استفسار عن الفحمات!!!

[cord2011]

السلام عليكم ورحمة الله وبركاته

مساكم الله بالخير يا اخوان

عندي استفسار عن الفحمات ادخلت السيارة صيانة 20الف قالوا نغير فحمات اذا كانت تحت النص انا قلت له لا تغير تحت ولا فوق هل الاكورد 2011 خلال 20الف تخلص فحماتها ولا يمكن تطول الى 40 وفوق لان ال20 الف وال40الف كلها تجي بسرعه مو معقوله كل شوي اخسر 500 او فوق كل فترة بسيطه.

كيف اعرف اذا الفحمات قربت تنتهي ؟
كم سعر الفحمات وهل في بديل عن فحمات الوكاله؟
هل اي ميكانيكي يركبها ؟

[almhrom]

وعليكم السلام

شوف ياغالي الفحمات تخلص حسب استخدامك لها

ومعروفة الفحمات اذا قربت تخلص تسمع صوت مع دعسك للفرامل

[dedme]

ركب لك فحمات اسمه نمسل حقات لاكورد تحصله بسعر 235 وره وقدام ولفحمات الدوم حسب لاستخدام

[accord7]

ركب لك فحمات اسمه نمسل حقات لاكورد تحصله بسعر 235 وره وقدام ولفحمات الدوم حسب لاستخدام

اول مره اسمع عن الفحمات ذي :d

الي اعرفه فحمات نيسن اليابانيه :o

____

لآتغير الفحمات الين تسمع صوت الصفير :p

[alkasr777]

الحمد لله اني خلاص استغنيت عن فحمات الوكاله

عمركم شفتوا فحمات خلفيه تنتهي بعد 4 شهور استخدام

و القهر سعرها بـ 270 ريال والله قهر

و يا زين نيسن زيناه

الحمد لله أنا أشوف فحمات نيسن أفضل من حقين الوكاله و أرخص

[dedme]

اول مره اسمع عن الفحمات ذي :d

الي اعرفه فحمات نيسن اليابانيه :o

____

لآتغير الفحمات الين تسمع صوت الصفير :p

ماعليه كان في خطه في لاسم بس انته جربهم وراح يعجبونك وسعرهم ارخص من الوكله بي كثير

[هاي الشرقية]

والله ياعزيزي اذا راح تسمع الوكالة بكل شي راح اقولك تحط لك ميزانية خاص للوكالة بس الفحمات مثل ماقالك اخويalmhrom تعتمد على سواقك ولا تغيرها الا اذا سمعت صوت مثل الصفير وبعدين نصيحة منى لاتركب الا اصلي وياباني ولاتسوي مثلي ركبت تجاري واعدم على الهوبات دمت بود
مع تحيات هاي الشرقية يارب متى اصير مشرف :o

[cord2011]

الله يعطيكم العافية جميعا

لكن اهم سؤال في التاريخ ما جاوبتوا عليه :هل اي ميكانيكي يركبها ؟؟؟

طبعا التغيير ما بغير الحين ابد بس مجرد خبره اكتسبها من تجاربكم بارك الله فيكم :d.

الا المهندس قال عمر الفحمات 20 الى 25 الف كم قلتله لا تغير قال زبون غير موافق قال وقع قلت هات اوقع

[zead]

حبيبي بالنسبه للتركيب انت لو عندك عده بتركبها عادي بس المشكله في خرط الهوبات اذا انخرطت اوكي امورك اوكي اذا خرطها ماش اليوم الثاني في العصر بتسمع صوت بعدها بيومين بتروح تشتري فحمات جديده وتركبها وتخرط كمان

[alkasr777]

أي ميكانيكي يركبها عادي

و حتى بعض البناشر يغيرونها أبو يمن :d

بس لو تغيرها عند ورشه تشوفها ممتازه أريح لك بال

[فهودي 2010]

انا سيارتي قربت 38 الف ولاغيرت

[هاي الشرقية]

عاتي يبه عاتي احنا وش قلنا لاتغيرون حتى يطلع الصوت ويمكن انت رجلك خفيفة يعني راح تطول معاك وعقبال 100.000 كيلو انشاء :o

[فتىسدير]

انا موتري الحمد لله 2011 وماشي الى الان 30 الف وماغيرتها .. يمكن الى 40 الف تقريبا

بالنسبه لسواقتي عاديه يعني مو من الي اكبس بسرعه

في الاخير الفحمات على حسب استخدامك

وبالنسبه للتصفير انا بعد عندي تصفير عند الفحمات كان يطلع عندي من 20 الف
ورحت لورشه وقال باقي في الفحمات عمر النص
يعني التصفير لايهمك
اهم شي رح لورشه في الصناعيه وخله يشوفها من برا بدون مايفك شي

بيعرف طبعا اهو

وبالتوفيق

[mo7al]

طيــب واللي عـنده صـوت طـقه اذا رصيت الفرامل ؟؟!!
وش هـآلصـوت ؟

[cord2011]

بارك الله فيكم
بس لازم من الخرط مع كل تغيير فحمات!!!؟:(

الاخ mo7al:

طيــب واللي عـنده صـوت طـقه اذا رصيت الفرامل ؟؟!!
وش هـآلصـوت ؟

الصوت عندي في اليمين وكلمت المهندس سووا لها تربيط ولما طلعت بالسيارة من عندهم مافيها صوت حسيت انها جديده :dبس الطامه المتوقعهرجع الصوت بعد يومين بس اخف من اول وان شاء الله راجع لهم بوجه يجيء بالشر والظاهر اني على طول دايركت للمدير
الله يعين عليهم ابيهم بس يسوون الصوت هذا وخلاص ما ابي منهم شي .

[هاي الشرقية]

لازم تخرط الهوبات بس اذا جيت تخرط قول حق الي راح يسوي خرط لاتشيل نص الهوب عندك الباكستناني اذا جاء يسوي خرط حق الهوب يروح نصف الهوب قوله بس ابي نص ملي فقط اول اقل
مع تحيات هاي الشرقية يارب نتى اصير مشرف:o

[cord2011]

هاي الشرقية الله يسعدك ماشاء الله عليك الظاهر انك مرابط في المنتدى تبي تصير مشرف :dههههههههههههههههههههههه الله يوفقك.

[بقايا حب]

خذ لك نيشن كويسه وبنفس الوقت رخيصه

[ناايف]

انصحك بفحمات نيسن اليابانية انا مركبها قدام قبل ستة شهور وكشفت عليه قبل يوم لقيت باقي فوق النصف

[م ل ك 2008]

طيــب واللي عـنده صـوت طـقه اذا رصيت الفرامل ؟؟!!


وش هـآلصـوت ؟

هلابك اخوي

الصوت الى عندك عيب مصنعي من الركب راجع الوكاله يغيرونه على الضمان

العيب في موديلات2011

واي خدمه اناحاضر