انا اليوم ظهرت عندي ونفس الموديل بس 6v
السلام عليكم
كيفكم شباب .
قبل تقريباً شهرين طلعت لمبة صفراء تحت عداد البنص في هوندا اكورد موديل 2008 ووديتها للوكالة قالوا لي فيه مشكلة في الشكمان ويبي له وزنيه ومن هالكلام وصلحوها لي بـ 260 ريال تقريباً.
وأختفت اللمبة علطول , وبعد 24 ساعه طلعت ثاني مرة هاللمبة ووديتها وقالوا لي يبي لك تغيير الشكمان كله + برمجته ماني عارف كيف ~!! كل ذا بـ 1800 ريال ...وبعد ماصلحوها في المرة الاولى أشك المشكلة بالشكمان أصلاً ...
المهم قالوا لي مو مشكلة تمشى عليها بس ماتقدر تسافر لمسافات طويلة .. وأخذت السيارة بدون ما أصلحها ...
المهم رحت لكهربائي في الصناعيه بالرياض ونظف الكليبريتر لأنه فيه وسخ وخلص وشغلت السيارة وإختفت اللمبة ولما رحت للبيت وبعد تقريباً 10 دقايق جاني مشوار ضروري وشغلت السيارة إلا واللمبة ترجع وتولع من جديد
اتمنى احد فاهم ويقول لي وين المشكلة بالضبط ؟؟
او إذا فيه أحد مرت عليه هالمشكلة ويعلمني كيف حلها ؟!
الصور ,,,
انا اليوم ظهرت عندي ونفس الموديل بس 6v
طيب انا شفت لمبة صفراء في سيارة احد الأعضاء في منتدى ثاني وطلعت المشكلة في ان علبه ماء المساحات فاضية وعباها وإختفت المشكلة !!
هل تتوقعون المشكلة في هالعلبه ........
لا حظت شي ثاني لمبة الـ eco (تبع الصرف الإقتصادي) بطلت تشتغل ما أدري ليش
اخوي هاذي لمبة المكينة
معناته انه في خلل في السيارة وافضلك تروح ورشة ممتازة تفحصها كمبيوتر
وتريح نفسك
وبالتوفيق
هذي حسآس لي كل شي بالسيـآرهـ لابد انه في شي خرب انا طلعت لي اول من المويه ،،
وطلعت لي لمن اتمست الاسلاك ولمن انحرق الفيوز واطفي السيآرهـ ابو كم دقيقه واشغل وتروح ،،
لكن الافضل زي ما قال الآخEng ZeeeZo0o اقرب ورشه فحص كمبيوتر وطلع لك الخربآت
اتوقع راح تعرف الخراب انت لكن اهم شي يكون بكهربة السيآرهـ زي الاذرعه المقصآت هذي مالهـآ دخل
افصل البطاريه شوي وارجع اشبكها وشوف
والله يابعد قلبي هاذي لمبة المكينة يعني معروفة بدون وضع صور:d هاذي تطلع اذا صار عندك مشكلة بالحساسات وبالغالب تطلع من حساس الشكمان انا ولعت عندي قبل 6 اشهر ورحت وسويت فحص قال عندك حساس الشكمان طبعا بالوكالة سعره 1600 ريال وروح التشليح واشتري واحد ب200 ريال وتمام وقبل شهرين ولعت مرة ثانية وسحبت عليها لان سالت الفني قال مامنها اي ضرر
يالحبيب .. انا سيارتي اكورد 2008 .. وصارتلي نفس مشكلتك
الحل عندي انا .. لاتروح لاشركة ولا شي
الحل ...
أفصل البطارية لمدة ربع ساعه .. وبعد كذا شغل السيارة راح تلاقي العلامة راحت
انا سويت زي كذا وراحت العلامة الصفراء .. ولا عاد شفت رقعت وجهها << ^^
بس هذا الحل موقت يعني راح تولع بعدين يو ول سي
شي جديد سمعتة ... اما تغيير الشكمان كامل !! لا والمضحك بعد برمجة شكمان ..!
اللي يبيلة تغيير والمشكلة صايرة لي من قبل هو حساس الشكمان لا اكثر .. انت سوي فحص كمبيوتر وشوف وش بيطلع لك اي حساس اللي خربان .. بالوكالة سعرة فوق 1000 بالتشليح حدود 150 ريال ... ولا يحتاج برمجة .. فك وتركيب والسيارة طافية وبس ..
فحص كمبيوتر وتعرف سبب المشكله..
برمجة الشكمان هههههههههههههههههههههههههههههههههه
هذا يالغالي اكيد حساس الشكمان خويي معاه 2007 ودخل فيها مويه وخرب الحساس
ولها الان سنتين وماصلحها وامورها ماشيه تمام ماشاء الله
صارت من خويي اكورد 2008 وطلعت المشكله من زيت الجير ماغيره (ماشي عليه كثير الله سلمه ماخبط ))
وغيره واختفت اللمبه :d
هذا من الاسباب طبعا
ان شاء الله عوافي يا الغالي
خلاص ياهوووووووووووووووو عطيتوا الموضوع اكبر من حقه السبب حساس الشكمان اذا تبي تختفي اللمبة غيره اذا ماتبي ماراح يضر والسلام بس عندي ملاحظة حق المعلقين فوقي مين الي قال يحتاج تغير الشكمان او برمجته انا قريت كل التعليقات مااحد كتب زي كذا الضاهر جالسين تتحلمون:d
مع تحيات هاي الشرقية
والله مادري ياشباب المهندس في فرع الوكاله بالخالديه بالرياض يقول يبي لك برمجه للشكمان :d
على العموم انا البارح فصلت البطاريه زي ماقالوا الأعضاء وإختفت وألحين رجعت ثاني مرة
تصدقون انوا بعض المرات النيجيري اللي يغسل السياراة ينظف الشكمان من وراي لأنوا دايم لما أشغل السيارة بعد الغسيل ألاحظ فيه مويه تطلع منه على الأرض ويمكن لما دخل المويه في الشكمان اعدم حساساته
انا بودي السيارة عند ورشة وأفحصها كمبيوتر وعلى الله أعرف وين المشكلة وأنا تقريباَ شاكك في الشكمان بس بشيك وأرد لكم خبر
عن تجربة ...
كنت في الوكالة امس طبعا و رفضو يستقبلوا السيارة علشان الضغط اللي عندهم ... المهم اعرف لي زميل في الوكالة ..
دقيت عليه و قلي شيك على زيت المكينة وفلتر الهوا ....
زيت المكينة سليم ... بس غيرت فلتر الهوا الحمد الله بعدها اختفت اللمبة
فلتر الهواء غريبة
شباب طلعت المشكلة في حساسات الشكمان الأثنين :(
وسألت محلات قطع الغيار وقالوا مايبيعون وتلاقيها بالوكاله وممكن تحصل بالتشاليح وعطاني محل قطع الغيار ذا رقم واحد بالتشليح عندهم حساسات الشكمان ولقيت الواحد بـ 300 ريال
وانا محتار ودي انظفه بأقرب ورشة بس مادري كم يأخذون للتنظيف ؟
يابعد قلبي خلك مثلي لاتصلحها ترى مافيها ضرر حتى لو اشتريت من التشليح ماتضمن انها راح ترجع يوم من الايام عشان كذا طنش تنتعش:d
مواقع النشر (المفضلة)