تشتغل ,, حاولت مرة ومرة ما فيه فايدة ,, انوآر الطبلون كلهآ تشتغل , بس السلف يطلع تكّـة وحدة بس ولا يشتغل ,, تركتهآآ وصرت احاول اشغلها بين وقت ووقت بدون فآيدة
بعدهآ بسآعة جربت واشتغلت على طول , استغربت انااا يآربي وش جاهاااا
وديتها الصناعية قلت دامني شآريهاا خلني افحص الدينموو بالجهآز وافصل الاصبع مرة وحدة واشوف
الموهم بالجهازز الدينموو تمام والبطآرية نص عمر ,,, بس غيرت البطآرية احتيآط
ومع ذلك بدون فايدة تمسك معاها من وقت لوقت بدون سآبق انذار
رحت لكهربائي طبعا بعد ما اشتغلت بالصددفه ولما جات عند الكهرباىي صارت تشتغل ما كانها طفت اكثر من عشر مرات حسب مزاجهآآ
قالي هذي مشكلة بالاكورد , بس غير الاصبع واشتر أصلي , وركبه لي وضبطت ليله وحده ويوم اصبحنا رجعت المشكلة ,, احاول اشغلها ما تشتغل وبرضوا الظهر نفس الشى
احترت ما ادري وش اسوي
حتى مفتاح السبير جربته قلت يمكن المفتاح فيه شئ ,,
الموهم بعدها مرة مدحوا لي كهرباىي ورحت له , وقال لي اذا ما اشتغلت معاك افتح السويتش وعشق القير (دي) وبعدين رجعه لـ (p( وجرب تشغلهــآ ,, إذا اشتغلت فهذا احتمال من حساس القيرر
طبعا فحص حساس القيـر فحص بسيط على الحفرة تحت , وقال شكله كويس
لي يومين اذا ما عاد تشتغل اسوي نفس هالطريقة وتشتغل ,,
مع العلم انها من امس صآيره تشتغل طبيعي بدون ما اسوي هالطريقة
قآئمة الفحص الي سويتهآ
- البطآرية جديدة
- الاصبع نحاسي اصلي ومع ذلك رجعت
- الدينمو سليم
- السلف ما يدق ما عدا صوتك (تكـ )
- انوار الطبلون كلها تشتغل
- الفجر او الظهر او الليل نفس الشى بدون سابق انذار
برآيكم وش علتهــآ يا اهل الخبرة ؟؟ محآكيكم ما يدري يسآفر فيها والا لآ الاسبوع الجآي
الله يرضى عليكم افزعوآ لها الهوندا
اخوكم البـدر
لاتخاف ان شاء الله سيارتك تمام حصلت ليه مشكلتك لاكن قبل فتره وحلها اذا السياره مااشتغلت حط يدك على القير ورجعه على خفيف و باليد الثانيه شغل
هي وحده من الثنتين
يا حساس الجير أو فحمات السلف
فحمات السلف سعرهم حدود 170 ريال و حساس الجير ما أدري لكن أتوقع حدود 300 ريال
إذا صارت لك المره الجايه و حطيت الجير N و رجعته و اشتغلت معناها حساس الجير
أما إذا ما اشتغلت معناها فحمات السلف
و موفق ان شاء الله
التعديل الأخير تم بواسطة alkasr777 ; 19-08-2011 الساعة 10:06 AM
تأكد من علبة الفيوز في فيوز لونه ازرق تأكد إنه مركب صح وشيك عليه بقلم الفيوز
للمعلومية فقط اصبع الأكورد بالذات مافيه منه اصلي لوحده ومافيه بالوكالة, هذه تجي ظفيرة كاملة لأسلاك البطارية تشتريها من الوكالة وسعرها مايقارب الـ 250 ريال
(هذا إذا مازاد سعرها!)
الأصابع النحاسية سيئة جدا ً بعضها لونه فضي وبعضها ذهبي كل من النوعين سيئ جدا ً, الأفضل لك ترجع اصابع الوكالة إذا حصل لك, إذا ماقدرت اقترح عليك تشوف من التشليح لأنها راح تكون اقل سعر من الوكالة (حسب مزاج صاحب التشليح)
مشاكل المتوقع حدوثها لك للأكورد 06-07
تقريبا ً هذه اكثر المشاكل إلي تصير لك ولي وكل واحد معاه اكورد خصوصا ً بالموديلات 06-07..
- تعليق نور العالي.
- طربمة الدركسون.
- حساس القير دائم يصير فيه مشاكل.
- عواكس الاسطبات الامامية لازم ترج معك!.
:(
يا غالي انا عندي نفس مشكلتك مرات تشتغل ومرات ما تشتغل فحصت الموتر بالوكاله وقالي حساس القير بس قالي نظفته وشوف اذا رجعت المشكله لازم تغير هالحساس ورجعت المشكله بس للحين ما غيرت هالحساس
خذها مني وربي تدعيلي
صارت معي نفس مشكلتك بالضبط تمام
ترى الحين مره وتشتغل ومره لا ودها ورشه وغير فحمات السلف وتضبط ان شاء الله 100 %100 انا مجرب
ولا توقف عليك مره وحده ما يسوى عليك التعب تشيلها بسطحه
واللي يقول القير القير ماله دخل ابد
الرجال يقول يطلع تك وبعض الاحيان تشتغل وبعض الاحيان تجلس تنتظر ساعه عشان تبيها تشتغل
شوف اخوي توكل على الله وغير فحمات سلف تلاقيها ب 190 ريال اصليه وكاله
شغل اليد مابين 150 - 200 لانه متعب جدا شغل تركيب فحمات السلف
اتمنى اكون قد افدتك
واعطينا النتيجه نحن بأنتظارك
مواقع النشر (المفضلة)