الموضوع: هل هناك اضرار اذا تم فك الفصله

كون السيارة تتعدى 250 شي عادي وسهل جدا على محرك الاكورد لكن اسلوب الفصلة اللي يستخدم عندنا في الخليج بشكل عام سيء وغير مدروس

يعني لما يبون يوقفون الفصلة ما يقدرون يدخلون كمبيوتر الاكورد ويوقفون الخاصية هذه لكن يركبون شبست تركب بعد الكمبيوتر وتوقف الفصلة لكن مع ايقاف الفصلة فيها امور كثيرة منها انها تضرب نظام VTI عندك واي غلط في اقفال وفتح الصمامات يضرب بساتم المحرك بالبلوف لانها اجزاء من الثانية مدروسة

في جميع دول العالم مثل اليابان وامريكا واوروبا مفتوحة ولو تجيب هوندا اكورد امريكية الفصلة ماهي موجودة وما يضر المحرك دامها مفتوحة من الوكالة لكن طريقة الغاءها في المحلات المشبوهة بتعدم عليك المحرك ولو تبي تتأكد قول له ابي ضمان سنة على المحرك او اي تلفيات تجي للمحرك بعد ما توقف الفصلة

جت في الوكالة اكثر من سيارة وفيها ان المحرك ضرب بسبب ايقاف الفصلة وكلها من ورى الشبست اللي يركبونه على الكمبيوتر والافضل انك تخليها مثل ما هي

للمعلومية محرك الاكورد بكل سهولة يقدر يجيب السرعة الكاملة الى 250 بدون مشاكل وايضا مرسيدس 600 S يقدر يجيب اكثر من 320 كيلو متر في الساعة لكن محددين بالكمبيوتر


وللمعلومية لا يمكن البرمجة على كمبيوتر الهوندا مطلقا الا من قبل الوكالة وحتى الوكالة لديها صلاحية اعادة تحديث للكمبيوتر وصلاحية مسح ذاكرة القير فقط وما عندهم خاصية اضافة مواصفات او الغاءها


عموما هذا محرك اكورد 2.4 يعني اربع سلندرات فقط ويمشي 250 بشكل عادي جدا ولسه يقدر يكمل لكن هذه طالعة من المصنع كذا لذلك دامها ما جت كذا فانسى الفكرة

[ame=http://www.youtube.com/watch?v=y7kn_hLkgns]2008 Honda Accord top speed 255 km/h - YouTube[/ame]