مشكله بالاكورد 2006

**فهد الهواوي** · 19-08-2011, 11:07 AM

السلام عليكم

اخواني كما هو موضح بالعنوان موتري اكورد 2006 4 سلندر

فيها مشكلتين اول مشكله تفصل الامبيرات بالطبلون ويقلب المكيف حار

والمشكله الثانيه تجيها مثل النتعه وادوس البنص كله وتمشي شوي شوي والقير مايبدل

وديتها لواحد فحصها كمبيوتر وقال ان المشكله بالظفيره وحاول يبرمج ولا رضت تتبرمج

وقال مالها حل الا الوكاله

الي ابي منكم تدلوني على مكان بالقصيم او الرياض يكون مضمون وله خبره بمواتر الهوندا
غير الوكاله لاني عارف الوكاله وجع راس وزحمه

والي له خلفيه عن المشكلتين ياليت يفيدني وش حلها وله دعوه بظهر الغيب

انتظر ردودكم

**هاي الشرقية** · 19-08-2011, 12:56 PM

شوف يابعد قلبي من ناحية المكيف احتمال اول حساس او التروستات اللي يفصل الكمبروسر عند اللزوم خربان.
الحتمال الثاني: في علبة الفيوز كتاوت لتشغيل الكمبروسر احتمال يحتاج تغيير لان الكتاوت اذا فيه خلل مرة يفصل ومرة يشبك فشيك عليه0
مشكلتك الثانية اتوقع مثل ماقالك الي فحصتها عنه يبي لها برمجة
واتمنى من شباب الرياص مايقصرون معاك
مع تحيات هاي الشرقية يارب متى اصير مشرف :o

**فهد الهواوي** · 19-08-2011, 07:19 PM

اهلين اخوي

حبيب قلبي المشكله يفصل المكيف مع فصلة الطبلون مو لوحده يفصل ذا الي مجنني شدخل المكيف بالطبلون

**قدام عينك** · 21-08-2011, 12:24 AM

المكيف يمكن يامن اللديتر الخاص فيه او من البكره
انت رح مغسله وخلهم يرشون مويه على اللديتر من الشبك السفلي الي بالصدام
اذا ماراحت يمكن بكره
اما القير صارت مع صاحبي واحد من حساسات القير تفصل
ابي اسالك اذا صارت معاك النور الي بالطبلون حرف d يبدا ينور ويطفي كم مره ؟؟؟؟
اذا هي اكيد حساس
عموما مرجعك الوكاله افضل او ناس خبره واسم عريض ينفعونك < ورشه اقصد

والله يجنبك المشاكل

**فهد الهواوي** · 21-08-2011, 07:39 AM

المكيف مافيه اي مشكله المشكله بفصلت الطبلون إذا فصل قلب المكيف حار
مايطفي المكيف بس يقلب من بارد إلى حار مدري وش دخل المكيف بالطبلون
يعني لو مافصل الطبلون المكيف شغال يبرد ويثلج
ايه الطبلون إذا فصل تطفي لمبة القير وإذا اشتغل الطبلون تبقى اللمبه طافيه لازم اطفي السياره واشغل وترجع اللمبه

ونفس الحال بالنتعه لازم اطفي واشغل ياليت تسأل خويك إذا صار له نفس حالتي الله لايهينك

**متصفح** · 21-08-2011, 08:57 PM

شيك على الكهرب واعرف وين الخلل بالضبط شيك على الافياش واحد واحد عند كهربائي

واذا مركب زينون شيك على التوصيلات ...ونظف اصابع البطاريه وشدها مضبوط

اذا انتهت مشكلة فصلة الطبلون بعدها نشوف المشاكل الثانيه لاني اتوقع انها مترتبه على المشكله الاولى

شوف وش اخر صيانه سويتها او اصلاح للسياره وشوف الاسلاك اذا موصله مضبوط او لا

ابدا باصابع البطاريه وبعدين افحص التوصيلات

**فهد الهواوي** · 22-08-2011, 02:24 AM

مرحبا اخوي واشكرك ع الرد

اليوم فحصتها كمبيوتر وقال ان مشكلتك من الظفيره بس ماحدد المشكله بالظبط ماقال هل هي اللتماس او قطع

بسوي الي قلت لي عليه لعلى وعسى تنحل

المشكله الثانيه الي هي النتعه سألته عنها قال الظفيره مأثره ع القير ورحت لاكثر من كهربائي غيره قالوا مو مقتنعين بكلامه ولا انا

الله يعين وبأنتظار ردود باقي الشباب الله لايهينهم

**شويزن** · 22-08-2011, 11:31 AM

اول شي شوف البطارية تتحرك من مكانها ؟!
واذا تحركت تأكد من السلك الي يوصل للبودي مخلخل ومو مشبوك زين ولا لا
لأن جننتي شهرين على هالحالة وبالاخير سلك بعشرة ريال

**كيمو** · 22-08-2011, 03:53 PM

شيك على اصابع البطارية سولها صنفرة وعلى سلك التأريض

**متصفح** · 23-08-2011, 08:44 PM

لو عندك فيش مو مشبوك مضبوط فحص الكمبيوتر مايطلع سبب المشكله وراح يقولك

الفني المشكله بالضفيره لكن وين مدري...؟

اذكر مره فصلت فيش الدينمو الي يوصل للبطاريه وماشبكته مضبوط وبعد مشوار اشتغلت لمبات الطبلون كلها

وصارت حوسه بالقير والكهرب كلها ويوم شبكته مضبوط رجع كل شي سليم

**الفاهمي** · 23-08-2011, 11:28 PM

شيك على الفيوزات+الكتاوت + _ الاسلاك الظاهره لك يعني >>> مركب زينون مزود شئ كهربائي في السياره ( امسسك التوصيلات لها وشيك ) اذا اوكي التوصيلات ،، اجل زي ماقالو لك الاخوان سنسور حساس او شئ بسيط ،،، التفتفه (تخوف )ههههههه منظم الهواء ؟